༡༦. ཨེ་ཀ་དྷ་མྨ་པཱ་ལི༹
༡. པ་ཋ་མ་ཝ་གྒོ
༢༩༦. ‘‘ཨེ་ཀ་དྷ་མྨོ, བྷི་ཀྑ་ཝེ, བྷཱ་ཝི་ཏོ བ་ཧུ་ལཱི་ཀ་ཏོ ཨེ་ཀ་ནྟ་ནི་བྦི་དཱ་ཡ ཝི་རཱ་གཱ་ཡ ནི་རོ་དྷཱ་ཡ ཨུ་པ་ས་མཱ་ཡ ཨ་བྷི་ཉྙཱ་ཡ ས་མྦོ་དྷཱ་ཡ ནི་བྦཱ་ནཱ་ཡ སཾ་ཝ་ཏྟ་ཏི. ཀ་ཏ་མོ ཨེ་ཀ་དྷ་མྨོ? བུ་དྡྷཱ་ནུ་སྶ་ཏི. ཨ་ཡཾ ཁོ, བྷི་ཀྑ་ཝེ, ཨེ་ཀ་དྷ་མྨོ བྷཱ་ཝི་ཏོ བ་ཧུ་ལཱི་ཀ་ཏོ ཨེ་ཀ་ནྟ་ནི་བྦི་དཱ་ཡ ཝི་རཱ་གཱ་ཡ ནི་རོ་དྷཱ་ཡ ཨུ་པ་ས་མཱ་ཡ ཨ་བྷི་ཉྙཱ་ཡ ས་མྦོ་དྷཱ་ཡ ནི་བྦཱ་ནཱ་ཡ སཾ་ཝ་ཏྟ་ཏཱི’’ཏི.
༢༩༧. ‘‘ཨེ་ཀ་དྷ་མྨོ, བྷི་ཀྑ་ཝེ, བྷཱ་ཝི་ཏོ བ་ཧུ་ལཱི་ཀ་ཏོ ཨེ་ཀ་ནྟ་ནི་བྦི་དཱ་ཡ ཝི་རཱ་གཱ་ཡ ནི་རོ་དྷཱ་ཡ ཨུ་པ་ས་མཱ་ཡ ཨ་བྷི་ཉྙཱ་ཡ ས་མྦོ་དྷཱ་ཡ ནི་བྦཱ་ནཱ་ཡ སཾ་ཝ་ཏྟ་ཏི. ཀ་ཏ་མོ ཨེ་ཀ་དྷ་མྨོ? དྷ་མྨཱ་ནུ་སྶ་ཏི…པེ… ས་ངྒྷཱ་ནུ་སྶ་ཏི… སཱི་ལཱ་ནུ་སྶ་ཏི… ཙཱ་གཱ་ནུ་སྶ་ཏི… དེ་ཝ་ཏཱ་ནུ་སྶ་ཏི… ཨཱ་ནཱ་པཱ་ན་སྶ་ཏི… མ་ར་ཎ་སྶ་ཏི… ཀཱ་ཡ་ག་ཏཱ་ས་ཏི… ཨུ་པ་ས་མཱ་ནུ་སྶ་ཏི. ཨ་ཡཾ ཁོ, བྷི་ཀྑ་ཝེ, ཨེ་ཀ་དྷ་མྨོ བྷཱ་ཝི་ཏོ བ་ཧུ་ལཱི་ཀ་ཏོ ཨེ་ཀ་ནྟ་ནི་བྦི་དཱ་ཡ ཝི་རཱ་གཱ་ཡ ནི་རོ་དྷཱ་ཡ ཨུ་པ་ས་མཱ་ཡ ཨ་བྷི་ཉྙཱ་ཡ ས་མྦོ་དྷཱ་ཡ ནི་བྦཱ་ནཱ་ཡ སཾ་ཝ་ཏྟ་ཏཱི’’ཏི.
ཝ་གྒོ པ་ཋ་མོ.
༢. དུ་ཏི་ཡ་ཝ་གྒོ
༢༩༨. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ ཨ་ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཝཱ ཨ་ཀུ་ས་ལཱ དྷ་མྨཱ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ སཾ་ཝ་ཏྟ་ནྟི ཡ་ཐ་ཡི་དཾ, བྷི་ཀྑ་ཝེ, མི་ཙྪཱ་དི་ཊྛི. མི་ཙྪཱ་དི་ཊྛི་ཀ་སྶ, བྷི་ཀྑ་ཝེ, ཨ་ནུ་པྤ་ནྣཱ ཙེ་ཝ ཨ་ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཙ ཨ་ཀུ་ས་ལཱ དྷ་མྨཱ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ སཾ་ཝ་ཏྟ་ནྟཱི’’ཏི.
༢༩༩. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཝཱ ཀུ་ས་ལཱ དྷ་མྨཱ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ སཾ་ཝ་ཏྟ་ནྟི ཡ་ཐ་ཡི་དཾ, བྷི་ཀྑ་ཝེ, ས་མྨཱ་དི་ཊྛི. ས་མྨཱ་དི་ཊྛི་ཀ་སྶ, བྷི་ཀྑ་ཝེ, ཨ་ནུ་པྤ་ནྣཱ ཙེ་ཝ ཀུ་ས་ལཱ དྷ་མྨཱ ཨུ་པྤ་ཛྫ་ནྟི ཨུ་པྤ་ནྣཱ ཙ ཀུ་ས་ལཱ དྷ་མྨཱ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ སཾ་ཝ་ཏྟ་ནྟཱི’’ཏི.
༣༠༠. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ ཀུ་ས་ལཱ དྷ་མྨཱ ནུ་པྤ་ཛྫ་ནྟི ཨུ་པྤ་ནྣཱ ཝཱ ཀུ་ས་ལཱ དྷ་མྨཱ པ་རི་ཧཱ་ཡ་ནྟི ཡ་ཐ་ཡི་དཾ, བྷི་ཀྑ་ཝེ, མི་ཙྪཱ་དི་ཊྛི. མི་ཙྪཱ་དི་ཊྛི་ཀ་སྶ, བྷི་ཀྑ་ཝེ, ཨ་ནུ་པྤ་ནྣཱ ཙེ་ཝ ཀུ་ས་ལཱ དྷ་མྨཱ ནུ་པྤ་ཛྫ་ནྟི ཨུ་པྤ་ནྣཱ ཙ ཀུ་ས་ལཱ དྷ་མྨཱ པ་རི་ཧཱ་ཡ་ནྟཱི’’ཏི.
