ན་མོ ཏ་སྶ བྷ་ག་ཝ་ཏོ ཨ་ར་ཧ་ཏོ ས་མྨཱ་ས་མྦུ་དྡྷ་སྶ

ཨ་ངྒུ་ཏྟ་ར་ནི་ཀཱ་ཡོ

ཨེ་ཀ་ཀ་ནི་པཱ་ཏ་པཱ་ལི༹

༡. རཱུ་པཱ་དི་ཝ་གྒོ

༡. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏ་ཏྲ ཁོ བྷ་ག་ཝཱ བྷི་ཀྑཱུ ཨཱ་མ་ནྟེ་སི – ‘‘བྷི་ཀྑ་ཝོ’’ཏི. ‘‘བྷ་ད་ནྟེ’’ཏི ཏེ བྷི་ཀྑཱུ བྷ་ག་ཝ་ཏོ པ་ཙྩ་སྶོ་སུཾ. བྷ་ག་ཝཱ ཨེ་ཏ་ད་ཝོ་ཙ –

‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་རཱུ་པ་མྤི ས་མ་ནུ་པ་སྶཱ་མི ཡཾ ཨེ་ཝཾ པུ་རི་ས་སྶ ཙི་ཏྟཾ པ་རི་ཡཱ་དཱ་ཡ ཏི་ཊྛ་ཏི ཡ་ཐ་ཡི་དཾ, བྷི་ཀྑ་ཝེ, ཨི་ཏྠི་རཱུ་པཾ. ཨི་ཏྠི་རཱུ་པཾ, བྷི་ཀྑ་ཝེ, པུ་རི་ས་སྶ ཙི་ཏྟཾ པ་རི་ཡཱ་དཱ་ཡ ཏི་ཊྛ་ཏཱི’’ཏི. པ་ཋ་མཾ.

༢. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་ས་དྡ་མྤི ས་མ་ནུ་པ་སྶཱ་མི ཡཾ ཨེ་ཝཾ པུ་རི་ས་སྶ ཙི་ཏྟཾ པ་རི་ཡཱ་དཱ་ཡ ཏི་ཊྛ་ཏི ཡ་ཐ་ཡི་དཾ, བྷི་ཀྑ་ཝེ, ཨི་ཏྠི་ས་དྡོ. ཨི་ཏྠི་ས་དྡོ, བྷི་ཀྑ་ཝེ, པུ་རི་ས་སྶ ཙི་ཏྟཾ པ་རི་ཡཱ་དཱ་ཡ ཏི་ཊྛ་ཏཱི’’ཏི. དུ་ཏི་ཡཾ.

༣. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་ག་ནྡྷ་མྤི ས་མ་ནུ་པ་སྶཱ་མི ཡཾ ཨེ་ཝཾ པུ་རི་ས་སྶ ཙི་ཏྟཾ པ་རི་ཡཱ་དཱ་ཡ ཏི་ཊྛ་ཏི ཡ་ཐ་ཡི་དཾ, བྷི་ཀྑ་ཝེ, ཨི་ཏྠི་ག་ནྡྷོ. ཨི་ཏྠི་ག་ནྡྷོ, བྷི་ཀྑ་ཝེ, པུ་རི་ས་སྶ ཙི་ཏྟཾ པ་རི་ཡཱ་དཱ་ཡ ཏི་ཊྛ་ཏཱི’’ཏི. ཏ་ཏི་ཡཾ.

༤. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་ར་ས་མྤི ས་མ་ནུ་པ་སྶཱ་མི ཡཾ ཨེ་ཝཾ པུ་རི་ས་སྶ ཙི་ཏྟཾ པ་རི་ཡཱ་དཱ་ཡ ཏི་ཊྛ་ཏི ཡ་ཐ་ཡི་དཾ, བྷི་ཀྑ་ཝེ, ཨི་ཏྠི་ར་སོ. ཨི་ཏྠི་ར་སོ, བྷི་ཀྑ་ཝེ, པུ་རི་ས་སྶ ཙི་ཏྟཾ པ་རི་ཡཱ་དཱ་ཡ ཏི་ཊྛ་ཏཱི’’ཏི. ཙ་ཏུ་ཏྠཾ.

༥. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་ཕོ་ཊྛ་བྦ་མྤི ས་མ་ནུ་པ་སྶཱ་མི ཡཾ ཨེ་ཝཾ པུ་རི་ས་སྶ ཙི་ཏྟཾ པ་རི་ཡཱ་དཱ་ཡ ཏི་ཊྛ་ཏི ཡ་ཐ་ཡི་དཾ, བྷི་ཀྑ་ཝེ, ཨི་ཏྠི་ཕོ་ཊྛ་བྦོ. ཨི་ཏྠི་ཕོ་ཊྛ་བྦོ, བྷི་ཀྑ་ཝེ, པུ་རི་ས་སྶ ཙི་ཏྟཾ པ་རི་ཡཱ་དཱ་ཡ ཏི་ཊྛ་ཏཱི’’ཏི. པ་ཉྩ་མཾ.

༦. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་རཱུ་པ་མྤི ས་མ་ནུ་པ་སྶཱ་མི ཡཾ ཨེ་ཝཾ ཨི་ཏྠི་ཡཱ ཙི་ཏྟཾ པ་རི་ཡཱ་དཱ་ཡ ཏི་ཊྛ་ཏི ཡ་ཐ་ཡི་དཾ, བྷི་ཀྑ་ཝེ, པུ་རི་ས་རཱུ་པཾ. པུ་རི་ས་རཱུ་པཾ, བྷི་ཀྑ་ཝེ, ཨི་ཏྠི་ཡཱ ཙི་ཏྟཾ པ་རི་ཡཱ་དཱ་ཡ ཏི་ཊྛ་ཏཱི’’ཏི. ཚ་ཊྛཾ.

༧. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་ས་དྡ་མྤི ས་མ་ནུ་པ་སྶཱ་མི ཡཾ ཨེ་ཝཾ ཨི་ཏྠི་ཡཱ ཙི་ཏྟཾ པ་རི་ཡཱ་དཱ་ཡ ཏི་ཊྛ་ཏི ཡ་ཐ་ཡི་དཾ, བྷི་ཀྑ་ཝེ, པུ་རི་ས་ས་དྡོ. པུ་རི་ས་ས་དྡོ, བྷི་ཀྑ་ཝེ, ཨི་ཏྠི་ཡཱ ཙི་ཏྟཾ པ་རི་ཡཱ་དཱ་ཡ ཏི་ཊྛ་ཏཱི’’ཏི. ས་ཏྟ་མཾ.

༨. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་ག་ནྡྷ་མྤི ས་མ་ནུ་པ་སྶཱ་མི ཡཾ ཨེ་ཝཾ ཨི་ཏྠི་ཡཱ ཙི་ཏྟཾ པ་རི་ཡཱ་དཱ་ཡ ཏི་ཊྛ་ཏི ཡ་ཐ་ཡི་དཾ, བྷི་ཀྑ་ཝེ, པུ་རི་ས་ག་ནྡྷོ. པུ་རི་ས་ག་ནྡྷོ, བྷི་ཀྑ་ཝེ, ཨི་ཏྠི་ཡཱ ཙི་ཏྟཾ པ་རི་ཡཱ་དཱ་ཡ ཏི་ཊྛ་ཏཱི’’ཏི. ཨ་ཊྛ་མཾ.

༩. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་ར་ས་མྤི ས་མ་ནུ་པ་སྶཱ་མི ཡཾ ཨེ་ཝཾ ཨི་ཏྠི་ཡཱ ཙི་ཏྟཾ པ་རི་ཡཱ་དཱ་ཡ ཏི་ཊྛ་ཏི ཡ་ཐ་ཡི་དཾ, བྷི་ཀྑ་ཝེ, པུ་རི་ས་ར་སོ. པུ་རི་ས་ར་སོ, བྷི་ཀྑ་ཝེ, ཨི་ཏྠི་ཡཱ ཙི་ཏྟཾ པ་རི་ཡཱ་དཱ་ཡ ཏི་ཊྛ་ཏཱི’’ཏི. ན་ཝ་མཾ.

༡༠. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་ཕོ་ཊྛ་བྦ་མྤི ས་མ་ནུ་པ་སྶཱ་མི ཡཾ ཨེ་ཝཾ ཨི་ཏྠི་ཡཱ ཙི་ཏྟཾ པ་རི་ཡཱ་དཱ་ཡ ཏི་ཊྛ་ཏི ཡ་ཐ་ཡི་དཾ, བྷི་ཀྑ་ཝེ, པུ་རི་ས་ཕོ་ཊྛ་བྦོ. པུ་རི་ས་ཕོ་ཊྛ་བྦོ, བྷི་ཀྑ་ཝེ, ཨི་ཏྠི་ཡཱ ཙི་ཏྟཾ པ་རི་ཡཱ་དཱ་ཡ ཏི་ཊྛ་ཏཱི’’ཏི. ད་ས་མཾ.

རཱུ་པཱ་དི་ཝ་གྒོ པ་ཋ་མོ.

༢. ནཱི་ཝ་ར་ཎ་པྤ་ཧཱ་ན་ཝ་གྒོ

༡༡. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣོ ཝཱ ཀཱ་མ་ཙྪ་ནྡོ ཨུ་པྤ་ཛྫ་ཏི ཨུ་པྤ་ནྣོ ཝཱ ཀཱ་མ་ཙྪ་ནྡོ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, སུ་བྷ་ནི་མི་ཏྟཾ. སུ་བྷ་ནི་མི་ཏྟཾ, བྷི་ཀྑ་ཝེ, ཨ་ཡོ་ནི་སོ མ་ན་སི ཀ་རོ་ཏོ ཨ་ནུ་པྤ་ནྣོ ཙེ་ཝ ཀཱ་མ་ཙྪ་ནྡོ ཨུ་པྤ་ཛྫ་ཏི ཨུ་པྤ་ནྣོ ཙ ཀཱ་མ་ཙྪ་ནྡོ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ སཾ་ཝ་ཏྟ་ཏཱི’’ཏི. པ་ཋ་མཾ.

༡༢. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣོ ཝཱ བྱཱ་པཱ་དོ ཨུ་པྤ་ཛྫ་ཏི ཨུ་པྤ་ནྣོ ཝཱ བྱཱ་པཱ་དོ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, པ་ཊི་གྷ་ནི་མི་ཏྟཾ. པ་ཊི་གྷ་ནི་མི་ཏྟཾ, བྷི་ཀྑ་ཝེ, ཨ་ཡོ་ནི་སོ མ་ན་སི ཀ་རོ་ཏོ ཨ་ནུ་པྤ་ནྣོ ཙེ་ཝ བྱཱ་པཱ་དོ ཨུ་པྤ་ཛྫ་ཏི ཨུ་པྤ་ནྣོ ཙ བྱཱ་པཱ་དོ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ སཾ་ཝ་ཏྟ་ཏཱི’’ཏི. དུ་ཏི་ཡཾ.

༡༣. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཾ ཝཱ ཐི་ན་མི་དྡྷཾ [ཐཱི་ན་མི་དྡྷཾ (སཱི. སྱཱ. ཀཾ. པཱི.)] ཨུ་པྤ་ཛྫ་ཏི ཨུ་པྤ་ནྣཾ ཝཱ ཐི་ན་མི་དྡྷཾ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཨ་ར་ཏི ཏ་ནྡཱི [ཏ་ནྡི (ཀ.)] ཝི་ཛ་མྦྷི་ཏཱ [ཝི་ཛ་མྦྷི་ཀཱ (སཱི. སྱཱ. ཀཾ. པཱི.)] བྷ་ཏྟ་ས་མྨ་དོ ཙེ་ཏ་སོ ཙ ལཱི་ན་ཏྟཾ. ལཱི་ན་ཙི་ཏྟ་སྶ, བྷི་ཀྑ་ཝེ, ཨ་ནུ་པྤ་ནྣ་ཉྩེ་ཝ ཐི་ན་མི་དྡྷཾ ཨུ་པྤ་ཛྫ་ཏི ཨུ་པྤ་ནྣ་ཉྩ ཐི་ན་མི་དྡྷཾ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ སཾ་ཝ་ཏྟ་ཏཱི’’ཏི. ཏ་ཏི་ཡཾ.

༡༤. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཾ ཝཱ ཨུ་དྡྷ་ཙྩ་ཀུ་ཀྐུ་ཙྩཾ ཨུ་པྤ་ཛྫ་ཏི ཨུ་པྤ་ནྣཾ ཝཱ ཨུ་དྡྷ་ཙྩ་ཀུ་ཀྐུ་ཙྩཾ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཙེ་ཏ་སོ ཨ་ཝཱུ་པ་ས་མོ. ཨ་ཝཱུ་པ་ས་ནྟ་ཙི་ཏྟ་སྶ, བྷི་ཀྑ་ཝེ, ཨ་ནུ་པྤ་ནྣ་ཉྩེ་ཝ ཨུ་དྡྷ་ཙྩ་ཀུ་ཀྐུ་ཙྩཾ ཨུ་པྤ་ཛྫ་ཏི ཨུ་པྤ་ནྣ་ཉྩ ཨུ་དྡྷ་ཙྩ་ཀུ་ཀྐུ་ཙྩཾ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ སཾ་ཝ་ཏྟ་ཏཱི’’ཏི. ཙ་ཏུ་ཏྠཾ.

༡༥. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ ཝི་ཙི་ཀི་ཙྪཱ ཨུ་པྤ་ཛྫ་ཏི ཨུ་པྤ་ནྣཱ ཝཱ ཝི་ཙི་ཀི་ཙྪཱ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཨ་ཡོ་ནི་སོ་མ་ན་སི་ཀཱ་རོ. ཨ་ཡོ་ནི་སོ, བྷི་ཀྑ་ཝེ, མ་ན་སི ཀ་རོ་ཏོ ཨ་ནུ་པྤ་ནྣཱ ཙེ་ཝ ཝི་ཙི་ཀི་ཙྪཱ ཨུ་པྤ་ཛྫ་ཏི ཨུ་པྤ་ནྣཱ ཙ ཝི་ཙི་ཀི་ཙྪཱ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ སཾ་ཝ་ཏྟ་ཏཱི’’ཏི. པ་ཉྩ་མཾ.

