༡༤. ཨེ་ཏ་ད་གྒ་ཝ་གྒོ
༡. པ་ཋ་མ་ཝ་གྒོ
༡༨༨. ‘‘ཨེ་ཏ་ད་གྒཾ, བྷི་ཀྑ་ཝེ, མ་མ སཱ་ཝ་ཀཱ་ནཾ བྷི་ཀྑཱུ་ནཾ ར་ཏྟ་ཉྙཱུ་ནཾ ཡ་དི་དཾ ཨ་ཉྙཱ་སི་ཀོ་ཎྜ་ཉྙོ’’ [ཨ་ཉྙཱ་ཏ་ཀོ་ཎྜ་ཉྙོ་ཏི (ཀ.), ཨ་ཉྙཱ་ཀོ་ཎྜ་ཉྙོ (སཱི. སྱཱ. ཀཾ. པཱི.)].
༡༨༩. … མ་ཧཱ་པ་ཉྙཱ་ནཾ ཡ་དི་དཾ སཱ་རི་པུ་ཏྟོ.
༡༩༠. … ཨི་དྡྷི་མ་ནྟཱ་ནཾ ཡ་དི་དཾ མ་ཧཱ་མོ་གྒ་ལླཱ་ནོ.
༡༩༡. … དྷུ་ཏ་ཝཱ་དཱ་ནཾ [དྷུ་ཏ་ངྒ་དྷ་རཱ་ནཾ (ཀ་ཏྠ་ཙི)] ཡ་དི་དཾ མ་ཧཱ་ཀ་སྶ་པོ.
༡༩༢. … དི་བྦ་ཙ་ཀྑུ་ཀཱ་ནཾ ཡ་དི་དཾ ཨ་ནུ་རུ་དྡྷོ.
༡༩༣. … ཨུ་ཙྩཱ་ཀུ་ལི་ཀཱ་ནཾ ཡ་དི་དཾ བྷ་དྡི་ཡོ ཀཱ་ལི༹་གོ་དྷཱ་ཡ་པུ་ཏྟོ.
༡༩༤. … མ་ཉྫུ་སྶ་རཱ་ནཾ ཡ་དི་དཾ ལ་ཀུ་ཎྜ་ཀ [ལ་ཀུ་ཎྚ་ཀ (སྱཱ. ཀཾ.)] བྷ་དྡི་ཡོ.
༡༩༥. … སཱི་ཧ་ནཱ་དི་ཀཱ་ནཾ ཡ་དི་དཾ པི་ཎྜོ་ལ་བྷཱ་ར་དྭཱ་ཛོ.
༡༩༦. … དྷ་མྨ་ཀ་ཐི་ཀཱ་ནཾ ཡ་དི་དཾ པུ་ཎྞོ མ་ནྟཱ་ཎི་པུ་ཏྟོ.
༡༩༧. … སཾ་ཁི་ཏྟེ་ན བྷཱ་སི་ཏ་སྶ ཝི་ཏྠཱ་རེ་ན ཨ་ཏྠཾ ཝི་བྷ་ཛ་ནྟཱ་ནཾ ཡ་དི་དཾ མ་ཧཱ་ཀ་ཙྩཱ་ནོ་ཏི.
ཝ་གྒོ པ་ཋ་མོ.
༢. དུ་ཏི་ཡ་ཝ་གྒོ
༡༩༨. ‘‘ཨེ་ཏ་ད་གྒཾ, བྷི་ཀྑ་ཝེ, མ་མ སཱ་ཝ་ཀཱ་ནཾ བྷི་ཀྑཱུ་ནཾ མ་ནོ་མ་ཡཾ ཀཱ་ཡཾ ཨ་བྷི་ནི་མྨི་ན་ནྟཱ་ནཾ ཡ་དི་དཾ ཙཱུ་ལ༹་པ་ནྠ་ཀོ’’ [ཙུ་ལླ་པ་ནྠ་ཀོ (སཱི. སྱཱ. ཀཾ. པཱི.)].
༡༩༩. … ཙེ་ཏོ་ཝི་ཝ་ཊྚ་ཀུ་ས་ལཱ་ནཾ ཡ་དི་དཾ ཙཱུ་ལ༹་པ་ནྠ་ཀོ.
༢༠༠. … ས་ཉྙཱ་ཝི་ཝ་ཊྚ་ཀུ་ས་ལཱ་ནཾ ཡ་དི་དཾ མ་ཧཱ་པ་ནྠ་ཀོ.
༢༠༡. … ཨ་ར་ཎ་ཝི་ཧཱ་རཱི་ནཾ ཡ་དི་དཾ སུ་བྷཱུ་ཏི.
༢༠༢. … ད་ཀྑི་ཎེ་ཡྻཱ་ནཾ ཡ་དི་དཾ སུ་བྷཱུ་ཏི.
༢༠༣. … ཨཱ་ར་ཉྙ་ཀཱ་ནཾ ཡ་དི་དཾ རེ་ཝ་ཏོ ཁ་དི་ར་ཝ་ནི་ཡོ.
༢༠༤. … ཛྷཱ་ཡཱི་ནཾ ཡ་དི་དཾ ཀ་ངྑཱ་རེ་ཝ་ཏོ.
༢༠༥. … ཨཱ་ར་དྡྷ་ཝཱི་རི་ཡཱ་ནཾ ཡ་དི་དཾ སོ་ཎོ ཀོ་ལི༹་ཝི་སོ.
༢༠༦. … ཀ་ལྱཱ་ཎ་ཝཱ་ཀྐ་ར་ཎཱ་ནཾ ཡ་དི་དཾ སོ་ཎོ ཀུ་ཊི་ཀ་ཎྞོ.
༢༠༧. … ལཱ་བྷཱི་ནཾ ཡ་དི་དཾ སཱི་ཝ་ལི.
༢༠༨. … ས་དྡྷཱ་དྷི་མུ་ཏྟཱ་ནཾ ཡ་དི་དཾ ཝ་ཀྐ་ལཱི་ཏི.
ཝ་གྒོ དུ་ཏི་ཡོ.
༣. ཏ་ཏི་ཡ་ཝ་གྒོ
༢༠༩. ‘‘ཨེ་ཏ་ད་གྒཾ, བྷི་ཀྑ་ཝེ, མ་མ སཱ་ཝ་ཀཱ་ནཾ བྷི་ཀྑཱུ་ནཾ སི་ཀྑཱ་ཀཱ་མཱ་ནཾ ཡ་དི་དཾ རཱ་ཧུ་ལོ’’.
༢༡༠. … ས་དྡྷཱ་པ་བྦ་ཛི་ཏཱ་ནཾ ཡ་དི་དཾ ར་ཊྛ་པཱ་ལོ.
༢༡༡. … པ་ཋ་མཾ ས་ལཱ་ཀཾ ག་ཎྷ་ནྟཱ་ནཾ ཡ་དི་དཾ ཀུ་ཎྜ་དྷཱ་ནོ.
༢༡༢. … པ་ཊི་བྷཱ་ན་ཝ་ནྟཱ་ནཾ ཡ་དི་དཾ ཝ་ངྒཱི་སོ.
༢༡༣. … ས་མ་ནྟ་པཱ་སཱ་དི་ཀཱ་ནཾ ཡ་དི་དཾ ཨུ་པ་སེ་ནོ ཝ་ངྒ་ནྟ་པུ་ཏྟོ.
༢༡༤. … སེ་ནཱ་ས་ན་པ་ཉྙཱ་པ་ཀཱ་ནཾ ཡ་དི་དཾ ད་བྦོ མ་ལླ་པུ་ཏྟོ.
༢༡༥. … དེ་ཝ་ཏཱ་ནཾ པི་ཡ་མ་ནཱ་པཱ་ནཾ ཡ་དི་དཾ པི་ལི་ནྡ་ཝ་ཙྪོ.
༢༡༦. … ཁི་པྤཱ་བྷི་ཉྙཱ་ནཾ ཡ་དི་དཾ བཱ་ཧི་ཡོ དཱ་རུ་ཙཱི་རི་ཡོ.
༢༡༧. … ཙི་ཏྟ་ཀ་ཐི་ཀཱ་ནཾ ཡ་དི་དཾ ཀུ་མཱ་ར་ཀ་སྶ་པོ.
༢༡༨. … པ་ཊི་ས་མྦྷི་དཱ་པ་ཏྟཱ་ནཾ ཡ་དི་དཾ མ་ཧཱ་ཀོ་ཊྛི་ཏོ་ཏི [མ་ཧཱ་ཀོ་ཊྛི་ཀོ་ཏི (ཨ་ཉྙེ་སུ སུ་ཏྟེ་སུ མ་ར་མྨ་པོ་ཏྠ་ཀེ)].
ཝ་གྒོ ཏ་ཏི་ཡོ.