༣༠༡. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ ཨ་ཀུ་ས་ལཱ དྷ་མྨཱ ནུ་པྤ་ཛྫ་ནྟི ཨུ་པྤ་ནྣཱ ཝཱ ཨ་ཀུ་ས་ལཱ དྷ་མྨཱ པ་རི་ཧཱ་ཡ་ནྟི ཡ་ཐ་ཡི་དཾ, བྷི་ཀྑ་ཝེ, ས་མྨཱ་དི་ཊྛི. ས་མྨཱ་དི་ཊྛི་ཀ་སྶ, བྷི་ཀྑ་ཝེ, ཨ་ནུ་པྤ་ནྣཱ ཙེ་ཝ ཨ་ཀུ་ས་ལཱ དྷ་མྨཱ ནུ་པྤ་ཛྫ་ནྟི ཨུ་པྤ་ནྣཱ ཙ ཨ་ཀུ་ས་ལཱ དྷ་མྨཱ པ་རི་ཧཱ་ཡ་ནྟཱི’’ཏི.
༣༠༢. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ མི་ཙྪཱ་དི་ཊྛི ཨུ་པྤ་ཛྫ་ཏི ཨུ་པྤ་ནྣཱ ཝཱ མི་ཙྪཱ་དི་ཊྛི པ་ཝ་ཌྜྷ་ཏི ཡ་ཐ་ཡི་དཾ, བྷི་ཀྑ་ཝེ, ཨ་ཡོ་ནི་སོ་མ་ན་སི་ཀཱ་རོ. ཨ་ཡོ་ནི་སོ, བྷི་ཀྑ་ཝེ, མ་ན་སི ཀ་རོ་ཏོ ཨ་ནུ་པྤ་ནྣཱ ཙེ་ཝ མི་ཙྪཱ་དི་ཊྛི ཨུ་པྤ་ཛྫ་ཏི ཨུ་པྤ་ནྣཱ ཙ མི་ཙྪཱ་དི་ཊྛི པ་ཝ་ཌྜྷ་ཏཱི’’ཏི.
༣༠༣. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ཨ་ནུ་པྤ་ནྣཱ ཝཱ ས་མྨཱ་དི་ཊྛི ཨུ་པྤ་ཛྫ་ཏི ཨུ་པྤ་ནྣཱ ཝཱ ས་མྨཱ་དི་ཊྛི པ་ཝ་ཌྜྷ་ཏི ཡ་ཐ་ཡི་དཾ, བྷི་ཀྑ་ཝེ, ཡོ་ནི་སོ་མ་ན་སི་ཀཱ་རོ. ཡོ་ནི་སོ, བྷི་ཀྑ་ཝེ, མ་ན་སི ཀ་རོ་ཏོ ཨ་ནུ་པྤ་ནྣཱ ཙེ་ཝ ས་མྨཱ་དི་ཊྛི ཨུ་པྤ་ཛྫ་ཏི ཨུ་པྤ་ནྣཱ ཙ ས་མྨཱ་དི་ཊྛི པ་ཝ་ཌྜྷ་ཏཱི’’ཏི.
༣༠༤. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན [ཡེ་ནེ་ཝཾ (སཱི. སྱཱ. ཀཾ. པཱི.)] ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ ཨ་པཱ་ཡཾ དུ་གྒ་ཏིཾ ཝི་ནི་པཱ་ཏཾ ནི་ར་ཡཾ ཨུ་པ་པ་ཛྫ་ནྟི ཡ་ཐ་ཡི་དཾ, བྷི་ཀྑ་ཝེ, མི་ཙྪཱ་དི་ཊྛི. མི་ཙྪཱ་དི་ཊྛི་ཡཱ, བྷི་ཀྑ་ཝེ, ས་མ་ནྣཱ་ག་ཏཱ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ ཨ་པཱ་ཡཾ དུ་གྒ་ཏིཾ ཝི་ནི་པཱ་ཏཾ ནི་ར་ཡཾ ཨུ་པ་པ་ཛྫ་ནྟཱི’’ཏི.
༣༠༥. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡེ་ན ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི ཡ་ཐ་ཡི་དཾ, བྷི་ཀྑ་ཝེ, ས་མྨཱ་དི་ཊྛི. ས་མྨཱ་དི་ཊྛི་ཡཱ, བྷི་ཀྑ་ཝེ, ས་མ་ནྣཱ་ག་ཏཱ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟཱི’’ཏི.
༣༠༦. ‘‘མི་ཙྪཱ་དི་ཊྛི་ཀ་སྶ, བྷི་ཀྑ་ཝེ, པུ་རི་ས་པུ་གྒ་ལ་སྶ ཡ་ཉྩེ་ཝ ཀཱ་ཡ་ཀ་མྨཾ ཡ་ཐཱ་དི་ཊྛི ས་མ་ཏྟཾ ས་མཱ་དི་ནྣཾ ཡ་ཉྩ ཝ་ཙཱི་ཀ་མྨཾ…པེ… ཡ་ཉྩ མ་ནོ་ཀ་མྨཾ ཡ་ཐཱ་དི་ཊྛི ས་མ་ཏྟཾ ས་མཱ་དི་ནྣཾ ཡཱ ཙ ཙེ་ཏ་ནཱ ཡཱ ཙ པ་ཏྠ་ནཱ ཡོ ཙ པ་ཎི་དྷི ཡེ ཙ ས་ངྑཱ་རཱ ས་བྦེ ཏེ དྷ་མྨཱ ཨ་ནི་ཊྛཱ་ཡ ཨ་ཀ་ནྟཱ་ཡ ཨ་མ་ནཱ་པཱ་ཡ ཨ་ཧི་ཏཱ་ཡ དུ་ཀྑཱ་ཡ སཾ་ཝ་ཏྟ་ནྟི. ཏཾ ཀི་སྶ ཧེ་ཏུ? དི་ཊྛི ཧི་སྶ [དི་ཊྛི ཧི (སཱི. སྱཱ. ཀཾ. པཱི.)], བྷི་ཀྑ་ཝེ, པཱ་པི་ཀཱ. སེ་ཡྻ་ཐཱ་པི, བྷི་ཀྑ་ཝེ, ནི་མྦ་བཱི་ཛཾ ཝཱ ཀོ་སཱ་ཏ་ཀི་བཱི་ཛཾ ཝཱ ཏི་ཏྟ་ཀ་ལཱ་བུ་བཱི་ཛཾ ཝཱ ཨ་ལླཱ་ཡ པ་ཐ་ཝི་ཡཱ [པ་ཋ་ཝི་ཡཱ (སཱི. སྱཱ. ཀཾ. པཱི.)] ནི་ཀྑི་ཏྟཾ ཡ་ཉྩེ་ཝ པ་ཐ་ཝི་ར་སཾ ཨུ་པཱ་དི་ཡ་ཏི ཡ་ཉྩ ཨཱ་པོ་ར་སཾ ཨུ་པཱ་དི་ཡ་ཏི ས་བྦཾ ཏཾ ཏི་ཏྟ་ཀ་ཏྟཱ་ཡ ཀ་ཊུ་ཀ་ཏྟཱ་ཡ ཨ་སཱ་ཏ་ཏྟཱ་ཡ སཾ་ཝ་ཏྟ་ཏི. ཏཾ ཀི་སྶ ཧེ་ཏུ? བཱི་ཛཾ ཧི་སྶ [ཝཱི་ཛཾ (སཱི. སྱཱ. ཀཾ. པཱི.)], བྷི་ཀྑ་ཝེ, པཱ་པ་ཀཾ. ཨེ་ཝ་མེ་ཝཾ ཁོ, བྷི་ཀྑ་ཝེ, མི་ཙྪཱ་དི་ཊྛི་ཀ་སྶ པུ་རི་ས་པུ་གྒ་ལ་སྶ ཡ་ཉྩེ་ཝ ཀཱ་ཡ་ཀ་མྨཾ ཡ་ཐཱ་དི་ཊྛི ས་མ་ཏྟཾ ས་མཱ་དི་ནྣཾ ཡ་ཉྩ ཝ་ཙཱི་ཀ་མྨཾ…པེ… ཡ་ཉྩ མ་ནོ་ཀ་མྨཾ ཡ་ཐཱ་དི་ཊྛི ས་མ་ཏྟཾ ས་མཱ་དི་ནྣཾ ཡཱ ཙ ཙེ་ཏ་ནཱ ཡཱ ཙ པ་ཏྠ་ནཱ ཡོ ཙ པ་ཎི་དྷི ཡེ ཙ ས་ངྑཱ་རཱ ས་བྦེ ཏེ དྷ་མྨཱ ཨ་ནི་ཊྛཱ་ཡ ཨ་ཀ་ནྟཱ་ཡ ཨ་མ་ནཱ་པཱ་ཡ ཨ་ཧི་ཏཱ་ཡ དུ་ཀྑཱ་ཡ སཾ་ཝ་ཏྟ་ནྟི. ཏཾ ཀི་སྶ ཧེ་ཏུ? དི་ཊྛི ཧི་སྶ, བྷི་ཀྑ་ཝེ, པཱ་པི་ཀཱ’’ཏི.
༣༠༧. ‘‘ས་མྨཱ་དི་ཊྛི་ཀ་སྶ, བྷི་ཀྑ་ཝེ, པུ་རི་ས་པུ་གྒ་ལ་སྶ ཡ་ཉྩེ་ཝ ཀཱ་ཡ་ཀ་མྨཾ ཡ་ཐཱ་དི་ཊྛི ས་མ་ཏྟཾ ས་མཱ་དི་ནྣཾ ཡ་ཉྩ ཝ་ཙཱི་ཀ་མྨཾ…པེ… ཡ་ཉྩ མ་ནོ་ཀ་མྨཾ ཡ་ཐཱ་དི་ཊྛི ས་མ་ཏྟཾ ས་མཱ་དི་ནྣཾ ཡཱ ཙ ཙེ་ཏ་ནཱ ཡཱ ཙ པ་ཏྠ་ནཱ ཡོ ཙ པ་ཎི་དྷི ཡེ ཙ ས་ངྑཱ་རཱ ས་བྦེ ཏེ དྷ་མྨཱ ཨི་ཊྛཱ་ཡ ཀ་ནྟཱ་ཡ མ་ནཱ་པཱ་ཡ ཧི་ཏཱ་ཡ སུ་ཁཱ་ཡ སཾ་ཝ་ཏྟ་ནྟི. ཏཾ ཀི་སྶ ཧེ་ཏུ? དི་ཊྛི ཧི་སྶ, བྷི་ཀྑ་ཝེ, བྷ་དྡི་ཀཱ. སེ་ཡྻ་ཐཱ་པི, བྷི་ཀྑ་ཝེ, ཨུ་ཙྪུ་བཱི་ཛཾ ཝཱ སཱ་ལི་བཱི་ཛཾ ཝཱ མུ་དྡི་ཀཱ་བཱི་ཛཾ ཝཱ ཨ་ལླཱ་ཡ པ་ཐ་ཝི་ཡཱ ནི་ཀྑི་ཏྟཾ ཡ་ཉྩེ་ཝ པ་ཐ་ཝི་ར་སཾ ཨུ་པཱ་དི་ཡ་ཏི ཡ་ཉྩ ཨཱ་པོ་ར་སཾ ཨུ་པཱ་དི་ཡ་ཏི ས་བྦཾ ཏཾ མ་དྷུ་ར་ཏྟཱ་ཡ སཱ་ཏ་ཏྟཱ་ཡ ཨ་སེ་ཙ་ན་ཀ་ཏྟཱ་ཡ སཾ་ཝ་ཏྟ་ཏི. ཏཾ ཀི་སྶ ཧེ་ཏུ? བཱི་ཛཾ ཧི་སྶ, བྷི་ཀྑ་ཝེ, བྷ་དྡ་ཀཾ. ཨེ་ཝ་མེ་ཝཾ ཁོ, བྷི་ཀྑ་ཝེ, ས་མྨཱ་དི་ཊྛི་ཀ་སྶ པུ་རི་ས་པུ་གྒ་ལ་སྶ ཡ་ཉྩེ་ཝ ཀཱ་ཡ་ཀ་མྨཾ ཡ་ཐཱ་དི་ཊྛི ས་མ་ཏྟཾ ས་མཱ་དི་ནྣཾ ཡ་ཉྩ ཝ་ཙཱི་ཀ་མྨཾ…པེ… ཡ་ཉྩ མ་ནོ་ཀ་མྨཾ ཡ་ཐཱ་དི་ཊྛི ས་མ་ཏྟཾ ས་མཱ་དི་ནྣཾ ཡཱ ཙ ཙེ་ཏ་ནཱ ཡཱ ཙ པ་ཏྠ་ནཱ ཡོ ཙ པ་ཎི་དྷི ཡེ ཙ ས་ངྑཱ་རཱ ས་བྦེ ཏེ དྷ་མྨཱ ཨི་ཊྛཱ་ཡ ཀ་ནྟཱ་ཡ མ་ནཱ་པཱ་ཡ ཧི་ཏཱ་ཡ སུ་ཁཱ་ཡ སཾ་ཝ་ཏྟ་ནྟི. ཏཾ ཀི་སྶ ཧེ་ཏུ? དི་ཊྛི ཧི་སྶ, བྷི་ཀྑ་ཝེ, བྷ་དྡི་ཀཱ’’ཏི.