༡༦. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣོ ཝཱ ཀཱ་མ་ཙྪ་ནྡོ ནུ་པྤ་ཛྫ་ཏི ཨུ་པྤ་ནྣོ ཝཱ ཀཱ་མ་ཙྪ་ནྡོ པ་ཧཱི་ཡ་ཏི ཡ་ཐ་ཡི་དཾ, བྷི་ཀྑ་ཝེ, ཨ་སུ་བྷ་ནི་མི་ཏྟཾ. ཨ་སུ་བྷ་ནི་མི་ཏྟཾ, བྷི་ཀྑ་ཝེ, ཡོ་ནི་སོ མ་ན་སི ཀ་རོ་ཏོ ཨ་ནུ་པྤ་ནྣོ ཙེ་ཝ ཀཱ་མ་ཙྪ་ནྡོ ནུ་པྤ་ཛྫ་ཏི ཨུ་པྤ་ནྣོ ཙ ཀཱ་མ་ཙྪ་ནྡོ པ་ཧཱི་ཡ་ཏཱི’’ཏི. ཚ་ཊྛཾ.

༡༧. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣོ ཝཱ བྱཱ་པཱ་དོ ནུ་པྤ་ཛྫ་ཏི ཨུ་པྤ་ནྣོ ཝཱ བྱཱ་པཱ་དོ པ་ཧཱི་ཡ་ཏི ཡ་ཐ་ཡི་དཾ, བྷི་ཀྑ་ཝེ, མེ་ཏྟཱ ཙེ་ཏོ་ཝི་མུ་ཏྟི. མེ་ཏྟཾ, བྷི་ཀྑ་ཝེ, ཙེ་ཏོ་ཝི་མུ་ཏྟིཾ ཡོ་ནི་སོ མ་ན་སི ཀ་རོ་ཏོ ཨ་ནུ་པྤ་ནྣོ ཙེ་ཝ བྱཱ་པཱ་དོ ནུ་པྤ་ཛྫ་ཏི ཨུ་པྤ་ནྣོ ཙ བྱཱ་པཱ་དོ པ་ཧཱི་ཡ་ཏཱི’’ཏི. ས་ཏྟ་མཾ.

༡༨. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཾ ཝཱ ཐི་ན་མི་དྡྷཾ ནུ་པྤ་ཛྫ་ཏི ཨུ་པྤ་ནྣཾ ཝཱ ཐི་ན་མི་དྡྷཾ པ་ཧཱི་ཡ་ཏི ཡ་ཐ་ཡི་དཾ, བྷི་ཀྑ་ཝེ, ཨཱ་ར་མྦྷ་དྷཱ་ཏུ ནི་ཀྐ་མ་དྷཱ་ཏུ པ་ར་ཀྐ་མ་དྷཱ་ཏུ. ཨཱ་ར་དྡྷ་ཝཱི་རི་ཡ་སྶ, བྷི་ཀྑ་ཝེ, ཨ་ནུ་པྤ་ནྣ་ཉྩེ་ཝ ཐི་ན་མི་དྡྷཾ ནུ་པྤ་ཛྫ་ཏི ཨུ་པྤ་ནྣ་ཉྩ ཐི་ན་མི་དྡྷཾ པ་ཧཱི་ཡ་ཏཱི’’ཏི. ཨ་ཊྛ་མཾ.

༡༩. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཾ ཝཱ ཨུ་དྡྷ་ཙྩ་ཀུ་ཀྐུ་ཙྩཾ ནུ་པྤ་ཛྫ་ཏི ཨུ་པྤ་ནྣཾ ཝཱ ཨུ་དྡྷ་ཙྩ་ཀུ་ཀྐུ་ཙྩཾ པ་ཧཱི་ཡ་ཏི ཡ་ཐ་ཡི་དཾ, བྷི་ཀྑ་ཝེ, ཙེ་ཏ་སོ ཝཱུ་པ་ས་མོ. ཝཱུ་པ་ས་ནྟ་ཙི་ཏྟ་སྶ, བྷི་ཀྑ་ཝེ, ཨ་ནུ་པྤ་ནྣ་ཉྩེ་ཝ ཨུ་དྡྷ་ཙྩ་ཀུ་ཀྐུ་ཙྩཾ ནུ་པྤ་ཛྫ་ཏི ཨུ་པྤ་ནྣ་ཉྩ ཨུ་དྡྷ་ཙྩ་ཀུ་ཀྐུ་ཙྩཾ པ་ཧཱི་ཡ་ཏཱི’’ཏི. ན་ཝ་མཾ.

༢༠. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ ཝི་ཙི་ཀི་ཙྪཱ ནུ་པྤ་ཛྫ་ཏི ཨུ་པྤ་ནྣཱ ཝཱ ཝི་ཙི་ཀི་ཙྪཱ པ་ཧཱི་ཡ་ཏི ཡ་ཐ་ཡི་དཾ, བྷི་ཀྑ་ཝེ, ཡོ་ནི་སོ་མ་ན་སི་ཀཱ་རོ. ཡོ་ནི་སོ, བྷི་ཀྑ་ཝེ, མ་ན་སི ཀ་རོ་ཏོ ཨ་ནུ་པྤ་ནྣཱ ཙེ་ཝ ཝི་ཙི་ཀི་ཙྪཱ ནུ་པྤ་ཛྫ་ཏི ཨུ་པྤ་ནྣཱ ཙ ཝི་ཙི་ཀི་ཙྪཱ པ་ཧཱི་ཡ་ཏཱི’’ཏི. ད་ས་མཾ.

ནཱི་ཝ་ར་ཎ་པྤ་ཧཱ་ན་ཝ་གྒོ དུ་ཏི་ཡོ.

༣. ཨ་ཀ་མྨ་ནི་ཡ་ཝ་གྒོ

༢༡. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡཾ ཨེ་ཝཾ ཨ་བྷཱ་ཝི་ཏཾ ཨ་ཀ་མྨ་ནི་ཡཾ ཧོ་ཏི ཡ་ཐ་ཡི་དཾ, བྷི་ཀྑ་ཝེ, ཙི་ཏྟཾ [ཡ་ཐ་ཡི་དཾ ཙི་ཏྟཾ (སཱི. པཱི.) ཨེ་ཝ་མུ་པ་རི་པི]. ཙི་ཏྟཾ, བྷི་ཀྑ་ཝེ, ཨ་བྷཱ་ཝི་ཏཾ ཨ་ཀ་མྨ་ནི་ཡཾ ཧོ་ཏཱི’’ཏི. པ་ཋ་མཾ.

༢༢. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡཾ ཨེ་ཝཾ བྷཱ་ཝི་ཏཾ ཀ་མྨ་ནི་ཡཾ ཧོ་ཏི ཡ་ཐ་ཡི་དཾ, བྷི་ཀྑ་ཝེ, ཙི་ཏྟཾ. ཙི་ཏྟཾ, བྷི་ཀྑ་ཝེ, བྷཱ་ཝི་ཏཾ ཀ་མྨ་ནི་ཡཾ ཧོ་ཏཱི’’ཏི. དུ་ཏི་ཡཾ.

༢༣. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡཾ ཨེ་ཝཾ ཨ་བྷཱ་ཝི་ཏཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཙི་ཏྟཾ. ཙི་ཏྟཾ, བྷི་ཀྑ་ཝེ, ཨ་བྷཱ་ཝི་ཏཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏཱི’’ཏི. ཏ་ཏི་ཡཾ.

༢༤. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡཾ ཨེ་ཝཾ བྷཱ་ཝི་ཏཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཙི་ཏྟཾ. ཙི་ཏྟཾ, བྷི་ཀྑ་ཝེ, བྷཱ་ཝི་ཏཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏཱི’’ཏི. ཙ་ཏུ་ཏྠཾ.

༢༥. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡཾ ཨེ་ཝཾ ཨ་བྷཱ་ཝི་ཏཾ ཨ་པཱ་ཏུ་བྷཱུ་ཏཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཙི་ཏྟཾ. ཙི་ཏྟཾ, བྷི་ཀྑ་ཝེ, ཨ་བྷཱ་ཝི་ཏཾ ཨ་པཱ་ཏུ་བྷཱུ་ཏཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏཱི’’ཏི. པ་ཉྩ་མཾ.

༢༦. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡཾ ཨེ་ཝཾ བྷཱ་ཝི་ཏཾ པཱ་ཏུ་བྷཱུ་ཏཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཙི་ཏྟཾ. ཙི་ཏྟཾ, བྷི་ཀྑ་ཝེ, བྷཱ་ཝི་ཏཾ པཱ་ཏུ་བྷཱུ་ཏཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏཱི’’ཏི. ཚ་ཊྛཾ.

༢༧. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡཾ ཨེ་ཝཾ ཨ་བྷཱ་ཝི་ཏཾ ཨ་བ་ཧུ་ལཱི་ཀ་ཏཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཙི་ཏྟཾ. ཙི་ཏྟཾ, བྷི་ཀྑ་ཝེ, ཨ་བྷཱ་ཝི་ཏཾ ཨ་བ་ཧུ་ལཱི་ཀ་ཏཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏཱི’’ཏི. ས་ཏྟ་མཾ.

༢༨. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡཾ ཨེ་ཝཾ བྷཱ་ཝི་ཏཾ བ་ཧུ་ལཱི་ཀ་ཏཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཙི་ཏྟཾ. ཙི་ཏྟཾ, བྷི་ཀྑ་ཝེ, བྷཱ་ཝི་ཏཾ བ་ཧུ་ལཱི་ཀ་ཏཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏཱི’’ཏི. ཨ་ཊྛ་མཾ.

༢༩. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡཾ ཨེ་ཝཾ ཨ་བྷཱ་ཝི་ཏཾ ཨ་བ་ཧུ་ལཱི་ཀ་ཏཾ དུ་ཀྑཱ་དྷི་ཝ་ཧཾ ཧོ་ཏི ཡ་ཐ་ཡི་དཾ, བྷི་ཀྑ་ཝེ, ཙི་ཏྟཾ. ཙི་ཏྟཾ, བྷི་ཀྑ་ཝེ, ཨ་བྷཱ་ཝི་ཏཾ ཨ་བ་ཧུ་ལཱི་ཀ་ཏཾ དུ་ཀྑཱ་དྷི་ཝ་ཧཾ ཧོ་ཏཱི’’ཏི. ན་ཝ་མཾ.

༣༠. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡཾ ཨེ་ཝཾ བྷཱ་ཝི་ཏཾ བ་ཧུ་ལཱི་ཀ་ཏཾ སུ་ཁཱ་དྷི་ཝ་ཧཾ ཧོ་ཏི ཡ་ཐ་ཡི་དཾ, བྷི་ཀྑ་ཝེ, ཙི་ཏྟཾ. ཙི་ཏྟཾ, བྷི་ཀྑ་ཝེ, བྷཱ་ཝི་ཏཾ བ་ཧུ་ལཱི་ཀ་ཏཾ སུ་ཁཱ་དྷི་ཝ་ཧཾ ཧོ་ཏཱི’’ཏི. ད་ས་མཾ.

ཨ་ཀ་མྨ་ནི་ཡ་ཝ་གྒོ ཏ་ཏི་ཡོ.

༤. ཨ་ད་ནྟ་ཝ་གྒོ

༣༡. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡཾ ཨེ་ཝཾ ཨ་ད་ནྟཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཙི་ཏྟཾ. ཙི་ཏྟཾ, བྷི་ཀྑ་ཝེ, ཨ་ད་ནྟཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏཱི’’ཏི. པ་ཋ་མཾ.

༣༢. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡཾ ཨེ་ཝཾ ད་ནྟཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཙི་ཏྟཾ. ཙི་ཏྟཾ, བྷི་ཀྑ་ཝེ, ད་ནྟཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏཱི’’ཏི. དུ་ཏི་ཡཾ.

༣༣. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡཾ ཨེ་ཝཾ ཨ་གུ་ཏྟཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཙི་ཏྟཾ. ཙི་ཏྟཾ, བྷི་ཀྑ་ཝེ, ཨ་གུ་ཏྟཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏཱི’’ཏི. ཏ་ཏི་ཡཾ.

༣༤. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡཾ ཨེ་ཝཾ གུ་ཏྟཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཙི་ཏྟཾ. ཙི་ཏྟཾ, བྷི་ཀྑ་ཝེ, གུ་ཏྟཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏཱི’’ཏི. ཙ་ཏུ་ཏྠཾ.

༣༥. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡཾ ཨེ་ཝཾ ཨ་ར་ཀྑི་ཏཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཙི་ཏྟཾ. ཙི་ཏྟཾ, བྷི་ཀྑ་ཝེ, ཨ་ར་ཀྑི་ཏཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏཱི’’ཏི. པ་ཉྩ་མཾ.

༣༦. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡཾ ཨེ་ཝཾ ར་ཀྑི་ཏཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཙི་ཏྟཾ. ཙི་ཏྟཾ, བྷི་ཀྑ་ཝེ, ར་ཀྑི་ཏཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏཱི’’ཏི. ཚ་ཊྛཾ.

༣༧. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡཾ ཨེ་ཝཾ ཨ་སཾ་ཝུ་ཏཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཙི་ཏྟཾ. ཙི་ཏྟཾ, བྷི་ཀྑ་ཝེ, ཨ་སཾ་ཝུ་ཏཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏཱི’’ཏི. ས་ཏྟ་མཾ.