༤. ཙ་ཏུ་ཏྠ་ཝ་གྒོ
༢༡༩. ‘‘ཨེ་ཏ་ད་གྒཾ, བྷི་ཀྑ་ཝེ, མ་མ སཱ་ཝ་ཀཱ་ནཾ བྷི་ཀྑཱུ་ནཾ བ་ཧུ་སྶུ་ཏཱ་ནཾ ཡ་དི་དཾ ཨཱ་ན་ནྡོ’’.
༢༢༠. … ས་ཏི་མ་ནྟཱ་ནཾ ཡ་དི་དཾ ཨཱ་ན་ནྡོ.
༢༢༡. … ག་ཏི་མ་ནྟཱ་ནཾ ཡ་དི་དཾ ཨཱ་ན་ནྡོ.
༢༢༢. … དྷི་ཏི་མ་ནྟཱ་ནཾ ཡ་དི་དཾ ཨཱ་ན་ནྡོ.
༢༢༣. … ཨུ་པ་ཊྛཱ་ཀཱ་ནཾ ཡ་དི་དཾ ཨཱ་ན་ནྡོ.
༢༢༤. … མ་ཧཱ་པ་རི་སཱ་ནཾ ཡ་དི་དཾ ཨུ་རུ་ཝེ་ལ་ཀ་སྶ་པོ.
༢༢༥. … ཀུ་ལ་པྤ་སཱ་ད་ཀཱ་ནཾ ཡ་དི་དཾ ཀཱ་ལུ༹་དཱ་ཡཱི.
༢༢༦. … ཨ་པྤཱ་བཱ་དྷཱ་ནཾ ཡ་དི་དཾ བཱ་ཀུ་ལོ [བ་ཀྐུ་ལོ (སཱི. སྱཱ. ཀཾ. པཱི.)].
༢༢༧. … པུ་བྦེ་ནི་ཝཱ་སཾ ཨ་ནུ་སྶ་ར་ནྟཱ་ནཾ ཡ་དི་དཾ སོ་བྷི་ཏོ.
༢༢༨. … ཝི་ན་ཡ་དྷ་རཱ་ནཾ ཡ་དི་དཾ ཨུ་པཱ་ལི.
༢༢༩. … བྷི་ཀྑུ་ནོ་ཝཱ་ད་ཀཱ་ནཾ ཡ་དི་དཾ ན་ནྡ་ཀོ.
༢༣༠. … ཨི་ནྡྲི་ཡེ་སུ གུ་ཏྟ་དྭཱ་རཱ་ནཾ ཡ་དི་དཾ ན་ནྡོ.
༢༣༡. … བྷི་ཀྑུ་ཨོ་ཝཱ་ད་ཀཱ་ནཾ ཡ་དི་དཾ མ་ཧཱ་ཀ་པྤི་ནོ.
༢༣༢. … ཏེ་ཛོ་དྷཱ་ཏུ་ཀུ་ས་ལཱ་ནཾ ཡ་དི་དཾ སཱ་ག་ཏོ.
༢༣༣. … པ་ཊི་བྷཱ་ནེ་ཡྻ་ཀཱ་ནཾ ཡ་དི་དཾ རཱ་དྷོ.
༢༣༤. … ལཱུ་ཁ་ཙཱི་ཝ་ར་དྷ་རཱ་ནཾ ཡ་དི་དཾ མོ་གྷ་རཱ་ཛཱ་ཏི.
ཝ་གྒོ ཙ་ཏུ་ཏྠོ.
༥. པ་ཉྩ་མ་ཝ་གྒོ
༢༣༥. ‘‘ཨེ་ཏ་ད་གྒཾ, བྷི་ཀྑ་ཝེ, མ་མ སཱ་ཝི་ཀཱ་ནཾ བྷི་ཀྑུ་ནཱི་ནཾ ར་ཏྟ་ཉྙཱུ་ནཾ ཡ་དི་དཾ མ་ཧཱ་པ་ཛཱ་པ་ཏི་གོ་ཏ་མཱི’’.
༢༣༦. … མ་ཧཱ་པ་ཉྙཱ་ནཾ ཡ་དི་དཾ ཁེ་མཱ.
༢༣༧. … ཨི་དྡྷི་མ་ནྟཱི་ནཾ ཡ་དི་དཾ ཨུ་པྤ་ལ་ཝ་ཎྞཱ.
༢༣༨. … ཝི་ན་ཡ་དྷ་རཱ་ནཾ ཡ་དི་དཾ པ་ཊཱ་ཙཱ་རཱ.
༢༣༩. … དྷ་མྨ་ཀ་ཐི་ཀཱ་ནཾ ཡ་དི་དཾ དྷ་མྨ་དི་ནྣཱ.