ཝ་གྒོ དུ་ཏི་ཡོ.
༣. ཏ་ཏི་ཡ་ཝ་གྒོ
༣༠༨. ‘‘ཨེ་ཀ་པུ་གྒ་ལོ, བྷི་ཀྑ་ཝེ, ལོ་ཀེ ཨུ་པྤ་ཛྫ་མཱ་ནོ ཨུ་པྤ་ཛྫ་ཏི བ་ཧུ་ཛ་ན་ཨ་ཧི་ཏཱ་ཡ བ་ཧུ་ཛ་ན་ཨ་སུ་ཁཱ་ཡ, བ་ཧུ་ནོ ཛ་ན་སྶ ཨ་ན་ཏྠཱ་ཡ ཨ་ཧི་ཏཱ་ཡ དུ་ཀྑཱ་ཡ དེ་ཝ་མ་ནུ་སྶཱ་ནཾ. ཀ་ཏ་མོ ཨེ་ཀ་པུ་གྒ་ལོ? མི་ཙྪཱ་དི་ཊྛི་ཀོ ཧོ་ཏི ཝི་པ་རཱི་ཏ་ད་སྶ་ནོ. སོ བ་ཧུ་ཛ་ནཾ ས་དྡྷ་མྨཱ ཝུ་ཊྛཱ་པེ་ཏྭཱ ཨ་ས་དྡྷ་མྨེ པ་ཏི་ཊྛཱ་པེ་ཏི. ཨ་ཡཾ ཁོ, བྷི་ཀྑ་ཝེ, ཨེ་ཀ་པུ་གྒ་ལོ ལོ་ཀེ ཨུ་པྤ་ཛྫ་མཱ་ནོ ཨུ་པྤ་ཛྫ་ཏི བ་ཧུ་ཛ་ན་ཨ་ཧི་ཏཱ་ཡ བ་ཧུ་ཛ་ན་ཨ་སུ་ཁཱ་ཡ, བ་ཧུ་ནོ ཛ་ན་སྶ ཨ་ན་ཏྠཱ་ཡ ཨ་ཧི་ཏཱ་ཡ དུ་ཀྑཱ་ཡ དེ་ཝ་མ་ནུ་སྶཱ་ན’’ནྟི.
༣༠༩. ‘‘ཨེ་ཀ་པུ་གྒ་ལོ, བྷི་ཀྑ་ཝེ, ལོ་ཀེ ཨུ་པྤ་ཛྫ་མཱ་ནོ ཨུ་པྤ་ཛྫ་ཏི བ་ཧུ་ཛ་ན་ཧི་ཏཱ་ཡ བ་ཧུ་ཛ་ན་སུ་ཁཱ་ཡ, བ་ཧུ་ནོ ཛ་ན་སྶ ཨ་ཏྠཱ་ཡ ཧི་ཏཱ་ཡ སུ་ཁཱ་ཡ དེ་ཝ་མ་ནུ་སྶཱ་ནཾ. ཀ་ཏ་མོ ཨེ་ཀ་པུ་གྒ་ལོ? ས་མྨཱ་དི་ཊྛི་ཀོ ཧོ་ཏི ཨ་ཝི་པ་རཱི་ཏ་ད་སྶ་ནོ. སོ བ་ཧུ་ཛ་ནཾ ཨ་ས་དྡྷ་མྨཱ ཝུ་ཊྛཱ་པེ་ཏྭཱ ས་དྡྷ་མྨེ པ་ཏི་ཊྛཱ་པེ་ཏི. ཨ་ཡཾ ཁོ, བྷི་ཀྑ་ཝེ, ཨེ་ཀ་པུ་གྒ་ལོ ལོ་ཀེ ཨུ་པ་པ་ཛྫ་མཱ་ནོ ཨུ་པྤ་ཛྫ་ཏི བ་ཧུ་ཛ་ན་ཧི་ཏཱ་ཡ བ་ཧུ་ཛ་ན་སུ་ཁཱ་ཡ, བ་ཧུ་ནོ ཛ་ན་སྶ ཨ་ཏྠཱ་ཡ ཧི་ཏཱ་ཡ སུ་ཁཱ་ཡ དེ་ཝ་མ་ནུ་སྶཱ་ན’’ནྟི.
༣༡༠. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི ཡཾ ཨེ་ཝཾ མ་ཧཱ་སཱ་ཝ་ཛྫཾ ཡ་ཐ་ཡི་དཾ, བྷི་ཀྑ་ཝེ, མི་ཙྪཱ་དི་ཊྛི. མི་ཙྪཱ་དི་ཊྛི་པ་ར་མཱ་ནི, བྷི་ཀྑ་ཝེ, མ་ཧཱ་སཱ་ཝ་ཛྫཱ་ནཱི’’ཏི [ཝ་ཛྫཱ་ནཱི་ཏི (སཱི. སྱཱ. ཀཾ.)].
༣༡༡. ‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་པུ་གྒ་ལ་མྤི ས་མ་ནུ་པ་སྶཱ་མི ཡོ ཨེ་ཝཾ བ་ཧུ་ཛ་ན་ཨ་ཧི་ཏཱ་ཡ པ་ཊི་པ་ནྣོ བ་ཧུ་ཛ་ན་ཨ་སུ་ཁཱ་ཡ, བ་ཧུ་ནོ ཛ་ན་སྶ ཨ་ན་ཏྠཱ་ཡ ཨ་ཧི་ཏཱ་ཡ དུ་ཀྑཱ་ཡ དེ་ཝ་མ་ནུ་སྶཱ་ནཾ ཡ་ཐ་ཡི་དཾ, བྷི་ཀྑ་ཝེ, མ་ཀྑ་ལི མོ་གྷ་པུ་རི་སོ. སེ་ཡྻ་ཐཱ་པི, བྷི་ཀྑ་ཝེ, ན་དཱི་མུ་ཁེ ཁི་པྤཾ [ཁི་པཾ (སཱི. སྱཱ. ཀཾ. པཱི.)] ཨུ་ཌྜེ་ཡྻ [ཨོ་ཌྜེ་ཡྻ (སཱི.), ཨུ་ཛ྄ཛྷེ་ཡྻ (ཀ.)] བ་ཧཱུ་ནཾ མ་ཙྪཱ་ནཾ ཨ་ཧི་ཏཱ་ཡ དུ་ཀྑཱ་ཡ ཨ་ན་ཡཱ་ཡ བྱ་ས་ནཱ་ཡ; ཨེ་ཝ་མེ་ཝཾ ཁོ, བྷི་ཀྑ་ཝེ, མ་ཀྑ་ལི མོ་གྷ་པུ་རི་སོ མ་ནུ་སྶ་ཁི་པྤཾ མ་ཉྙེ ལོ་ཀེ ཨུ་པྤ་ནྣོ བ་ཧཱུ་ནཾ ས་ཏྟཱ་ནཾ ཨ་ཧི་ཏཱ་ཡ དུ་ཀྑཱ་ཡ ཨ་ན་ཡཱ་ཡ བྱ་ས་ནཱ་ཡཱ’’ཏི.