༣༨. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡཾ ཨེ་ཝཾ སཾ་ཝུ་ཏཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཙི་ཏྟཾ. ཙི་ཏྟཾ, བྷི་ཀྑ་ཝེ, སཾ་ཝུ་ཏཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏཱི’’ཏི. ཨ་ཊྛ་མཾ.

༣༩. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡཾ ཨེ་ཝཾ ཨ་ད་ནྟཾ ཨ་གུ་ཏྟཾ ཨ་ར་ཀྑི་ཏཾ ཨ་སཾ་ཝུ་ཏཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཙི་ཏྟཾ. ཙི་ཏྟཾ, བྷི་ཀྑ་ཝེ, ཨ་ད་ནྟཾ ཨ་གུ་ཏྟཾ ཨ་ར་ཀྑི་ཏཾ ཨ་སཾ་ཝུ་ཏཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏཱི’’ཏི. ན་ཝ་མཾ.

༤༠. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡཾ ཨེ་ཝཾ ད་ནྟཾ གུ་ཏྟཾ ར་ཀྑི་ཏཾ སཾ་ཝུ་ཏཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཙི་ཏྟཾ. ཙི་ཏྟཾ, བྷི་ཀྑ་ཝེ, ད་ནྟཾ གུ་ཏྟཾ ར་ཀྑི་ཏཾ སཾ་ཝུ་ཏཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏཱི’’ཏི. ད་ས་མཾ.

ཨ་ད་ནྟ་ཝ་གྒོ ཙ་ཏུ་ཏྠོ.

༥. པ་ཎི་ཧི་ཏ་ཨ་ཙྪ་ཝ་གྒོ

༤༡. ‘‘སེ་ཡྻ་ཐཱ་པི, བྷི་ཀྑ་ཝེ, སཱ་ལི་སཱུ་ཀཾ ཝཱ ཡ་ཝ་སཱུ་ཀཾ ཝཱ མི་ཙྪཱ་པ་ཎི་ཧི་ཏཾ ཧ་ཏྠེ་ན ཝཱ པཱ་དེ་ན ཝཱ ཨ་ཀྐ་ནྟཾ ཧ་ཏྠཾ ཝཱ པཱ་དཾ ཝཱ བྷེ་ཙྪ་ཏི [བྷི་ཛྫི་སྶ་ཏི (སྱཱ. ཀཾ. ཀ.), བྷེ་ཛྫ་ཏི (སཱི.) མོ་གྒ་ལླཱ་ན་བྱཱ་ཀ་ར་ཎཾ པ་སྶི་ཏ་བྦཾ] ལོ་ཧི་ཏཾ ཝཱ ཨུ་པྤཱ་དེ་སྶ་ཏཱི་ཏི ནེ་ཏཾ ཋཱ་ནཾ ཝི་ཛྫ་ཏི. ཏཾ ཀི་སྶ ཧེ་ཏུ? མི་ཙྪཱ་པ་ཎི་ཧི་ཏ་ཏྟཱ, བྷི་ཀྑ་ཝེ, སཱུ་ཀ་སྶ. ཨེ་ཝ་མེ་ཝཾ ཁོ, བྷི་ཀྑ་ཝེ, སོ ཝ་ཏ བྷི་ཀྑུ མི་ཙྪཱ་པ་ཎི་ཧི་ཏེ་ན ཙི་ཏྟེ་ན ཨ་ཝི་ཛྫཾ བྷེ་ཙྪ་ཏི, ཝི་ཛྫཾ ཨུ་པྤཱ་དེ་སྶ་ཏི, ནི་བྦཱ་ནཾ ས་ཙྪི་ཀ་རི་སྶ་ཏཱི་ཏི ནེ་ཏཾ ཋཱ་ནཾ ཝི་ཛྫ་ཏི. ཏཾ ཀི་སྶ ཧེ་ཏུ? མི་ཙྪཱ་པ་ཎི་ཧི་ཏ་ཏྟཱ, བྷི་ཀྑ་ཝེ, ཙི་ཏྟ་སྶཱ’’ཏི. པ་ཋ་མཾ.

༤༢. ‘‘སེ་ཡྻ་ཐཱ་པི, བྷི་ཀྑ་ཝེ, སཱ་ལི་སཱུ་ཀཾ ཝཱ ཡ་ཝ་སཱུ་ཀཾ ཝཱ ས་མྨཱ་པ་ཎི་ཧི་ཏཾ ཧ་ཏྠེ་ན ཝཱ པཱ་དེ་ན ཝཱ ཨ་ཀྐ་ནྟཾ ཧ་ཏྠཾ ཝཱ པཱ་དཾ ཝཱ བྷེ་ཙྪ་ཏི ལོ་ཧི་ཏཾ ཝཱ ཨུ་པྤཱ་དེ་སྶ་ཏཱི་ཏི ཋཱ་ན་མེ་ཏཾ ཝི་ཛྫ་ཏི. ཏཾ ཀི་སྶ ཧེ་ཏུ? ས་མྨཱ་པ་ཎི་ཧི་ཏ་ཏྟཱ, བྷི་ཀྑ་ཝེ, སཱུ་ཀ་སྶ. ཨེ་ཝ་མེ་ཝཾ ཁོ, བྷི་ཀྑ་ཝེ, སོ ཝ་ཏ བྷི་ཀྑུ ས་མྨཱ་པ་ཎི་ཧི་ཏེ་ན ཙི་ཏྟེ་ན ཨ་ཝི་ཛྫཾ བྷེ་ཙྪ་ཏི, ཝི་ཛྫཾ ཨུ་པྤཱ་དེ་སྶ་ཏི, ནི་བྦཱ་ནཾ ས་ཙྪི་ཀ་རི་སྶ་ཏཱི་ཏི ཋཱ་ན་མེ་ཏཾ ཝི་ཛྫ་ཏི. ཏཾ ཀི་སྶ ཧེ་ཏུ? ས་མྨཱ་པ་ཎི་ཧི་ཏ་ཏྟཱ, བྷི་ཀྑ་ཝེ, ཙི་ཏྟ་སྶཱ’’ཏི. དུ་ཏི་ཡཾ.

༤༣. ‘‘ཨི་དྷཱ་ཧཾ [ཨི་དཱ་ཧཾ (སཱི.)], བྷི་ཀྑ་ཝེ, ཨེ་ཀ་ཙྩཾ པུ་གྒ་ལཾ པ་དུ་ཊྛ་ཙི་ཏྟཾ ཨེ་ཝཾ ཙེ་ཏ་སཱ ཙེ་ཏོ པ་རི་ཙྩ པ་ཛཱ་ནཱ་མི – ‘ཨི་མ་མྷི ཙེ ཨ་ཡཾ ས་མ་ཡེ པུ་གྒ་ལོ ཀཱ་ལཾ ཀ་རེ་ཡྻ, ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ནི་ར་ཡེ’. ཏཾ ཀི་སྶ ཧེ་ཏུ? ཙི་ཏྟཾ ཧི་སྶ, བྷི་ཀྑ་ཝེ, པ་དུ་ཊྛཾ. ‘‘ཙེ་ཏོ་པ་དོ་ས་ཧེ་ཏུ པ་ན, བྷི་ཀྑ་ཝེ, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ ཨ་པཱ་ཡཾ དུ་གྒ་ཏིཾ ཝི་ནི་པཱ་ཏཾ ནི་ར་ཡཾ ཨུ་པ་པ་ཛྫ་ནྟཱི’’ཏི. ཏ་ཏི་ཡཾ.

༤༤. ‘‘ཨི་དྷཱ་ཧཾ, བྷི་ཀྑ་ཝེ, ཨེ་ཀ་ཙྩཾ པུ་གྒ་ལཾ པ་ས་ནྣ་ཙི་ཏྟཾ ཨེ་ཝཾ ཙེ་ཏ་སཱ ཙེ་ཏོ པ་རི་ཙྩ པ་ཛཱ་ནཱ་མི – ‘ཨི་མ་མྷི ཙེ ཨ་ཡཾ ས་མ་ཡེ པུ་གྒ་ལོ ཀཱ་ལཾ ཀ་རེ་ཡྻ, ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ས་གྒེ’. ཏཾ ཀི་སྶ ཧེ་ཏུ? ཙི་ཏྟཾ ཧི་སྶ, བྷི་ཀྑ་ཝེ, པ་ས་ནྣཾ. ‘‘ཙེ་ཏོ་པ་སཱ་ད་ཧེ་ཏུ པ་ན, བྷི་ཀྑ་ཝེ, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟཱི’’ཏི. ཙ་ཏུ་ཏྠཾ.

༤༥. ‘‘སེ་ཡྻ་ཐཱ་པི, བྷི་ཀྑ་ཝེ, ཨུ་ད་ཀ་ར་ཧ་དོ ཨཱ་ཝི་ལོ ལུ་ལི༹་ཏོ ཀ་ལ་ལཱི་བྷཱུ་ཏོ ཏ་ཏྠ ཙ་ཀྑུ་མཱ པུ་རི་སོ ཏཱི་རེ ཋི་ཏོ ན པ་སྶེ་ཡྻ སི་པྤི་ས་མྦུ་ཀ་མྤི [སི་པྤི་ཀ་ས་མྦུ་ཀ་མྤི (ཀ.)] ས་ཀྑ་ར་ཀ་ཋ་ལ་མྤི མ་ཙྪ་གུ་མྦ་མྤི ཙ་ར་ནྟ་མྤི ཏི་ཊྛ་ནྟ་མྤི. ཏཾ ཀི་སྶ ཧེ་ཏུ? ཨཱ་ཝི་ལ་ཏྟཱ, བྷི་ཀྑ་ཝེ, ཨུ་ད་ཀ་སྶ. ཨེ་ཝ་མེ་ཝཾ ཁོ, བྷི་ཀྑ་ཝེ, སོ ཝ་ཏ བྷི་ཀྑུ ཨཱ་ཝི་ལེ་ན ཙི་ཏྟེ་ན ཨ་ཏྟ་ཏྠཾ ཝཱ ཉ་སྶ་ཏི པ་ར་ཏྠཾ ཝཱ ཉ་སྶ་ཏི ཨུ་བྷ་ཡ་ཏྠཾ ཝཱ ཉ་སྶ་ཏི ཨུ་ཏྟ་རིཾ ཝཱ མ་ནུ་སྶ་དྷ་མྨཱ ཨ་ལ་མ་རི་ཡ་ཉཱ་ཎ་ད་སྶ་ན་ཝི་སེ་སཾ ས་ཙྪི་ཀ་རི་སྶ་ཏཱི་ཏི ནེ་ཏཾ ཋཱ་ནཾ ཝི་ཛྫ་ཏི. ཏཾ ཀི་སྶ ཧེ་ཏུ? ཨཱ་ཝི་ལ་ཏྟཱ, བྷི་ཀྑ་ཝེ, ཙི་ཏྟ་སྶཱ’’ཏི. པ་ཉྩ་མཾ.

༤༦. ‘‘སེ་ཡྻ་ཐཱ་པི, བྷི་ཀྑ་ཝེ, ཨུ་ད་ཀ་ར་ཧ་དོ ཨ་ཙྪོ ཝི་པྤ་ས་ནྣོ ཨ་ནཱ་ཝི་ལོ ཏ་ཏྠ ཙ་ཀྑུ་མཱ པུ་རི་སོ ཏཱི་རེ ཋི་ཏོ པ་སྶེ་ཡྻ སི་པྤི་ས་མྦུ་ཀ་མྤི ས་ཀྑ་ར་ཀ་ཋ་ལ་མྤི མ་ཙྪ་གུ་མྦ་མྤི ཙ་ར་ནྟ་མྤི ཏི་ཊྛ་ནྟ་མྤི. ཏཾ ཀི་སྶ ཧེ་ཏུ? ཨ་ནཱ་ཝི་ལ་ཏྟཱ, བྷི་ཀྑ་ཝེ, ཨུ་ད་ཀ་སྶ. ཨེ་ཝ་མེ་ཝཾ ཁོ, བྷི་ཀྑ་ཝེ, སོ ཝ་ཏ བྷི་ཀྑུ ཨ་ནཱ་ཝི་ལེ་ན ཙི་ཏྟེ་ན ཨ་ཏྟ་ཏྠཾ ཝཱ ཉ་སྶ་ཏི པ་ར་ཏྠཾ ཝཱ ཉ་སྶ་ཏི ཨུ་བྷ་ཡ་ཏྠཾ ཝཱ ཉ་སྶ་ཏི ཨུ་ཏྟ་རིཾ ཝཱ མ་ནུ་སྶ་དྷ་མྨཱ ཨ་ལ་མ་རི་ཡ་ཉཱ་ཎ་ད་སྶ་ན་ཝི་སེ་སཾ ས་ཙྪི་ཀ་རི་སྶ་ཏཱི་ཏི ཋཱ་ན་མེ་ཏཾ ཝི་ཛྫ་ཏི. ཏཾ ཀི་སྶ ཧེ་ཏུ? ཨ་ནཱ་ཝི་ལ་ཏྟཱ, བྷི་ཀྑ་ཝེ, ཙི་ཏྟ་སྶཱ’’ཏི. ཚ་ཊྛཾ.

༤༧. ‘‘སེ་ཡྻ་ཐཱ་པི, བྷི་ཀྑ་ཝེ, ཡཱ་ནི ཀཱ་ནི་ཙི རུ་ཀྑ་ཛཱ་ཏཱ་ནཾ ཕ་ནྡ་ནོ ཏེ་སཾ ཨ་གྒ་མ་ཀྑཱ་ཡ་ཏི ཡ་དི་དཾ མུ་དུ་ཏཱ་ཡ ཙེ་ཝ ཀ་མྨ་ཉྙ་ཏཱ་ཡ ཙ. ཨེ་ཝ་མེ་ཝཾ ཁོ ཨ་ཧཾ, བྷི་ཀྑ་ཝེ, ནཱ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡཾ ཨེ་ཝཾ བྷཱ་ཝི་ཏཾ བ་ཧུ་ལཱི་ཀ་ཏཾ མུ་དུ ཙ ཧོ་ཏི ཀ་མྨ་ཉྙ་ཉྩ ཡ་ཐ་ཡི་དཾ ཙི་ཏྟཾ. ཙི་ཏྟཾ, བྷི་ཀྑ་ཝེ, བྷཱ་ཝི་ཏཾ བ་ཧུ་ལཱི་ཀ་ཏཾ མུ་དུ ཙ ཧོ་ཏི ཀ་མྨ་ཉྙ་ཉྩ ཧོ་ཏཱི’’ཏི. ས་ཏྟ་མཾ.