༣༡༢. ‘‘དུ་ར་ཀྑཱ་ཏེ, བྷི་ཀྑ་ཝེ, དྷ་མྨ་ཝི་ན་ཡེ ཡོ ཙ ས་མཱ་ད་པེ་ཏི [ས་མཱ་དཱ་པེ་ཏི (?)] ཡ་ཉྩ ས་མཱ་ད་པེ་ཏི ཡོ ཙ ས་མཱ་ད་པི་ཏོ ཏ་ཐ་ཏྟཱ་ཡ པ་ཊི་པ་ཛྫ་ཏི ས་བྦེ ཏེ བ་ཧུཾ ཨ་པུ་ཉྙཾ པ་ས་ཝ་ནྟི. ཏཾ ཀི་སྶ ཧེ་ཏུ? དུ་ར་ཀྑཱ་ཏ་ཏྟཱ, བྷི་ཀྑ་ཝེ, དྷ་མྨ་སྶཱ’’ཏི.
༣༡༣. ‘‘སྭཱ་ཀྑཱ་ཏེ, བྷི་ཀྑ་ཝེ, དྷ་མྨ་ཝི་ན་ཡེ ཡོ ཙ ས་མཱ་ད་པེ་ཏི ཡ་ཉྩ ས་མཱ་ད་པེ་ཏི ཡོ ཙ ས་མཱ་ད་པི་ཏོ ཏ་ཐ་ཏྟཱ་ཡ པ་ཊི་པ་ཛྫ་ཏི ས་བྦེ ཏེ བ་ཧུཾ པུ་ཉྙཾ པ་ས་ཝ་ནྟི. ཏཾ ཀི་སྶ ཧེ་ཏུ? སྭཱ་ཀྑཱ་ཏ་ཏྟཱ, བྷི་ཀྑ་ཝེ, དྷ་མྨ་སྶཱ’’ཏི.
༣༡༤. ‘‘དུ་ར་ཀྑཱ་ཏེ, བྷི་ཀྑ་ཝེ, དྷ་མྨ་ཝི་ན་ཡེ དཱ་ཡ་ཀེ་ན མ་ཏྟཱ ཛཱ་ནི་ཏ་བྦཱ, ནོ པ་ཊི་གྒཱ་ཧ་ཀེ་ན. ཏཾ ཀི་སྶ ཧེ་ཏུ? དུ་ར་ཀྑཱ་ཏ་ཏྟཱ, བྷི་ཀྑ་ཝེ, དྷ་མྨ་སྶཱ’’ཏི.
༣༡༥. ‘‘སྭཱ་ཀྑཱ་ཏེ, བྷི་ཀྑ་ཝེ, དྷ་མྨ་ཝི་ན་ཡེ པ་ཊི་གྒཱ་ཧ་ཀེ་ན མ་ཏྟཱ ཛཱ་ནི་ཏ་བྦཱ, ནོ དཱ་ཡ་ཀེ་ན. ཏཾ ཀི་སྶ ཧེ་ཏུ? སྭཱ་ཀྑཱ་ཏ་ཏྟཱ, བྷི་ཀྑ་ཝེ, དྷ་མྨ་སྶཱ’’ཏི.
༣༡༦. ‘‘དུ་ར་ཀྑཱ་ཏེ, བྷི་ཀྑ་ཝེ, དྷ་མྨ་ཝི་ན་ཡེ ཡོ ཨཱ་ར་དྡྷ་ཝཱི་རི་ཡོ སོ དུ་ཀྑཾ ཝི་ཧ་ར་ཏི. ཏཾ ཀི་སྶ ཧེ་ཏུ? དུ་ར་ཀྑཱ་ཏ་ཏྟཱ, བྷི་ཀྑ་ཝེ, དྷ་མྨ་སྶཱ’’ཏི.
༣༡༧. ‘‘སྭཱ་ཀྑཱ་ཏེ, བྷི་ཀྑ་ཝེ, དྷ་མྨ་ཝི་ན་ཡེ ཡོ ཀུ་སཱི་ཏོ སོ དུ་ཀྑཾ ཝི་ཧ་ར་ཏི. ཏཾ ཀི་སྶ ཧེ་ཏུ? སྭཱ་ཀྑཱ་ཏ་ཏྟཱ, བྷི་ཀྑ་ཝེ, དྷ་མྨ་སྶཱ’’ཏི.
༣༡༨. ‘‘དུ་ར་ཀྑཱ་ཏེ, བྷི་ཀྑ་ཝེ, དྷ་མྨ་ཝི་ན་ཡེ ཡོ ཀུ་སཱི་ཏོ སོ སུ་ཁཾ ཝི་ཧ་ར་ཏི. ཏཾ ཀི་སྶ ཧེ་ཏུ? དུ་ར་ཀྑཱ་ཏ་ཏྟཱ, བྷི་ཀྑ་ཝེ, དྷ་མྨ་སྶཱ’’ཏི.
༣༡༩. ‘‘སྭཱ་ཀྑཱ་ཏེ, བྷི་ཀྑ་ཝེ, དྷ་མྨ་ཝི་ན་ཡེ ཡོ ཨཱ་ར་དྡྷ་ཝཱི་རི་ཡོ སོ སུ་ཁཾ ཝི་ཧ་ར་ཏི. ཏཾ ཀི་སྶ ཧེ་ཏུ? སྭཱ་ཀྑཱ་ཏ་ཏྟཱ, བྷི་ཀྑ་ཝེ, དྷ་མྨ་སྶཱ’’ཏི.