༤༨. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡཾ ཨེ་ཝཾ ལ་ཧུ་པ་རི་ཝ་ཏྟཾ ཡ་ཐ་ཡི་དཾ ཙི་ཏྟཾ. ཡཱ་ཝ་ཉྩི་དཾ, བྷི་ཀྑ་ཝེ, ཨུ་པ་མཱ་པི ན སུ་ཀ་རཱ ཡཱ་ཝ ལ་ཧུ་པ་རི་ཝ་ཏྟཾ ཙི་ཏྟ’’ནྟི. ཨ་ཊྛ་མཾ.

༤༩. ‘‘པ་བྷ་སྶ་ར་མི་དཾ, བྷི་ཀྑ་ཝེ, ཙི་ཏྟཾ. ཏ་ཉྩ ཁོ ཨཱ་ག་ནྟུ་ཀེ་ཧི ཨུ་པ་ཀྐི་ལེ་སེ་ཧི ཨུ་པ་ཀྐི་ལི་ཊྛ’’ནྟི. ན་ཝ་མཾ.

༥༠. ‘‘པ་བྷ་སྶ་ར་མི་དཾ, བྷི་ཀྑ་ཝེ, ཙི་ཏྟཾ. ཏ་ཉྩ ཁོ ཨཱ་ག་ནྟུ་ཀེ་ཧི ཨུ་པ་ཀྐི་ལེ་སེ་ཧི ཝི་པྤ་མུ་ཏྟ’’ནྟི. ད་ས་མཾ.

པ་ཎི་ཧི་ཏ་ཨ་ཙྪ་ཝ་གྒོ པ་ཉྩ་མོ.

༦. ཨ་ཙྪ་རཱ་ས་ངྒྷཱ་ཏ་ཝ་གྒོ

༥༡. ‘‘པ་བྷ་སྶ་ར་མི་དཾ, བྷི་ཀྑ་ཝེ, ཙི་ཏྟཾ. ཏ་ཉྩ ཁོ ཨཱ་ག་ནྟུ་ཀེ་ཧི ཨུ་པ་ཀྐི་ལེ་སེ་ཧི ཨུ་པ་ཀྐི་ལི་ཊྛཾ. ཏཾ ཨ་སྶུ་ཏ་ཝཱ པུ་ཐུ་ཛྫ་ནོ ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི. ཏ་སྨཱ ‘ཨ་སྶུ་ཏ་ཝ་ཏོ པུ་ཐུ་ཛྫ་ན་སྶ ཙི་ཏྟ་བྷཱ་ཝ་ནཱ ན་ཏྠཱི’ཏི ཝ་དཱ་མཱི’’ཏི. པ་ཋ་མཾ.

༥༢. ‘‘པ་བྷ་སྶ་ར་མི་དཾ, བྷི་ཀྑ་ཝེ, ཙི་ཏྟཾ. ཏ་ཉྩ ཁོ ཨཱ་ག་ནྟུ་ཀེ་ཧི ཨུ་པ་ཀྐི་ལེ་སེ་ཧི ཝི་པྤ་མུ་ཏྟཾ. ཏཾ སུ་ཏ་ཝཱ ཨ་རི་ཡ་སཱ་ཝ་ཀོ ཡ་ཐཱ་བྷཱུ་ཏཾ པ་ཛཱ་ནཱ་ཏི. ཏ་སྨཱ ‘སུ་ཏ་ཝ་ཏོ ཨ་རི་ཡ་སཱ་ཝ་ཀ་སྶ ཙི་ཏྟ་བྷཱ་ཝ་ནཱ ཨ་ཏྠཱི’ཏི ཝ་དཱ་མཱི’’ཏི. དུ་ཏི་ཡཾ.

༥༣. ‘‘ཨ་ཙྪ་རཱ་ས་ངྒྷཱ་ཏ་མ་ཏྟ་མྤི ཙེ, བྷི་ཀྑ་ཝེ, བྷི་ཀྑུ མེ་ཏྟཱ་ཙི་ཏྟཾ [མེ་ཏྟཾ ཙི་ཏྟཾ (སཱི.), མེ་ཏྟ་ཙི་ཏྟཾ (སྱཱ. ཀཾ. པཱི. ཀ.)] ཨཱ་སེ་ཝ་ཏི; ཨ་ཡཾ ཝུ་ཙྩ་ཏི, བྷི་ཀྑ་ཝེ – ‘བྷི་ཀྑུ ཨ་རི་ཏྟ་ཛ྄ཛྷཱ་ནོ ཝི་ཧ་ར་ཏི ས་ཏྠུ་སཱ་ས་ན་ཀ་རོ ཨོ་ཝཱ་ད་པ་ཏི་ཀ་རོ, ཨ་མོ་གྷཾ ར་ཊྛ་པི་ཎྜཾ བྷུ་ཉྫ་ཏི’. ཀོ པ་ན ཝཱ་དོ ཡེ ནཾ བ་ཧུ་ལཱི་ཀ་རོ་ནྟཱི’’ཏི! ཏ་ཏི་ཡཾ.

༥༤. ‘‘ཨ་ཙྪ་རཱ་ས་ངྒྷཱ་ཏ་མ་ཏྟ་མྤི ཙེ, བྷི་ཀྑ་ཝེ, བྷི་ཀྑུ མེ་ཏྟཱ་ཙི་ཏྟཾ བྷཱ་ཝེ་ཏི; ཨ་ཡཾ ཝུ་ཙྩ་ཏི, བྷི་ཀྑ་ཝེ – ‘བྷི་ཀྑུ ཨ་རི་ཏྟ་ཛ྄ཛྷཱ་ནོ ཝི་ཧ་ར་ཏི ས་ཏྠུ་སཱ་ས་ན་ཀ་རོ ཨོ་ཝཱ་ད་པ་ཏི་ཀ་རོ, ཨ་མོ་གྷཾ ར་ཊྛ་པི་ཎྜཾ བྷུ་ཉྫ་ཏི’. ཀོ པ་ན ཝཱ་དོ ཡེ ནཾ བ་ཧུ་ལཱི་ཀ་རོ་ནྟཱི’’ཏི! ཙ་ཏུ་ཏྠཾ.

༥༥. ‘‘ཨ་ཙྪ་རཱ་ས་ངྒྷཱ་ཏ་མ་ཏྟ་མྤི ཙེ, བྷི་ཀྑ་ཝེ, བྷི་ཀྑུ མེ་ཏྟཱ་ཙི་ཏྟཾ མ་ན་སི ཀ་རོ་ཏི; ཨ་ཡཾ ཝུ་ཙྩ་ཏི, བྷི་ཀྑ་ཝེ – ‘བྷི་ཀྑུ ཨ་རི་ཏྟ་ཛ྄ཛྷཱ་ནོ ཝི་ཧ་ར་ཏི ས་ཏྠུ་སཱ་ས་ན་ཀ་རོ ཨོ་ཝཱ་ད་པ་ཏི་ཀ་རོ ཨ་མོ་གྷཾ ར་ཊྛ་པི་ཎྜཾ བྷུ་ཉྫ་ཏི’. ཀོ པ་ན ཝཱ་དོ ཡེ ནཾ བ་ཧུ་ལཱི་ཀ་རོ་ནྟཱི’’ཏི! པ་ཉྩ་མཾ.

༥༦. ‘‘ཡེ ཀེ་ཙི, བྷི་ཀྑ་ཝེ, དྷ་མྨཱ ཨ་ཀུ་ས་ལཱ ཨ་ཀུ་ས་ལ་བྷཱ་གི་ཡཱ ཨ་ཀུ་ས་ལ་པ་ཀྑི་ཀཱ, ས་བྦེ ཏེ མ་ནོ་པུ་བྦ་ངྒ་མཱ. མ་ནོ ཏེ་སཾ དྷ་མྨཱ་ནཾ པ་ཋ་མཾ ཨུ་པྤ་ཛྫ་ཏི, ཨ་ནྭ་དེ་ཝ ཨ་ཀུ་ས་ལཱ དྷ་མྨཱ’’ཏི. ཚ་ཊྛཾ.

༥༧. ‘‘ཡེ ཀེ་ཙི, བྷི་ཀྑ་ཝེ, དྷ་མྨཱ ཀུ་ས་ལཱ ཀུ་ས་ལ་བྷཱ་གི་ཡཱ ཀུ་ས་ལ་པ་ཀྑི་ཀཱ, ས་བྦེ ཏེ མ་ནོ་པུ་བྦ་ངྒ་མཱ. མ་ནོ ཏེ་སཾ དྷ་མྨཱ་ནཾ པ་ཋ་མཾ ཨུ་པྤ་ཛྫ་ཏི, ཨ་ནྭ་དེ་ཝ ཀུ་ས་ལཱ དྷ་མྨཱ’’ཏི. ས་ཏྟ་མཾ.

༥༨. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ ཨ་ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཝཱ ཀུ་ས་ལཱ དྷ་མྨཱ པ་རི་ཧཱ་ཡ་ནྟི ཡ་ཐ་ཡི་དཾ, བྷི་ཀྑ་ཝེ, པ་མཱ་དོ. པ་མ་ཏྟ་སྶ, བྷི་ཀྑ་ཝེ, ཨ་ནུ་པྤ་ནྣཱ ཙེ་ཝ ཨ་ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཙ ཀུ་ས་ལཱ དྷ་མྨཱ པ་རི་ཧཱ་ཡ་ནྟཱི’’ཏི. ཨ་ཊྛ་མཾ.

༥༩. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཝཱ ཨ་ཀུ་ས་ལཱ དྷ་མྨཱ པ་རི་ཧཱ་ཡ་ནྟི ཡ་ཐ་ཡི་དཾ, བྷི་ཀྑ་ཝེ, ཨ་པྤ་མཱ་དོ. ཨ་པྤ་མ་ཏྟ་སྶ, བྷི་ཀྑ་ཝེ, ཨ་ནུ་པྤ་ནྣཱ ཙེ་ཝ ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཙ ཨ་ཀུ་ས་ལཱ དྷ་མྨཱ པ་རི་ཧཱ་ཡ་ནྟཱི’’ཏི. ན་ཝ་མཾ.

༦༠. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ ཨ་ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཝཱ ཀུ་ས་ལཱ དྷ་མྨཱ པ་རི་ཧཱ་ཡ་ནྟི ཡ་ཐ་ཡི་དཾ, བྷི་ཀྑ་ཝེ, ཀོ་ས་ཛྫཾ. ཀུ་སཱི་ཏ་སྶ, བྷི་ཀྑ་ཝེ, ཨ་ནུ་པྤ་ནྣཱ ཙེ་ཝ ཨ་ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཙ ཀུ་ས་ལཱ དྷ་མྨཱ པ་རི་ཧཱ་ཡ་ནྟཱི’’ཏི. ད་ས་མཾ.

ཨ་ཙྪ་རཱ་ས་ངྒྷཱ་ཏ་ཝ་གྒོ ཚ་ཊྛོ.

༧. ཝཱི་རི་ཡཱ་ར་མྦྷཱ་དི་ཝ་གྒོ

༦༡. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཝཱ ཨ་ཀུ་ས་ལཱ དྷ་མྨཱ པ་རི་ཧཱ་ཡ་ནྟི ཡ་ཐ་ཡི་དཾ, བྷི་ཀྑ་ཝེ, ཝཱི་རི་ཡཱ་ར་མྦྷོ [ཝི་རི་ཡཱ་ར་མྦྷོ (སཱི. སྱཱ. ཀཾ. པཱི.)]. ཨཱ་ར་དྡྷ་ཝཱི་རི་ཡ་སྶ, བྷི་ཀྑ་ཝེ, ཨ་ནུ་པྤ་ནྣཱ ཙེ་ཝ ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཙ ཨ་ཀུ་ས་ལཱ དྷ་མྨཱ པ་རི་ཧཱ་ཡ་ནྟཱི’’ཏི. པ་ཋ་མཾ.

༦༢. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ ཨ་ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཝཱ ཀུ་ས་ལཱ དྷ་མྨཱ པ་རི་ཧཱ་ཡ་ནྟི ཡ་ཐ་ཡི་དཾ, བྷི་ཀྑ་ཝེ, མ་ཧི་ཙྪ་ཏཱ. མ་ཧི་ཙྪ་སྶ, བྷི་ཀྑ་ཝེ, ཨ་ནུ་པྤ་ནྣཱ ཙེ་ཝ ཨ་ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཙ ཀུ་ས་ལཱ དྷ་མྨཱ པ་རི་ཧཱ་ཡ་ནྟཱི’’ཏི. དུ་ཏི་ཡཾ.

༦༣. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཝཱ ཨ་ཀུ་ས་ལཱ དྷ་མྨཱ པ་རི་ཧཱ་ཡ་ནྟི ཡ་ཐ་ཡི་དཾ, བྷི་ཀྑ་ཝེ, ཨ་པྤི་ཙྪ་ཏཱ. ཨ་པྤི་ཙྪ་སྶ, བྷི་ཀྑ་ཝེ, ཨ་ནུ་པྤ་ནྣཱ ཙེ་ཝ ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཙ ཨ་ཀུ་ས་ལཱ དྷ་མྨཱ པ་རི་ཧཱ་ཡ་ནྟཱི’’ཏི. ཏ་ཏི་ཡཾ.

༦༤. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ ཨ་ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཝཱ ཀུ་ས་ལཱ དྷ་མྨཱ པ་རི་ཧཱ་ཡ་ནྟི ཡ་ཐ་ཡི་དཾ, བྷི་ཀྑ་ཝེ, ཨ་ས་ནྟུ་ཊྛི་ཏཱ. ཨ་ས་ནྟུ་ཊྛ་སྶ, བྷི་ཀྑ་ཝེ, ཨ་ནུ་པྤ་ནྣཱ ཙེ་ཝ ཨ་ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཙ ཀུ་ས་ལཱ དྷ་མྨཱ པ་རི་ཧཱ་ཡ་ནྟཱི’’ཏི. ཙ་ཏུ་ཏྠཾ.

༦༥. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཝཱ ཨ་ཀུ་ས་ལཱ དྷ་མྨཱ པ་རི་ཧཱ་ཡ་ནྟི ཡ་ཐ་ཡི་དཾ, བྷི་ཀྑ་ཝེ, ས་ནྟུ་ཊྛི་ཏཱ. ས་ནྟུ་ཊྛ་སྶ, བྷི་ཀྑ་ཝེ, ཨ་ནུ་པྤ་ནྣཱ ཙེ་ཝ ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཙ ཨ་ཀུ་ས་ལཱ དྷ་མྨཱ པ་རི་ཧཱ་ཡ་ནྟཱི’’ཏི. པ་ཉྩ་མཾ.

༦༦. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ ཨ་ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཝཱ ཀུ་ས་ལཱ དྷ་མྨཱ པ་རི་ཧཱ་ཡ་ནྟི ཡ་ཐ་ཡི་དཾ, བྷི་ཀྑ་ཝེ, ཨ་ཡོ་ནི་སོ་མ་ན་སི་ཀཱ་རོ. ཨ་ཡོ་ནི་སོ, བྷི་ཀྑ་ཝེ, མ་ན་སི ཀ་རོ་ཏོ ཨ་ནུ་པྤ་ནྣཱ ཙེ་ཝ ཨ་ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཙ ཀུ་ས་ལཱ དྷ་མྨཱ པ་རི་ཧཱ་ཡ་ནྟཱི’’ཏི. ཚ་ཊྛཾ.

༦༧. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཝཱ ཨ་ཀུ་ས་ལཱ དྷ་མྨཱ པ་རི་ཧཱ་ཡ་ནྟི ཡ་ཐ་ཡི་དཾ, བྷི་ཀྑ་ཝེ, ཡོ་ནི་སོ་མ་ན་སི་ཀཱ་རོ. ཡོ་ནི་སོ, བྷི་ཀྑ་ཝེ, མ་ན་སི ཀ་རོ་ཏོ ཨ་ནུ་པྤ་ནྣཱ ཙེ་ཝ ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཙ ཨ་ཀུ་ས་ལཱ དྷ་མྨཱ པ་རི་ཧཱ་ཡ་ནྟཱི’’ཏི. ས་ཏྟ་མཾ.

༦༨. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ ཨ་ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཝཱ ཀུ་ས་ལཱ དྷ་མྨཱ པ་རི་ཧཱ་ཡ་ནྟི ཡ་ཐ་ཡི་དཾ, བྷི་ཀྑ་ཝེ, ཨ་ས་མྤ་ཛ་ཉྙཾ. ཨ་ས་མྤ་ཛཱ་ན་སྶ, བྷི་ཀྑ་ཝེ, ཨ་ནུ་པྤ་ནྣཱ ཙེ་ཝ ཨ་ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཙ ཀུ་ས་ལཱ དྷ་མྨཱ པ་རི་ཧཱ་ཡ་ནྟཱི’’ཏི. ཨ་ཊྛ་མཾ.

༦༩. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཝཱ ཨ་ཀུ་ས་ལཱ དྷ་མྨཱ པ་རི་ཧཱ་ཡ་ནྟི ཡ་ཐ་ཡི་དཾ, བྷི་ཀྑ་ཝེ, ས་མྤ་ཛ་ཉྙཾ. ས་མྤ་ཛཱ་ན་སྶ, བྷི་ཀྑ་ཝེ, ཨ་ནུ་པྤ་ནྣཱ ཙེ་ཝ ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཙ ཨ་ཀུ་ས་ལཱ དྷ་མྨཱ པ་རི་ཧཱ་ཡ་ནྟཱི’’ཏི. ན་ཝ་མཾ.

༧༠. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ ཨ་ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཝཱ ཀུ་ས་ལཱ དྷ་མྨཱ པ་རི་ཧཱ་ཡ་ནྟི ཡ་ཐ་ཡི་དཾ, བྷི་ཀྑ་ཝེ, པཱ་པ་མི་ཏྟ་ཏཱ. པཱ་པ་མི་ཏྟ་སྶ, བྷི་ཀྑ་ཝེ, ཨ་ནུ་པྤ་ནྣཱ ཙེ་ཝ ཨ་ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཙ ཀུ་ས་ལཱ དྷ་མྨཱ པ་རི་ཧཱ་ཡ་ནྟཱི’’ཏི. ད་ས་མཾ.

ཝཱི་རི་ཡཱ་ར་མྦྷཱ་དི་ཝ་གྒོ ས་ཏྟ་མོ.

༨. ཀ་ལྱཱ་ཎ་མི་ཏྟཱ་དི་ཝ་གྒོ

༧༡. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཝཱ ཨ་ཀུ་ས་ལཱ དྷ་མྨཱ པ་རི་ཧཱ་ཡ་ནྟི ཡ་ཐ་ཡི་དཾ, བྷི་ཀྑ་ཝེ, ཀ་ལྱཱ་ཎ་མི་ཏྟ་ཏཱ. ཀ་ལྱཱ་ཎ་མི་ཏྟ་སྶ, བྷི་ཀྑ་ཝེ, ཨ་ནུ་པྤ་ནྣཱ ཙེ་ཝ ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཙ ཨ་ཀུ་ས་ལཱ དྷ་མྨཱ པ་རི་ཧཱ་ཡ་ནྟཱི’’ཏི. པ་ཋ་མཾ.

༧༢. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ ཨ་ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཝཱ ཀུ་ས་ལཱ དྷ་མྨཱ པ་རི་ཧཱ་ཡ་ནྟི ཡ་ཐ་ཡི་དཾ, བྷི་ཀྑ་ཝེ, ཨ་ནུ་ཡོ་གོ ཨ་ཀུ་ས་ལཱ་ནཾ དྷ་མྨཱ་ནཾ, ཨ་ན་ནུ་ཡོ་གོ ཀུ་ས་ལཱ་ནཾ དྷ་མྨཱ་ནཾ. ཨ་ནུ་ཡོ་གཱ, བྷི་ཀྑ་ཝེ, ཨ་ཀུ་ས་ལཱ་ནཾ དྷ་མྨཱ་ནཾ, ཨ་ན་ནུ་ཡོ་གཱ ཀུ་ས་ལཱ་ནཾ དྷ་མྨཱ་ནཾ ཨ་ནུ་པྤ་ནྣཱ ཙེ་ཝ ཨ་ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཙ ཀུ་ས་ལཱ དྷ་མྨཱ པ་རི་ཧཱ་ཡ་ནྟཱི’’ཏི. དུ་ཏི་ཡཾ.

༧༣. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཝཱ ཨ་ཀུ་ས་ལཱ དྷ་མྨཱ པ་རི་ཧཱ་ཡ་ནྟི ཡ་ཐ་ཡི་དཾ, བྷི་ཀྑ་ཝེ, ཨ་ནུ་ཡོ་གོ ཀུ་ས་ལཱ་ནཾ དྷ་མྨཱ་ནཾ, ཨ་ན་ནུ་ཡོ་གོ ཨ་ཀུ་ས་ལཱ་ནཾ དྷ་མྨཱ་ནཾ. ཨ་ནུ་ཡོ་གཱ, བྷི་ཀྑ་ཝེ, ཀུ་ས་ལཱ་ནཾ དྷ་མྨཱ་ནཾ, ཨ་ན་ནུ་ཡོ་གཱ ཨ་ཀུ་ས་ལཱ་ནཾ དྷ་མྨཱ་ནཾ ཨ་ནུ་པྤ་ནྣཱ ཙེ་ཝ ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཙ ཨ་ཀུ་ས་ལཱ དྷ་མྨཱ པ་རི་ཧཱ་ཡ་ནྟཱི’’ཏི. ཏ་ཏི་ཡཾ.

༧༤. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ བོ་ཛ྄ཛྷ་ངྒཱ ནུ་པྤ་ཛྫ་ནྟི ཨུ་པྤ་ནྣཱ ཝཱ བོ་ཛ྄ཛྷ་ངྒཱ ན བྷཱ་ཝ་ནཱ་པཱ་རི་པཱུ་རིཾ ག་ཙྪ་ནྟི ཡ་ཐ་ཡི་དཾ, བྷི་ཀྑ་ཝེ, ཨ་ཡོ་ནི་སོ་མ་ན་སི་ཀཱ་རོ. ཨ་ཡོ་ནི་སོ, བྷི་ཀྑ་ཝེ, མ་ན་སི ཀ་རོ་ཏོ ཨ་ནུ་པྤ་ནྣཱ ཙེ་ཝ བོ་ཛ྄ཛྷ་ངྒཱ ནུ་པྤ་ཛྫ་ནྟི ཨུ་པྤ་ནྣཱ ཙ བོ་ཛ྄ཛྷ་ངྒཱ ན བྷཱ་ཝ་ནཱ་པཱ་རི་པཱུ་རིཾ ག་ཙྪ་ནྟཱི’’ཏི. ཙ་ཏུ་ཏྠཾ.

༧༥. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ བོ་ཛ྄ཛྷ་ངྒཱ ཨུ་པྤ་ཛྫ་ནྟི ཨུ་པྤ་ནྣཱ ཝཱ བོ་ཛ྄ཛྷ་ངྒཱ བྷཱ་ཝ་ནཱ་པཱ་རི་པཱུ་རིཾ ག་ཙྪ་ནྟི ཡ་ཐ་ཡི་དཾ, བྷི་ཀྑ་ཝེ, ཡོ་ནི་སོ་མ་ན་སི་ཀཱ་རོ. ཡོ་ནི་སོ, བྷི་ཀྑ་ཝེ, མ་ན་སི ཀ་རོ་ཏོ ཨ་ནུ་པྤ་ནྣཱ ཙེ་ཝ བོ་ཛ྄ཛྷ་ངྒཱ ཨུ་པྤ་ཛྫ་ནྟི ཨུ་པྤ་ནྣཱ ཙ བོ་ཛ྄ཛྷ་ངྒཱ བྷཱ་ཝ་ནཱ་པཱ་རི་པཱུ་རིཾ ག་ཙྪ་ནྟཱི’’ཏི. པ་ཉྩ་མཾ.

༧༦. ‘‘ཨ་པྤ་མ་ཏྟི་ཀཱ ཨེ་སཱ, བྷི་ཀྑ་ཝེ, པ་རི་ཧཱ་ནི ཡ་དི་དཾ ཉཱ་ཏི་པ་རི་ཧཱ་ནི. ཨེ་ཏཾ པ་ཏི་ཀི་ཊྛཾ, བྷི་ཀྑ་ཝེ, པ་རི་ཧཱ་ནཱི་ནཾ ཡ་དི་དཾ པ་ཉྙཱ་པ་རི་ཧཱ་ནཱི’’ཏི. ཚ་ཊྛཾ.

༧༧. ‘‘ཨ་པྤ་མ་ཏྟི་ཀཱ ཨེ་སཱ, བྷི་ཀྑ་ཝེ, ཝུ་དྡྷི ཡ་དི་དཾ ཉཱ་ཏི་ཝུ་དྡྷི. ཨེ་ཏ་ད་གྒཾ, བྷི་ཀྑ་ཝེ, ཝུ་དྡྷཱི་ནཾ ཡ་དི་དཾ པ་ཉྙཱ་ཝུ་དྡྷི. ཏ་སྨཱ་ཏི་ཧ, བྷི་ཀྑ་ཝེ, ཨེ་ཝཾ སི་ཀྑི་ཏ་བྦཾ – ‘པ་ཉྙཱ་ཝུ་དྡྷི་ཡཱ ཝ་དྡྷི་སྶཱ་མཱ’ཏི. ཨེ་ཝ་ཉྷི ཝོ, བྷི་ཀྑ་ཝེ, སི་ཀྑི་ཏ་བྦ’’ནྟི. ས་ཏྟ་མཾ.

༧༨. ‘‘ཨ་པྤ་མ་ཏྟི་ཀཱ ཨེ་སཱ, བྷི་ཀྑ་ཝེ, པ་རི་ཧཱ་ནི ཡ་དི་དཾ བྷོ་ག་པ་རི་ཧཱ་ནི. ཨེ་ཏཾ པ་ཏི་ཀི་ཊྛཾ, བྷི་ཀྑ་ཝེ, པ་རི་ཧཱ་ནཱི་ནཾ ཡ་དི་དཾ པ་ཉྙཱ་པ་རི་ཧཱ་ནཱི’’ཏི. ཨ་ཊྛ་མཾ.

༧༩. ‘‘ཨ་པྤ་མ་ཏྟི་ཀཱ ཨེ་སཱ, བྷི་ཀྑ་ཝེ, ཝུ་དྡྷི ཡ་དི་དཾ བྷོ་ག་ཝུ་དྡྷི. ཨེ་ཏ་ད་གྒཾ, བྷི་ཀྑ་ཝེ, ཝུ་དྡྷཱི་ནཾ ཡ་དི་དཾ པ་ཉྙཱ་ཝུ་དྡྷི. ཏ་སྨཱ་ཏི་ཧ, བྷི་ཀྑ་ཝེ, ཨེ་ཝཾ སི་ཀྑི་ཏ་བྦཾ – ‘པ་ཉྙཱ་ཝུ་དྡྷི་ཡཱ ཝ་དྡྷི་སྶཱ་མཱ’ཏི. ཨེ་ཝ་ཉྷི ཝོ, བྷི་ཀྑ་ཝེ, སི་ཀྑི་ཏ་བྦ’’ནྟི. ན་ཝ་མཾ.