༣༢༠. ‘‘སེ་ཡྻ་ཐཱ་པི, བྷི་ཀྑ་ཝེ, ཨ་པྤ་མ་ཏྟ་ཀོ་པི གཱུ་ཐོ དུ་གྒ་ནྡྷོ ཧོ་ཏི; ཨེ་ཝ་མེ་ཝཾ ཁོ ཨ་ཧཾ, བྷི་ཀྑ་ཝེ, ཨ་པྤ་མ་ཏྟ་ཀ་མྤི བྷ་ཝཾ ན ཝ་ཎྞེ་མི, ཨ་ནྟ་མ་སོ ཨ་ཙྪ་རཱ་ས་ངྒྷཱ་ཏ་མ་ཏྟ་མྤི’’.
༣༢༡. ‘‘སེ་ཡྻ་ཐཱ་པི, བྷི་ཀྑ་ཝེ, ཨ་པྤ་མ་ཏྟ་ཀ་མྤི མུ་ཏྟཾ དུ་གྒ་ནྡྷཾ ཧོ་ཏི… ཨ་པྤ་མ་ཏྟ་ཀོ་པི ཁེ་ལོ༹ དུ་གྒ་ནྡྷོ ཧོ་ཏི… ཨ་པྤ་མ་ཏྟ་ཀོ་པི པུ་བྦོ དུ་གྒ་ནྡྷོ ཧོ་ཏི… ཨ་པྤ་མ་ཏྟ་ཀ་མྤི ལོ་ཧི་ཏཾ དུ་གྒ་ནྡྷཾ ཧོ་ཏི; ཨེ་ཝ་མེ་ཝཾ ཁོ ཨ་ཧཾ, བྷི་ཀྑ་ཝེ, ཨ་པྤ་མ་ཏྟ་ཀ་མྤི བྷ་ཝཾ ན ཝ་ཎྞེ་མི, ཨ་ནྟ་མ་སོ ཨ་ཙྪ་རཱ་ས་ངྒྷཱ་ཏ་མ་ཏྟ་མྤི’’.
ཝ་གྒོ ཏ་ཏི་ཡོ.
༤. ཙ་ཏུ་ཏྠ་ཝ་གྒོ
༣༢༢. ‘‘སེ་ཡྻ་ཐཱ་པི, བྷི་ཀྑ་ཝེ, ཨ་པྤ་མ་ཏྟ་ཀཾ ཨི་མ་སྨིཾ ཛ་མྦུ་དཱི་པེ ཨཱ་རཱ་མ་རཱ་མ་ཎེ་ཡྻ་ཀཾ ཝ་ན་རཱ་མ་ཎེ་ཡྻ་ཀཾ བྷཱུ་མི་རཱ་མ་ཎེ་ཡྻ་ཀཾ པོ་ཀྑ་ར་ཎི་རཱ་མ་ཎེ་ཡྻ་ཀཾ; ཨ་ཐ ཁོ ཨེ་ཏ་དེ་ཝ བ་ཧུ་ཏ་རཾ ཡ་དི་དཾ ཨུ་ཀྐཱུ་ལ་ཝི་ཀཱུ་ལཾ ན་དཱི་ཝི་དུ་གྒཾ ཁཱ་ཎུ་ཀ་ཎྚ་ཀ་ཊྛཱ་ནཾ [ཁཱ་ཎུ་ཀ་ཎྜ་ཀ་དྷཱ་ནཾ (སཱི. པཱི.)] པ་བྦ་ཏ་ཝི་ས་མཾ; ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ ཐ་ལ་ཛཱ, ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ ཨོ་ད་ཀཱ’’.
༣༢༣. … ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ མ་ནུ་སྶེ་སུ པ་ཙྩཱ་ཛཱ་ཡ་ནྟི; ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ ཨ་ཉྙ་ཏྲ མ་ནུ་སྶེ་ཧི པ་ཙྩཱ་ཛཱ་ཡ་ནྟི.
… ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ མ་ཛ྄ཛྷི་མེ་སུ ཛ་ན་པ་དེ་སུ པ་ཙྩཱ་ཛཱ་ཡ་ནྟི; ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ པ་ཙྩ་ནྟི་མེ་སུ ཛ་ན་པ་དེ་སུ པ་ཙྩཱ་ཛཱ་ཡ་ནྟི ཨ་ཝི་ཉྙཱ་ཏཱ་རེ་སུ མི་ལ་ཀྑེ་སུ [མི་ལ་ཀྑཱུ་སུ (ཀ.)].
༣༢༤. … ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ པ་ཉྙ་ཝ་ནྟོ ཨ་ཛ་ལཱ༹ ཨ་ནེ་ལ༹་མཱུ་གཱ པ་ཊི་བ་ལཱ སུ་བྷཱ་སི་ཏ་དུ་བྦྷཱ་སི་ཏ་སྶ ཨ་ཏྠ་མ་ཉྙཱ་ཏུཾ; ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ དུ་པྤ་ཉྙཱ ཛ་ལཱ༹ ཨེ་ལ༹་མཱུ་གཱ ན པ་ཊི་བ་ལཱ སུ་བྷཱ་སི་ཏ་དུ་བྦྷཱ་སི་ཏ་སྶ ཨ་ཏྠ་མ་ཉྙཱ་ཏུཾ.
༣༢༥. … ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ ཨ་རི་ཡེ་ན པ་ཉྙཱ་ཙ་ཀྑུ་ནཱ ས་མ་ནྣཱ་ག་ཏཱ; ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ ཨ་ཝི་ཛྫཱ་ག་ཏཱ ས་མྨཱུ་ལ༹ྷཱ.
༣༢༦. … ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ ལ་བྷ་ནྟི ཏ་ཐཱ་ག་ཏཾ ད་སྶ་ནཱ་ཡ; ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ ན ལ་བྷ་ནྟི ཏ་ཐཱ་ག་ཏཾ ད་སྶ་ནཱ་ཡ.
༣༢༧. … ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ ལ་བྷ་ནྟི ཏ་ཐཱ་ག་ཏ་པྤ་ཝེ་དི་ཏཾ དྷ་མྨ་ཝི་ན་ཡཾ ས་ཝ་ནཱ་ཡ; ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ ན ལ་བྷ་ནྟི ཏ་ཐཱ་ག་ཏ་པྤ་ཝེ་དི་ཏཾ དྷ་མྨ་ཝི་ན་ཡཾ ས་ཝ་ནཱ་ཡ.
༣༢༨. … ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ སུ་ཏྭཱ དྷ་མྨཾ དྷཱ་རེ་ནྟི; ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ སུ་ཏྭཱ དྷ་མྨཾ ན དྷཱ་རེ་ནྟི.