༨༠. ‘‘ཨ་པྤ་མ་ཏྟི་ཀཱ ཨེ་སཱ, བྷི་ཀྑ་ཝེ, པ་རི་ཧཱ་ནི ཡ་དི་དཾ ཡ་སོ་པ་རི་ཧཱ་ནི. ཨེ་ཏཾ པ་ཏི་ཀི་ཊྛཾ, བྷི་ཀྑ་ཝེ, པ་རི་ཧཱ་ནཱི་ནཾ ཡ་དི་དཾ པ་ཉྙཱ་པ་རི་ཧཱ་ནཱི’’ཏི. ད་ས་མཾ.

ཀ་ལྱཱ་ཎ་མི་ཏྟཱ་དི་ཝ་གྒོ ཨ་ཊྛ་མོ.

༩. པ་མཱ་དཱ་དི་ཝ་གྒོ

༨༡. ‘‘ཨ་པྤ་མ་ཏྟི་ཀཱ ཨེ་སཱ, བྷི་ཀྑ་ཝེ, ཝུ་དྡྷི ཡ་དི་དཾ ཡ་སོ་ཝུ་དྡྷི. ཨེ་ཏ་ད་གྒཾ, བྷི་ཀྑ་ཝེ, ཝུ་དྡྷཱི་ནཾ ཡ་དི་དཾ པ་ཉྙཱ་ཝུ་དྡྷི. ཏ་སྨཱ་ཏི་ཧ, བྷི་ཀྑ་ཝེ, ཨེ་ཝཾ སི་ཀྑི་ཏ་བྦཾ – ‘པ་ཉྙཱ་ཝུ་དྡྷི་ཡཱ ཝ་དྡྷི་སྶཱ་མཱ’ཏི. ཨེ་ཝ་ཉྷི ཝོ, བྷི་ཀྑ་ཝེ, སི་ཀྑི་ཏ་བྦ’’ནྟི. པ་ཋ་མཾ.

༨༢. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡོ ཨེ་ཝཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, པ་མཱ་དོ. པ་མཱ་དོ, བྷི་ཀྑ་ཝེ, མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏཱི’’ཏི. དུ་ཏི་ཡཾ.

༨༣. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡོ ཨེ་ཝཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཨ་པྤ་མཱ་དོ. ཨ་པྤ་མཱ་དོ, བྷི་ཀྑ་ཝེ, མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏཱི’’ཏི. ཏ་ཏི་ཡཾ.

༨༤. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡོ ཨེ་ཝཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཀོ་ས་ཛྫཾ. ཀོ་ས་ཛྫཾ, བྷི་ཀྑ་ཝེ, མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏཱི’’ཏི. ཙ་ཏུ་ཏྠཾ.

༨༥. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡོ ཨེ་ཝཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཝཱི་རི་ཡཱ་ར་མྦྷོ. ཝཱི་རི་ཡཱ་ར་མྦྷོ, བྷི་ཀྑ་ཝེ, མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏཱི’’ཏི. པ་ཉྩ་མཾ.

༨༦. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡོ ཨེ་ཝཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, མ་ཧི་ཙྪ་ཏཱ. མ་ཧི་ཙྪ་ཏཱ, བྷི་ཀྑ་ཝེ, མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏཱི’’ཏི. ཚ་ཊྛཾ.

༨༧. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡོ ཨེ་ཝཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཨ་པྤི་ཙྪ་ཏཱ. ཨ་པྤི་ཙྪ་ཏཱ, བྷི་ཀྑ་ཝེ, མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏཱི’’ཏི. ས་ཏྟ་མཾ.

༨༨. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡོ ཨེ་ཝཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཨ་ས་ནྟུ་ཊྛི་ཏཱ. ཨ་ས་ནྟུ་ཊྛི་ཏཱ, བྷི་ཀྑ་ཝེ, མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏཱི’’ཏི. ཨ་ཊྛ་མཾ.

༨༩. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡོ ཨེ་ཝཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ས་ནྟུ་ཊྛི་ཏཱ. ས་ནྟུ་ཊྛི་ཏཱ, བྷི་ཀྑ་ཝེ, མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏཱི’’ཏི. ན་ཝ་མཾ.

༩༠. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡོ ཨེ་ཝཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཨ་ཡོ་ནི་སོ མ་ན་སི་ཀཱ་རོ. ཨ་ཡོ་ནི་སོ་མ་ན་སི་ཀཱ་རོ, བྷི་ཀྑ་ཝེ, མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏཱི’’ཏི. ད་ས་མཾ.

༩༡. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡོ ཨེ་ཝཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཡོ་ནི་སོ མ་ན་སི་ཀཱ་རོ. ཡོ་ནི་སོ་མ་ན་སི་ཀཱ་རོ, བྷི་ཀྑ་ཝེ, མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏཱི’’ཏི. ཨེ་ཀཱ་ད་ས་མཾ.

༩༢. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡོ ཨེ་ཝཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཨ་ས་མྤ་ཛ་ཉྙཾ. ཨ་ས་མྤ་ཛ་ཉྙཾ, བྷི་ཀྑ་ཝེ, མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏཱི’’ཏི. དྭཱ་ད་ས་མཾ.

༩༣. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡོ ཨེ་ཝཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ས་མྤ་ཛ་ཉྙཾ. ས་མྤ་ཛ་ཉྙཾ, བྷི་ཀྑ་ཝེ, མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏཱི’’ཏི. ཏེ་ར་ས་མཾ.

༩༤. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡོ ཨེ་ཝཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, པཱ་པ་མི་ཏྟ་ཏཱ. པཱ་པ་མི་ཏྟ་ཏཱ, བྷི་ཀྑ་ཝེ, མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏཱི’’ཏི. ཙུ་དྡ་ས་མཾ.

༩༥. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡོ ཨེ་ཝཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཀ་ལྱཱ་ཎ་མི་ཏྟ་ཏཱ. ཀ་ལྱཱ་ཎ་མི་ཏྟ་ཏཱ, བྷི་ཀྑ་ཝེ, མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏཱི’’ཏི. པ་ནྣ་ར་ས་མཾ.

༩༦. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡོ ཨེ་ཝཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཨ་ནུ་ཡོ་གོ ཨ་ཀུ་ས་ལཱ་ནཾ དྷ་མྨཱ་ནཾ, ཨ་ན་ནུ་ཡོ་གོ ཀུ་ས་ལཱ་ནཾ དྷ་མྨཱ་ནཾ. ཨ་ནུ་ཡོ་གོ, བྷི་ཀྑ་ཝེ, ཨ་ཀུ་ས་ལཱ་ནཾ དྷ་མྨཱ་ནཾ, ཨ་ན་ནུ་ཡོ་གོ ཀུ་ས་ལཱ་ནཾ དྷ་མྨཱ་ནཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏཱི’’ཏི. སོ་ལ༹་ས་མཾ.

༩༧. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡོ ཨེ་ཝཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཨ་ནུ་ཡོ་གོ ཀུ་ས་ལཱ་ནཾ དྷ་མྨཱ་ནཾ, ཨ་ན་ནུ་ཡོ་གོ ཨ་ཀུ་ས་ལཱ་ནཾ དྷ་མྨཱ་ནཾ. ཨ་ནུ་ཡོ་གོ, བྷི་ཀྑ་ཝེ, ཀུ་ས་ལཱ་ནཾ དྷ་མྨཱ་ནཾ, ཨ་ན་ནུ་ཡོ་གོ ཨ་ཀུ་ས་ལཱ་ནཾ དྷ་མྨཱ་ནཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏཱི’’ཏི. ས་ཏྟ་ར་ས་མཾ.

པ་མཱ་དཱ་དི་ཝ་གྒོ ན་ཝ་མོ.

༡༠. དུ་ཏི་ཡ་པ་མཱ་དཱ་དི་ཝ་གྒོ

༩༨. ‘‘ཨ་ཛ྄ཛྷ་ཏྟི་ཀཾ, བྷི་ཀྑ་ཝེ, ཨ་ངྒ་ནྟི ཀ་རི་ཏྭཱ ནཱ་ཉྙཾ ཨེ་ཀ་ངྒ་མྤི ས་མ་ནུ་པ་སྶཱ་མི ཡཾ ཨེ་ཝཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, པ་མཱ་དོ. པ་མཱ་དོ, བྷི་ཀྑ་ཝེ, མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏཱི’’ཏི. པ་ཋ་མཾ.

༩༩. ‘‘ཨ་ཛ྄ཛྷ་ཏྟི་ཀཾ, བྷི་ཀྑ་ཝེ, ཨ་ངྒ་ནྟི ཀ་རི་ཏྭཱ ནཱ་ཉྙཾ ཨེ་ཀ་ངྒ་མྤི ས་མ་ནུ་པ་སྶཱ་མི ཡཾ ཨེ་ཝཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཨ་པྤ་མཱ་དོ. ཨ་པྤ་མཱ་དོ, བྷི་ཀྑ་ཝེ, མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏཱི’’ཏི. དུ་ཏི་ཡཾ.

༡༠༠. ‘‘ཨ་ཛ྄ཛྷ་ཏྟི་ཀཾ, བྷི་ཀྑ་ཝེ, ཨ་ངྒ་ནྟི ཀ་རི་ཏྭཱ ནཱ་ཉྙཾ ཨེ་ཀ་ངྒ་མྤི ས་མ་ནུ་པ་སྶཱ་མི ཡཾ ཨེ་ཝཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཀོ་ས་ཛྫཾ. ཀོ་ས་ཛྫཾ, བྷི་ཀྑ་ཝེ, མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏཱི’’ཏི. ཏ་ཏི་ཡཾ.

༡༠༡. ‘‘ཨ་ཛ྄ཛྷ་ཏྟི་ཀཾ, བྷི་ཀྑ་ཝེ, ཨ་ངྒ་ནྟི ཀ་རི་ཏྭཱ ནཱ་ཉྙཾ ཨེ་ཀ་ངྒ་མྤི ས་མ་ནུ་པ་སྶཱ་མི ཡཾ ཨེ་ཝཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཝཱི་རི་ཡཱ་ར་མྦྷོ. ཝཱི་རི་ཡཱ་ར་མྦྷོ, བྷི་ཀྑ་ཝེ, མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏཱི’’ཏི. ཙ་ཏུ་ཏྠཾ.

༡༠༢-༡༠༩. ‘‘ཨ་ཛ྄ཛྷ་ཏྟི་ཀཾ, བྷི་ཀྑ་ཝེ, ཨ་ངྒ་ནྟི ཀ་རི་ཏྭཱ ནཱ་ཉྙཾ ཨེ་ཀ་ངྒ་མྤི ས་མ་ནུ་པ་སྶཱ་མི ཡཾ ཨེ་ཝཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, མ་ཧི་ཙྪ་ཏཱ…པེ… ཨ་པྤི་ཙྪ་ཏཱ… ཨ་ས་ནྟུ་ཊྛི་ཏཱ… ས་ནྟུ་ཊྛི་ཏཱ… ཨ་ཡོ་ནི་སོ་མ་ན་སི་ཀཱ་རོ… ཡོ་ནི་སོ་མ་ན་སི་ཀཱ་རོ… ཨ་ས་མྤ་ཛ་ཉྙཾ… ས་མྤ་ཛ་ཉྙཾ… དྭཱ་ད་ས་མཾ.

༡༡༠. ‘‘བཱ་ཧི་རཾ, བྷི་ཀྑ་ཝེ, ཨ་ངྒ་ནྟི ཀ་རི་ཏྭཱ ནཱ་ཉྙཾ ཨེ་ཀ་ངྒ་མྤི ས་མ་ནུ་པ་སྶཱ་མི ཡཾ ཨེ་ཝཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, པཱ་པ་མི་ཏྟ་ཏཱ. པཱ་པ་མི་ཏྟ་ཏཱ, བྷི་ཀྑ་ཝེ, མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏཱི’’ཏི. ཏེ་ར་ས་མཾ.

༡༡༡. ‘‘བཱ་ཧི་རཾ, བྷི་ཀྑ་ཝེ, ཨ་ངྒ་ནྟི ཀ་རི་ཏྭཱ ནཱ་ཉྙཾ ཨེ་ཀ་ངྒ་མྤི ས་མ་ནུ་པ་སྶཱ་མི ཡཾ ཨེ་ཝཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཀ་ལྱཱ་ཎ་མི་ཏྟ་ཏཱ. ཀ་ལྱཱ་ཎ་མི་ཏྟ་ཏཱ, བྷི་ཀྑ་ཝེ, མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏཱི’’ཏི. ཙུ་དྡ་ས་མཾ.

༡༡༢. ‘‘ཨ་ཛ྄ཛྷ་ཏྟི་ཀཾ, བྷི་ཀྑ་ཝེ, ཨ་ངྒ་ནྟི ཀ་རི་ཏྭཱ ནཱ་ཉྙཾ ཨེ་ཀ་ངྒ་མྤི ས་མ་ནུ་པ་སྶཱ་མི ཡཾ ཨེ་ཝཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཨ་ནུ་ཡོ་གོ ཨ་ཀུ་ས་ལཱ་ནཾ དྷ་མྨཱ་ནཾ, ཨ་ན་ནུ་ཡོ་གོ ཀུ་ས་ལཱ་ནཾ དྷ་མྨཱ་ནཾ. ཨ་ནུ་ཡོ་གོ, བྷི་ཀྑ་ཝེ, ཨ་ཀུ་ས་ལཱ་ནཾ དྷ་མྨཱ་ནཾ, ཨ་ན་ནུ་ཡོ་གོ ཀུ་ས་ལཱ་ནཾ དྷ་མྨཱ་ནཾ མ་ཧ་ཏོ ཨ་ན་ཏྠཱ་ཡ སཾ་ཝ་ཏྟ་ཏཱི’’ཏི. པ་ནྣ་ར་ས་མཾ.