༣༢༩. … ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ དྷཱ་ཏཱ་ནཾ [དྷ་ཏཱ་ནཾ (སཱི. སྱཱ. ཀཾ. པཱི.)] དྷ་མྨཱ་ནཾ ཨ་ཏྠཾ ཨུ་པ་པ་རི་ཀྑ་ནྟི; ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ དྷཱ་ཏཱ་ནཾ དྷ་མྨཱ་ནཾ ཨ་ཏྠཾ ན ཨུ་པ་པ་རི་ཀྑ་ནྟི.
༣༣༠. … ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ ཨ་ཏྠ་མ་ཉྙཱ་ཡ དྷ་མྨ་མ་ཉྙཱ་ཡ དྷ་མྨཱ་ནུ་དྷ་མྨཾ པ་ཊི་པ་ཛྫ་ནྟི; ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ ཨ་ཏྠ་མ་ཉྙཱ་ཡ དྷ་མྨ་མ་ཉྙཱ་ཡ དྷ་མྨཱ་ནུ་དྷ་མྨཾ ན པ་ཊི་པ་ཛྫ་ནྟི.
༣༣༡. … ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ སཾ་ཝེ་ཛ་ནི་ཡེ་སུ ཋཱ་ནེ་སུ སཾ་ཝི་ཛྫ་ནྟི; ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ སཾ་ཝེ་ཛ་ནི་ཡེ་སུ ཋཱ་ནེ་སུ ན སཾ་ཝི་ཛྫ་ནྟི.
༣༣༢. … ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ སཾ་ཝི་གྒཱ ཡོ་ནི་སོ པ་ད་ཧ་ནྟི; ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ སཾ་ཝི་གྒཱ ཡོ་ནི་སོ ན པ་ད་ཧ་ནྟི.
༣༣༣. … ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ ཝ་ཝ་སྶ་གྒཱ་ར་མྨ་ཎཾ ཀ་རི་ཏྭཱ ལ་བྷ་ནྟི ས་མཱ་དྷིཾ [ཙི་ཏྟ་སྶ ས་མཱ་དྷིཾ (སཱི.)] ལ་བྷ་ནྟི ཙི་ཏྟ་སྶེ་ཀ་གྒ་ཏཾ [ཙི་ཏྟ་སྶེ་ཀ་གྒཾ (སཱི.)]; ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ ཝ་ཝ་སྶ་གྒཱ་ར་མྨ་ཎཾ ཀ་རི་ཏྭཱ ན ལ་བྷ་ནྟི ས་མཱ་དྷིཾ ན ལ་བྷ་ནྟི ཙི་ཏྟ་སྶེ་ཀ་གྒ་ཏཾ.
༣༣༤. … ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ ཨ་ནྣ་གྒ་ར་ས་གྒཱ་ནཾ ལཱ་བྷི་ནོ; ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ ཨ་ནྣ་གྒ་ར་ས་གྒཱ་ནཾ ན ལཱ་བྷི་ནོ, ཨུ་ཉྪེ་ན ཀ་པཱ་ལཱ་བྷ་ཏེ་ན ཡཱ་པེ་ནྟི.
༣༣༥. … ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ ཨ་ཏྠ་ར་ས་སྶ དྷ་མྨ་ར་ས་སྶ ཝི་མུ་ཏྟི་ར་ས་སྶ ལཱ་བྷི་ནོ; ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ ཨ་ཏྠ་ར་ས་སྶ དྷ་མྨ་ར་ས་སྶ ཝི་མུ་ཏྟི་ར་ས་སྶ ན ལཱ་བྷི་ནོ. ཏ་སྨཱ་ཏི་ཧ, བྷི་ཀྑ་ཝེ, ཨེ་ཝཾ སི་ཀྑི་ཏ་བྦཾ – ཨ་ཏྠ་ར་ས་སྶ དྷ་མྨ་ར་ས་སྶ ཝི་མུ་ཏྟི་ར་ས་སྶ ལཱ་བྷི་ནོ བྷ་ཝི་སྶཱ་མཱ་ཏི. ཨེ་ཝ་ཉྷི ཝོ, བྷི་ཀྑ་ཝེ, སི་ཀྑི་ཏ་བྦ་ནྟི.
༣༣༦-༣༣༨. ‘‘སེ་ཡྻ་ཐཱ་པི, བྷི་ཀྑ་ཝེ, ཨ་པྤ་མ་ཏྟ་ཀཾ ཨི་མ་སྨིཾ ཛ་མྦུ་དཱི་པེ ཨཱ་རཱ་མ་རཱ་མ་ཎེ་ཡྻ་ཀཾ ཝ་ན་རཱ་མ་ཎེ་ཡྻ་ཀཾ བྷཱུ་མི་རཱ་མ་ཎེ་ཡྻ་ཀཾ པོ་ཀྑ་ར་ཎི་རཱ་མ་ཎེ་ཡྻ་ཀཾ; ཨ་ཐ ཁོ ཨེ་ཏ་དེ་ཝ བ་ཧུ་ཏ་རཾ ཡ་དི་དཾ ཨུ་ཀྐཱུ་ལ་ཝི་ཀཱུ་ལཾ ན་དཱི་ཝི་དུ་གྒཾ ཁཱ་ཎུ་ཀ་ཎྚ་ཀ་ཊྛཱ་ནཾ པ་བྦ་ཏ་ཝི་ས་མཾ. ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ མ་ནུ་སྶཱ ཙུ་ཏཱ མ་ནུ་སྶེ་སུ པ་ཙྩཱ་ཛཱ་ཡ་ནྟི, ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ མ་ནུ་སྶཱ ཙུ་ཏཱ ནི་ར་ཡེ པ་ཙྩཱ་ཛཱ་ཡ་ནྟི…པེ… ཏི་ར་ཙྪཱ་ན་ཡོ་ནི་ཡཱ པ་ཙྩཱ་ཛཱ་ཡ་ནྟི…པེ… པེ་ཏྟི་ཝི་ས་ཡེ པ་ཙྩཱ་ཛཱ་ཡ་ནྟི’’.
༣༣༩-༣༤༡. … ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ མ་ནུ་སྶཱ ཙུ་ཏཱ དེ་ཝེ་སུ པ་ཙྩཱ་ཛཱ་ཡ་ནྟི; ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ མ་ནུ་སྶཱ ཙུ་ཏཱ ནི་ར་ཡེ པ་ཙྩཱ་ཛཱ་ཡ་ནྟི… ཏི་ར་ཙྪཱ་ན་ཡོ་ནི་ཡཱ པ་ཙྩཱ་ཛཱ་ཡ་ནྟི… པེ་ཏྟི་ཝི་ས་ཡེ པ་ཙྩཱ་ཛཱ་ཡ་ནྟི.