༡༡༣. ‘‘ཨ་ཛ྄ཛྷ་ཏྟི་ཀཾ, བྷི་ཀྑ་ཝེ, ཨ་ངྒ་ནྟི ཀ་རི་ཏྭཱ ནཱ་ཉྙཾ ཨེ་ཀ་ངྒ་མྤི ས་མ་ནུ་པ་སྶཱ་མི ཡཾ ཨེ་ཝཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཨ་ནུ་ཡོ་གོ ཀུ་ས་ལཱ་ནཾ དྷ་མྨཱ་ནཾ, ཨ་ན་ནུ་ཡོ་གོ ཨ་ཀུ་ས་ལཱ་ནཾ དྷ་མྨཱ་ནཾ. ཨ་ནུ་ཡོ་གོ, བྷི་ཀྑ་ཝེ, ཀུ་ས་ལཱ་ནཾ དྷ་མྨཱ་ནཾ, ཨ་ན་ནུ་ཡོ་གོ ཨ་ཀུ་ས་ལཱ་ནཾ དྷ་མྨཱ་ནཾ མ་ཧ་ཏོ ཨ་ཏྠཱ་ཡ སཾ་ཝ་ཏྟ་ཏཱི’’ཏི. སོ་ལ༹་ས་མཾ.

༡༡༤. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡོ ཨེ་ཝཾ ས་དྡྷ་མྨ་སྶ ས་མྨོ་སཱ་ཡ ཨ་ནྟ་ར་དྷཱ་ནཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, པ་མཱ་དོ. པ་མཱ་དོ, བྷི་ཀྑ་ཝེ, ས་དྡྷ་མྨ་སྶ ས་མྨོ་སཱ་ཡ ཨ་ནྟ་ར་དྷཱ་ནཱ་ཡ སཾ་ཝ་ཏྟ་ཏཱི’’ཏི. ས་ཏྟ་ར་ས་མཾ.

༡༡༥. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡོ ཨེ་ཝཾ ས་དྡྷ་མྨ་སྶ ཋི་ཏི་ཡཱ ཨ་ས་མྨོ་སཱ་ཡ ཨ་ན་ནྟ་ར་དྷཱ་ནཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཨ་པྤ་མཱ་དོ. ཨ་པྤ་མཱ་དོ, བྷི་ཀྑ་ཝེ, ས་དྡྷ་མྨ་སྶ ཋི་ཏི་ཡཱ ཨ་ས་མྨོ་སཱ་ཡ ཨ་ན་ནྟ་ར་དྷཱ་ནཱ་ཡ སཾ་ཝ་ཏྟ་ཏཱི’’ཏི. ཨ་ཊྛཱ་ར་ས་མཾ.

༡༡༦. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡོ ཨེ་ཝཾ ས་དྡྷ་མྨ་སྶ ས་མྨོ་སཱ་ཡ ཨ་ནྟ་ར་དྷཱ་ནཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཀོ་ས་ཛྫཾ. ཀོ་ས་ཛྫཾ, བྷི་ཀྑ་ཝེ, ས་དྡྷ་མྨ་སྶ ས་མྨོ་སཱ་ཡ ཨ་ནྟ་ར་དྷཱ་ནཱ་ཡ སཾ་ཝ་ཏྟ་ཏཱི’’ཏི. ཨེ་ཀཱུ་ན་ཝཱི་ས་ཏི་མཾ.

༡༡༧. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡོ ཨེ་ཝཾ ས་དྡྷ་མྨ་སྶ ཋི་ཏི་ཡཱ ཨ་ས་མྨོ་སཱ་ཡ ཨ་ན་ནྟ་ར་དྷཱ་ནཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཝཱི་རི་ཡཱ་ར་མྦྷོ. ཝཱི་རི་ཡཱ་ར་མྦྷོ, བྷི་ཀྑ་ཝེ, ས་དྡྷ་མྨ་སྶ ཋི་ཏི་ཡཱ ཨ་ས་མྨོ་སཱ་ཡ ཨ་ན་ནྟ་ར་དྷཱ་ནཱ་ཡ སཾ་ཝ་ཏྟ་ཏཱི’’ཏི. ཝཱི་ས་ཏི་མཾ.

༡༡༨-༡༢༨. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡོ ཨེ་ཝཾ ས་དྡྷ་མྨ་སྶ ས་མྨོ་སཱ་ཡ ཨ་ནྟ་ར་དྷཱ་ནཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, མ་ཧི་ཙྪ་ཏཱ…པེ… ཨ་པྤི་ཙྪ་ཏཱ… ཨ་ས་ནྟུ་ཊྛི་ཏཱ… ས་ནྟུ་ཊྛི་ཏཱ… ཨ་ཡོ་ནི་སོ་མ་ན་སི་ཀཱ་རོ… ཡོ་ནི་སོ་མ་ན་སི་ཀཱ་རོ… ཨ་ས་མྤ་ཛ་ཉྙཾ… ས་མྤ་ཛ་ཉྙཾ … པཱ་པ་མི་ཏྟ་ཏཱ… ཀ་ལྱཱ་ཎ་མི་ཏྟ་ཏཱ… ཨ་ནུ་ཡོ་གོ ཨ་ཀུ་ས་ལཱ་ནཾ དྷ་མྨཱ་ནཾ, ཨ་ན་ནུ་ཡོ་གོ ཀུ་ས་ལཱ་ནཾ དྷ་མྨཱ་ནཾ. ཨ་ནུ་ཡོ་གོ, བྷི་ཀྑ་ཝེ, ཨ་ཀུ་ས་ལཱ་ནཾ དྷ་མྨཱ་ནཾ, ཨ་ན་ནུ་ཡོ་གོ ཀུ་ས་ལཱ་ནཾ དྷ་མྨཱ་ནཾ ས་དྡྷ་མྨ་སྶ ས་མྨོ་སཱ་ཡ ཨ་ནྟ་ར་དྷཱ་ནཱ་ཡ སཾ་ཝ་ཏྟ་ཏཱི’’ཏི. ཨེ་ཀ་ཏྟིཾ་ས་ཏི་མཾ.

༡༢༩. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡོ ཨེ་ཝཾ ས་དྡྷ་མྨ་སྶ ཋི་ཏི་ཡཱ ཨ་ས་མྨོ་སཱ་ཡ ཨ་ན་ནྟ་ར་དྷཱ་ནཱ་ཡ སཾ་ཝ་ཏྟ་ཏི ཡ་ཐ་ཡི་དཾ, བྷི་ཀྑ་ཝེ, ཨ་ནུ་ཡོ་གོ ཀུ་ས་ལཱ་ནཾ དྷ་མྨཱ་ནཾ, ཨ་ན་ནུ་ཡོ་གོ ཨ་ཀུ་ས་ལཱ་ནཾ དྷ་མྨཱ་ནཾ. ཨ་ནུ་ཡོ་གོ, བྷི་ཀྑ་ཝེ, ཀུ་ས་ལཱ་ནཾ དྷ་མྨཱ་ནཾ, ཨ་ན་ནུ་ཡོ་གོ ཨ་ཀུ་ས་ལཱ་ནཾ དྷ་མྨཱ་ནཾ ས་དྡྷ་མྨ་སྶ ཋི་ཏི་ཡཱ ཨ་ས་མྨོ་སཱ་ཡ ཨ་ན་ནྟ་ར་དྷཱ་ནཱ་ཡ སཾ་ཝ་ཏྟ་ཏཱི’’ཏི. ཙ་ཏུ་ཀྐོ་ཊི་ཀཾ ནི་ཊྛི་ཏཾ. བཱ་ཏྟིཾ་ས་ཏི་མཾ.

༡༣༠. ‘‘ཡེ ཏེ, བྷི་ཀྑ་ཝེ, བྷི་ཀྑཱུ ཨ་དྷ་མྨཾ དྷ་མྨོ་ཏི དཱི་པེ་ནྟི ཏེ, བྷི་ཀྑ་ཝེ, བྷི་ཀྑཱུ བ་ཧུ་ཛ་ན་ཨ་ཧི་ཏཱ་ཡ པ་ཊི་པ་ནྣཱ བ་ཧུ་ཛ་ན་ཨ་སུ་ཁཱ་ཡ, བ་ཧུ་ནོ ཛ་ན་སྶ ཨ་ན་ཏྠཱ་ཡ ཨ་ཧི་ཏཱ་ཡ དུ་ཀྑཱ་ཡ དེ་ཝ་མ་ནུ་སྶཱ་ནཾ. བ་ཧུ་ཉྩ ཏེ, བྷི་ཀྑ་ཝེ, བྷི་ཀྑཱུ ཨ་པུ་ཉྙཾ པ་ས་ཝ་ནྟི, ཏེ ཙི་མཾ [ཏེ་པི་མཾ (སཱི.)] ས་དྡྷ་མྨཾ ཨ་ནྟ་ར་དྷཱ་པེ་ནྟཱི’’ཏི. ཏེ་ཏྟིཾ་ས་ཏི་མཾ.

༡༣༡. ‘‘ཡེ ཏེ, བྷི་ཀྑ་ཝེ, བྷི་ཀྑཱུ དྷ་མྨཾ ཨ་དྷ་མྨོ་ཏི དཱི་པེ་ནྟི ཏེ, བྷི་ཀྑ་ཝེ, བྷི་ཀྑཱུ བ་ཧུ་ཛ་ན་ཨ་ཧི་ཏཱ་ཡ པ་ཊི་པ་ནྣཱ བ་ཧུ་ཛ་ན་ཨ་སུ་ཁཱ་ཡ, བ་ཧུ་ནོ ཛ་ན་སྶ ཨ་ན་ཏྠཱ་ཡ ཨ་ཧི་ཏཱ་ཡ དུ་ཀྑཱ་ཡ དེ་ཝ་མ་ནུ་སྶཱ་ནཾ. བ་ཧུ་ཉྩ ཏེ, བྷི་ཀྑ་ཝེ, བྷི་ཀྑཱུ ཨ་པུ་ཉྙཾ པ་ས་ཝ་ནྟི, ཏེ ཙི་མཾ ས་དྡྷ་མྨཾ ཨ་ནྟ་ར་དྷཱ་པེ་ནྟཱི’’ཏི. ཙ་ཏུ་ཏྟིཾ་ས་ཏི་མཾ.

༡༣༢-༡༣༩. ‘‘ཡེ ཏེ, བྷི་ཀྑ་ཝེ, བྷི་ཀྑཱུ ཨ་ཝི་ན་ཡཾ ཝི་ན་ཡོ་ཏི དཱི་པེ་ནྟི…པེ… ཝི་ན་ཡཾ ཨ་ཝི་ན་ཡོ་ཏི དཱི་པེ་ནྟི…པེ… ཨ་བྷཱ་སི་ཏཾ ཨ་ལ་པི་ཏཾ ཏ་ཐཱ་ག་ཏེ་ན བྷཱ་སི་ཏཾ ལ་པི་ཏཾ ཏ་ཐཱ་ག་ཏེ་ནཱ་ཏི དཱི་པེ་ནྟི…པེ… བྷཱ་སི་ཏཾ ལ་པི་ཏཾ ཏ་ཐཱ་ག་ཏེ་ན ཨ་བྷཱ་སི་ཏཾ ཨ་ལ་པི་ཏཾ ཏ་ཐཱ་ག་ཏེ་ནཱ་ཏི དཱི་པེ་ནྟི…པེ… ཨ་ནཱ་ཙི་ཎྞཾ ཏ་ཐཱ་ག་ཏེ་ན ཨཱ་ཙི་ཎྞཾ ཏ་ཐཱ་ག་ཏེ་ནཱ་ཏི དཱི་པེ་ནྟི…པེ… ཨཱ་ཙི་ཎྞཾ ཏ་ཐཱ་ག་ཏེ་ན ཨ་ནཱ་ཙི་ཎྞཾ ཏ་ཐཱ་ག་ཏེ་ནཱ་ཏི དཱི་པེ་ནྟི…པེ… ཨ་པ་ཉྙ་ཏྟཾ ཏ་ཐཱ་ག་ཏེ་ན པ་ཉྙ་ཏྟཾ ཏ་ཐཱ་ག་ཏེ་ནཱ་ཏི དཱི་པེ་ནྟི…པེ… པ་ཉྙ་ཏྟཾ ཏ་ཐཱ་ག་ཏེ་ན ཨ་པ་ཉྙ་ཏྟཾ ཏ་ཐཱ་ག་ཏེ་ནཱ་ཏི དཱི་པེ་ནྟི ཏེ, བྷི་ཀྑ་ཝེ, བྷི་ཀྑཱུ བ་ཧུ་ཛ་ན་ཨ་ཧི་ཏཱ་ཡ པ་ཊི་པ་ནྣཱ བ་ཧུ་ཛ་ན་ཨ་སུ་ཁཱ་ཡ, བ་ཧུ་ནོ ཛ་ན་སྶ ཨ་ན་ཏྠཱ་ཡ ཨ་ཧི་ཏཱ་ཡ དུ་ཀྑཱ་ཡ དེ་ཝ་མ་ནུ་སྶཱ་ནཾ. བ་ཧུ་ཉྩ ཏེ, བྷི་ཀྑ་ཝེ, བྷི་ཀྑཱུ ཨ་པུ་ཉྙཾ པ་ས་ཝ་ནྟི, ཏེ ཙི་མཾ ས་དྡྷ་མྨཾ ཨ་ནྟ་ར་དྷཱ་པེ་ནྟཱི’’ཏི. དྭཱ་ཙ་ཏྟཱ་ལཱི་ས་ཏི་མཾ.

དུ་ཏི་ཡ་པ་མཱ་དཱ་དི་ཝ་གྒོ ད་ས་མོ.

༡༡. ཨ་དྷ་མྨ་ཝ་གྒོ

༡༤༠. ‘‘ཡེ ཏེ, བྷི་ཀྑ་ཝེ, བྷི་ཀྑཱུ ཨ་དྷ་མྨཾ ཨ་དྷ་མྨོ་ཏི དཱི་པེ་ནྟི ཏེ, བྷི་ཀྑ་ཝེ, བྷི་ཀྑཱུ བ་ཧུ་ཛ་ན་ཧི་ཏཱ་ཡ པ་ཊི་པ་ནྣཱ བ་ཧུ་ཛ་ན་སུ་ཁཱ་ཡ, བ་ཧུ་ནོ ཛ་ན་སྶ ཨ་ཏྠཱ་ཡ ཧི་ཏཱ་ཡ སུ་ཁཱ་ཡ དེ་ཝ་མ་ནུ་སྶཱ་ནཾ. བ་ཧུ་ཉྩ ཏེ, བྷི་ཀྑ་ཝེ, བྷི་ཀྑཱུ པུ་ཉྙཾ པ་ས་ཝ་ནྟི, ཏེ ཙི་མཾ ས་དྡྷ་མྨཾ ཋ་པེ་ནྟཱི’’ཏི [ཐ་པེ་ནྟཱི་ཏི (ཀ.)]. པ་ཋ་མཾ.

༡༤༡. ‘‘ཡེ ཏེ, བྷི་ཀྑ་ཝེ, བྷི་ཀྑཱུ དྷ་མྨཾ དྷ་མྨོ་ཏི དཱི་པེ་ནྟི ཏེ, བྷི་ཀྑ་ཝེ, བྷི་ཀྑཱུ བ་ཧུ་ཛ་ན་ཧི་ཏཱ་ཡ པ་ཊི་པ་ནྣཱ བ་ཧུ་ཛ་ན་སུ་ཁཱ་ཡ, བ་ཧུ་ནོ ཛ་ན་སྶ ཨ་ཏྠཱ་ཡ ཧི་ཏཱ་ཡ སུ་ཁཱ་ཡ དེ་ཝ་མ་ནུ་སྶཱ་ནཾ. བ་ཧུ་ཉྩ ཏེ, བྷི་ཀྑ་ཝེ, བྷི་ཀྑཱུ པུ་ཉྙཾ པ་ས་ཝ་ནྟི, ཏེ ཙི་མཾ ས་དྡྷ་མྨཾ ཋ་པེ་ནྟཱི’’ཏི. དུ་ཏི་ཡཾ.

༡༤༢-༡༤༩. ‘‘ཡེ ཏེ, བྷི་ཀྑ་ཝེ, བྷི་ཀྑཱུ ཨ་ཝི་ན་ཡཾ ཨ་ཝི་ན་ཡོ་ཏི དཱི་པེ་ནྟི…པེ… ཝི་ན་ཡཾ ཝི་ན་ཡོ་ཏི དཱི་པེ་ནྟི…པེ… ཨ་བྷཱ་སི་ཏཾ ཨ་ལ་པི་ཏཾ ཏ་ཐཱ་ག་ཏེ་ན ཨ་བྷཱ་སི་ཏཾ ཨ་ལ་པི་ཏཾ ཏ་ཐཱ་ག་ཏེ་ནཱ་ཏི དཱི་པེ་ནྟི…པེ… བྷཱ་སི་ཏཾ ལ་པི་ཏཾ ཏ་ཐཱ་ག་ཏེ་ན བྷཱ་སི་ཏཾ ལ་པི་ཏཾ ཏ་ཐཱ་ག་ཏེ་ནཱ་ཏི དཱི་པེ་ནྟི…པེ… ཨ་ནཱ་ཙི་ཎྞཾ ཏ་ཐཱ་ག་ཏེ་ན ཨ་ནཱ་ཙི་ཎྞཾ ཏ་ཐཱ་ག་ཏེ་ནཱ་ཏི དཱི་པེ་ནྟི…པེ… ཨཱ་ཙི་ཎྞཾ ཏ་ཐཱ་ག་ཏེ་ན ཨཱ་ཙི་ཎྞཾ ཏ་ཐཱ་ག་ཏེ་ནཱ་ཏི དཱི་པེ་ནྟི…པེ… ཨ་པ་ཉྙ་ཏྟཾ ཏ་ཐཱ་ག་ཏེ་ན ཨ་པ་ཉྙ་ཏྟཾ ཏ་ཐཱ་ག་ཏེ་ནཱ་ཏི དཱི་པེ་ནྟི…པེ… པ་ཉྙ་ཏྟཾ ཏ་ཐཱ་ག་ཏེ་ན པ་ཉྙ་ཏྟཾ ཏ་ཐཱ་ག་ཏེ་ནཱ་ཏི དཱི་པེ་ནྟི ཏེ, བྷི་ཀྑ་ཝེ, བྷི་ཀྑཱུ བ་ཧུ་ཛ་ན་ཧི་ཏཱ་ཡ པ་ཊི་པ་ནྣཱ བ་ཧུ་ཛ་ན་སུ་ཁཱ་ཡ, བ་ཧུ་ནོ ཛ་ན་སྶ ཨ་ཏྠཱ་ཡ ཧི་ཏཱ་ཡ སུ་ཁཱ་ཡ དེ་ཝ་མ་ནུ་སྶཱ་ནཾ. བ་ཧུ་ཉྩ ཏེ, བྷི་ཀྑ་ཝེ, བྷི་ཀྑཱུ པུ་ཉྙཾ པ་ས་ཝ་ནྟི, ཏེ ཙི་མཾ ས་དྡྷ་མྨཾ ཋ་པེ་ནྟཱི’’ཏི. ད་ས་མཾ.

ཨ་དྷ་མྨ་ཝ་གྒོ ཨེ་ཀཱ་ད་ས་མོ.

༡༢. ཨ་ནཱ་པ་ཏྟི་ཝ་གྒོ

༡༥༠. ‘‘ཡེ ཏེ, བྷི་ཀྑ་ཝེ, བྷི་ཀྑཱུ ཨ་ནཱ་པ་ཏྟིཾ ཨཱ་པ་ཏྟཱི་ཏི དཱི་པེ་ནྟི ཏེ, བྷི་ཀྑ་ཝེ, བྷི་ཀྑཱུ བ་ཧུ་ཛ་ན་ཨ་ཧི་ཏཱ་ཡ པ་ཊི་པ་ནྣཱ བ་ཧུ་ཛ་ན་ཨ་སུ་ཁཱ་ཡ, བ་ཧུ་ནོ ཛ་ན་སྶ ཨ་ན་ཏྠཱ་ཡ ཨ་ཧི་ཏཱ་ཡ དུ་ཀྑཱ་ཡ དེ་ཝ་མ་ནུ་སྶཱ་ནཾ. བ་ཧུ་ཉྩ ཏེ, བྷི་ཀྑ་ཝེ, བྷི་ཀྑཱུ ཨ་པུ་ཉྙཾ པ་ས་ཝ་ནྟི, ཏེ ཙི་མཾ ས་དྡྷ་མྨཾ ཨ་ནྟ་ར་དྷཱ་པེ་ནྟཱི’’ཏི. པ་ཋ་མཾ.

༡༥༡. ‘‘ཡེ ཏེ, བྷི་ཀྑ་ཝེ, བྷི་ཀྑཱུ ཨཱ་པ་ཏྟིཾ ཨ་ནཱ་པ་ཏྟཱི་ཏི དཱི་པེ་ནྟི ཏེ, བྷི་ཀྑ་ཝེ, བྷི་ཀྑཱུ བ་ཧུ་ཛ་ན་ཨ་ཧི་ཏཱ་ཡ པ་ཊི་པ་ནྣཱ བ་ཧུ་ཛ་ན་ཨ་སུ་ཁཱ་ཡ, བ་ཧུ་ནོ ཛ་ན་སྶ ཨ་ན་ཏྠཱ་ཡ ཨ་ཧི་ཏཱ་ཡ དུ་ཀྑཱ་ཡ དེ་ཝ་མ་ནུ་སྶཱ་ནཾ. བ་ཧུ་ཉྩ ཏེ, བྷི་ཀྑ་ཝེ, བྷི་ཀྑཱུ ཨ་པུ་ཉྙཾ པ་ས་ཝ་ནྟི, ཏེ ཙི་མཾ ས་དྡྷ་མྨཾ ཨ་ནྟ་ར་དྷཱ་པེ་ནྟཱི’’ཏི. དུ་ཏི་ཡཾ.

༡༥༢-༡༥༩. ‘‘ཡེ ཏེ, བྷི་ཀྑ་ཝེ, བྷི་ཀྑཱུ ལ་ཧུ་ཀཾ ཨཱ་པ་ཏྟིཾ ག་རུ་ཀཱ ཨཱ་པ་ཏྟཱི་ཏི དཱི་པེ་ནྟི…པེ… ག་རུ་ཀཾ ཨཱ་པ་ཏྟིཾ ལ་ཧུ་ཀཱ ཨཱ་པ་ཏྟཱི་ཏི དཱི་པེ་ནྟི…པེ… དུ་ཊྛུ་ལླཾ ཨཱ་པ་ཏྟིཾ ཨ་དུ་ཊྛུ་ལླཱ ཨཱ་པ་ཏྟཱི་ཏི དཱི་པེ་ནྟི…པེ… ཨ་དུ་ཊྛུ་ལླཾ ཨཱ་པ་ཏྟིཾ དུ་ཊྛུ་ལླཱ ཨཱ་པ་ཏྟཱི་ཏི དཱི་པེ་ནྟི…པེ… སཱ་ཝ་སེ་སཾ ཨཱ་པ་ཏྟིཾ ཨ་ན་ཝ་སེ་སཱ ཨཱ་པ་ཏྟཱི་ཏི དཱི་པེ་ནྟི…པེ… ཨ་ན་ཝ་སེ་སཾ ཨཱ་པ་ཏྟིཾ སཱ་ཝ་སེ་སཱ ཨཱ་པ་ཏྟཱི་ཏི དཱི་པེ་ནྟི…པེ… ས་པྤ་ཊི་ཀ་མྨཾ ཨཱ་པ་ཏྟིཾ ཨ་པྤ་ཊི་ཀ་མྨཱ ཨཱ་པ་ཏྟཱི་ཏི དཱི་པེ་ནྟི…པེ… ཨ་པྤ་ཊི་ཀ་མྨཾ ཨཱ་པ་ཏྟིཾ ས་པྤ་ཊི་ཀ་མྨཱ ཨཱ་པ་ཏྟཱི་ཏི དཱི་པེ་ནྟི ཏེ, བྷི་ཀྑ་ཝེ, བྷི་ཀྑཱུ བ་ཧུ་ཛ་ན་ཨ་ཧི་ཏཱ་ཡ པ་ཊི་པ་ནྣཱ བ་ཧུ་ཛ་ན་ཨ་སུ་ཁཱ་ཡ, བ་ཧུ་ནོ ཛ་ན་སྶ ཨ་ན་ཏྠཱ་ཡ ཨ་ཧི་ཏཱ་ཡ དུ་ཀྑཱ་ཡ དེ་ཝ་མ་ནུ་སྶཱ་ནཾ. བ་ཧུ་ཉྩ ཏེ, བྷི་ཀྑ་ཝེ, བྷི་ཀྑཱུ ཨ་པུ་ཉྙཾ པ་ས་ཝ་ནྟི, ཏེ ཙི་མཾ ས་དྡྷ་མྨཾ ཨ་ནྟ་ར་དྷཱ་པེ་ནྟཱི’’ཏི. ད་ས་མཾ.

༡༦༠. ‘‘ཡེ ཏེ, བྷི་ཀྑ་ཝེ, བྷི་ཀྑཱུ ཨ་ནཱ་པ་ཏྟིཾ ཨ་ནཱ་པ་ཏྟཱི་ཏི དཱི་པེ་ནྟི ཏེ, བྷི་ཀྑ་ཝེ, བྷི་ཀྑཱུ བ་ཧུ་ཛ་ན་ཧི་ཏཱ་ཡ པ་ཊི་པ་ནྣཱ བ་ཧུ་ཛ་ན་སུ་ཁཱ་ཡ, བ་ཧུ་ནོ ཛ་ན་སྶ ཨ་ཏྠཱ་ཡ ཧི་ཏཱ་ཡ སུ་ཁཱ་ཡ དེ་ཝ་མ་ནུ་སྶཱ་ནཾ. བ་ཧུ་ཉྩ ཏེ, བྷི་ཀྑ་ཝེ, བྷི་ཀྑཱུ པུ་ཉྙཾ པ་ས་ཝ་ནྟི, ཏེ ཙི་མཾ ས་དྡྷ་མྨཾ ཋ་པེ་ནྟཱི’’ཏི. ཨེ་ཀཱ་ད་ས་མཾ.

༡༦༡. ‘‘ཡེ ཏེ, བྷི་ཀྑ་ཝེ, བྷི་ཀྑཱུ ཨཱ་པ་ཏྟིཾ ཨཱ་པ་ཏྟཱི་ཏི དཱི་པེ་ནྟི ཏེ, བྷི་ཀྑ་ཝེ, བྷི་ཀྑཱུ བ་ཧུ་ཛ་ན་ཧི་ཏཱ་ཡ པ་ཊི་པ་ནྣཱ བ་ཧུ་ཛ་ན་སུ་ཁཱ་ཡ, བ་ཧུ་ནོ ཛ་ན་སྶ ཨ་ཏྠཱ་ཡ ཧི་ཏཱ་ཡ སུ་ཁཱ་ཡ དེ་ཝ་མ་ནུ་སྶཱ་ནཾ. བ་ཧུ་ཉྩ ཏེ, བྷི་ཀྑ་ཝེ, བྷི་ཀྑཱུ པུ་ཉྙཾ པ་ས་ཝ་ནྟི, ཏེ ཙི་མཾ ས་དྡྷ་མྨཾ ཋ་པེ་ནྟཱི’’ཏི. དྭཱ་ད་ས་མཾ.