༣༤༢-༣༤༤. … ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ དེ་ཝཱ ཙུ་ཏཱ དེ་ཝེ་སུ པ་ཙྩཱ་ཛཱ་ཡ་ནྟི; ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ དེ་ཝཱ ཙུ་ཏཱ ནི་ར་ཡེ པ་ཙྩཱ་ཛཱ་ཡ་ནྟི… ཏི་ར་ཙྪཱ་ན་ཡོ་ནི་ཡཱ པ་ཙྩཱ་ཛཱ་ཡ་ནྟི… པེ་ཏྟི་ཝི་ས་ཡེ པ་ཙྩཱ་ཛཱ་ཡ་ནྟི.
༣༤༥-༣༤༧. … ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ དེ་ཝཱ ཙུ་ཏཱ མ་ནུ་སྶེ་སུ པ་ཙྩཱ་ཛཱ་ཡ་ནྟི; ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ དེ་ཝཱ ཙུ་ཏཱ ནི་ར་ཡེ པ་ཙྩཱ་ཛཱ་ཡ་ནྟི… ཏི་ར་ཙྪཱ་ན་ཡོ་ནི་ཡཱ པ་ཙྩཱ་ཛཱ་ཡ་ནྟི… པེ་ཏྟི་ཝི་ས་ཡེ པ་ཙྩཱ་ཛཱ་ཡ་ནྟི.
༣༤༨-༣༥༠. … ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ ནི་ར་ཡཱ ཙུ་ཏཱ མ་ནུ་སྶེ་སུ པ་ཙྩཱ་ཛཱ་ཡ་ནྟི; ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ ནི་ར་ཡཱ ཙུ་ཏཱ ནི་ར་ཡེ པ་ཙྩཱ་ཛཱ་ཡ་ནྟི… ཏི་ར་ཙྪཱ་ན་ཡོ་ནི་ཡཱ པ་ཙྩཱ་ཛཱ་ཡ་ནྟི… པེ་ཏྟི་ཝི་ས་ཡེ པ་ཙྩཱ་ཛཱ་ཡ་ནྟི.
༣༥༡-༣༥༣. … ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ ནི་ར་ཡཱ ཙུ་ཏཱ དེ་ཝེ་སུ པ་ཙྩཱ་ཛཱ་ཡ་ནྟི; ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ ནི་ར་ཡཱ ཙུ་ཏཱ ནི་ར་ཡེ པ་ཙྩཱ་ཛཱ་ཡ་ནྟི… ཏི་ར་ཙྪཱ་ན་ཡོ་ནི་ཡཱ པ་ཙྩཱ་ཛཱ་ཡ་ནྟི… པེ་ཏྟི་ཝི་ས་ཡེ པ་ཙྩཱ་ཛཱ་ཡ་ནྟི.
༣༥༤-༣༥༦. … ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ ཏི་ར་ཙྪཱ་ན་ཡོ་ནི་ཡཱ ཙུ་ཏཱ མ་ནུ་སྶེ་སུ པ་ཙྩཱ་ཛཱ་ཡ་ནྟི; ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ ཏི་ར་ཙྪཱ་ན་ཡོ་ནི་ཡཱ ཙུ་ཏཱ ནི་ར་ཡེ པ་ཙྩཱ་ཛཱ་ཡ་ནྟི… ཏི་ར་ཙྪཱ་ན་ཡོ་ནི་ཡཱ པ་ཙྩཱ་ཛཱ་ཡ་ནྟི… པེ་ཏྟི་ཝི་ས་ཡེ པ་ཙྩཱ་ཛཱ་ཡ་ནྟི.
༣༥༧-༣༥༩. … ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ ཏི་ར་ཙྪཱ་ན་ཡོ་ནི་ཡཱ ཙུ་ཏཱ དེ་ཝེ་སུ པ་ཙྩཱ་ཛཱ་ཡ་ནྟི; ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ ཏི་ར་ཙྪཱ་ན་ཡོ་ནི་ཡཱ ཙུ་ཏཱ ནི་ར་ཡེ པ་ཙྩཱ་ཛཱ་ཡ་ནྟི… ཏི་ར་ཙྪཱ་ན་ཡོ་ནི་ཡཱ པ་ཙྩཱ་ཛཱ་ཡ་ནྟི… པེ་ཏྟི་ཝི་ས་ཡེ པ་ཙྩཱ་ཛཱ་ཡ་ནྟི.
༣༦༠-༣༦༢. … ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ པེ་ཏྟི་ཝི་ས་ཡཱ ཙུ་ཏཱ མ་ནུ་སྶེ་སུ པ་ཙྩཱ་ཛཱ་ཡ་ནྟི; ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ པེ་ཏྟི་ཝི་ས་ཡཱ ཙུ་ཏཱ ནི་ར་ཡེ པ་ཙྩཱ་ཛཱ་ཡ་ནྟི… ཏི་ར་ཙྪཱ་ན་ཡོ་ནི་ཡཱ པ་ཙྩཱ་ཛཱ་ཡ་ནྟི… པེ་ཏྟི་ཝི་ས་ཡེ པ་ཙྩཱ་ཛཱ་ཡ་ནྟི.
༣༦༣-༣༦༥. … ཨེ་ཝ་མེ་ཝཾ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ པེ་ཏྟི་ཝི་ས་ཡཱ ཙུ་ཏཱ དེ་ཝེ་སུ པ་ཙྩཱ་ཛཱ་ཡ་ནྟི; ཨ་ཐ ཁོ ཨེ་ཏེ་ཝ ས་ཏྟཱ བ་ཧུ་ཏ་རཱ ཡེ པེ་ཏྟི་ཝི་ས་ཡཱ ཙུ་ཏཱ ནི་ར་ཡེ པ་ཙྩཱ་ཛཱ་ཡ་ནྟི… ཏི་ར་ཙྪཱ་ན་ཡོ་ནི་ཡཱ པ་ཙྩཱ་ཛཱ་ཡ་ནྟི… པེ་ཏྟི་ཝི་ས་ཡེ པ་ཙྩཱ་ཛཱ་ཡ་ནྟི.
ཝ་གྒོ ཙ་ཏུ་ཏྠོ.
ཛ་མྦུ་དཱི་པ་པེ་ཡྻཱ་ལོ ནི་ཊྛི་ཏོ.
ཨེ་ཀ་དྷ་མྨ་པཱ་ལི༹ སོ་ལ༹་ས་མོ.