༢༤༠. … ཛྷཱ་ཡཱི་ནཾ ཡ་དི་དཾ ན་ནྡཱ.
༢༤༡. … ཨཱ་ར་དྡྷ་ཝཱི་རི་ཡཱ་ནཾ ཡ་དི་དཾ སོ་ཎཱ.
༢༤༢. … དི་བྦ་ཙ་ཀྑུ་ཀཱ་ནཾ ཡ་དི་དཾ བ་ཀུ་ལཱ [ས་ཀུ་ལཱ (སཱི. སྱཱ. ཀཾ. པཱི.)].
༢༤༣. … ཁི་པྤཱ་བྷི་ཉྙཱ་ནཾ ཡ་དི་དཾ བྷ་དྡཱ ཀུ་ཎྜ་ལ་ཀེ་སཱ.
༢༤༤. … པུ་བྦེ་ནི་ཝཱ་སཾ ཨ་ནུ་སྶ་ར་ནྟཱི་ནཾ ཡ་དི་དཾ བྷ་དྡཱ ཀཱ་པི་ལཱ་ནཱི.
༢༤༥. … མ་ཧཱ་བྷི་ཉྙ་པྤ་ཏྟཱ་ནཾ ཡ་དི་དཾ བྷ་དྡ་ཀ་ཙྩཱ་ནཱ.
༢༤༦. … ལཱུ་ཁ་ཙཱི་ཝ་ར་དྷ་རཱ་ནཾ ཡ་དི་དཾ ཀི་སཱ་གོ་ཏ་མཱི.
༢༤༧. … ས་དྡྷཱ་དྷི་མུ་ཏྟཱ་ནཾ ཡ་དི་དཾ སི་ངྒཱ་ལ་ཀ་མཱ་ཏཱ་ཏི [སི་གཱ་ལ་མཱ་ཏཱ་ཏི (སཱི. སྱཱ. ཀཾ. པཱི.)].
ཝ་གྒོ པ་ཉྩ་མོ.
༦. ཚ་ཊྛ་ཝ་གྒོ
༢༤༨. ‘‘ཨེ་ཏ་ད་གྒཾ, བྷི་ཀྑ་ཝེ, མ་མ སཱ་ཝ་ཀཱ་ནཾ ཨུ་པཱ་ས་ཀཱ་ནཾ པ་ཋ་མཾ ས་ར་ཎཾ ག་ཙྪ་ནྟཱ་ནཾ ཡ་དི་དཾ ཏ་པུ་སྶ་བྷ་ལླི་ཀཱ [ཏ་པ་སྶུ་བྷ་ལླི་ཀཱ (སཱི. པཱི.)] ཝཱ་ཎི་ཛཱ’’.
༢༤༩. … དཱ་ཡ་ཀཱ་ནཾ ཡ་དི་དཾ སུ་ད་ཏྟོ ག་ཧ་པ་ཏི ཨ་ནཱ་ཐ་པི་ཎྜི་ཀོ.
༢༥༠. … དྷ་མྨ་ཀ་ཐི་ཀཱ་ནཾ ཡ་དི་དཾ ཙི་ཏྟོ ག་ཧ་པ་ཏི མ་ཙྪི་ཀཱ་ས་ཎྜི་ཀོ.
༢༥༡. … ཙ་ཏཱུ་ཧི ས་ངྒ་ཧ་ཝ་ཏྠཱུ་ཧི པ་རི་སཾ ས་ངྒ་ཎྷ་ནྟཱ་ནཾ ཡ་དི་དཾ ཧ་ཏྠ་ཀོ ཨཱ་ལ༹་ཝ་ཀོ.
༢༥༢. … པ་ཎཱི་ཏ་དཱ་ཡ་ཀཱ་ནཾ ཡ་དི་དཾ མ་ཧཱ་ནཱ་མོ ས་ཀྐོ.
༢༥༣. … མ་ནཱ་པ་དཱ་ཡ་ཀཱ་ནཾ ཡ་དི་དཾ ཨུ་གྒོ ག་ཧ་པ་ཏི ཝེ་སཱ་ལི་ཀོ.
༢༥༤. … ས་ངྒྷུ་པ་ཊྛཱ་ཀཱ་ནཾ ཡ་དི་དཾ ཧ་ཏྠི་གཱ་མ་ཀོ ཨུ་གྒ་ཏོ ག་ཧ་པ་ཏི.
༢༥༥. … ཨ་ཝེ་ཙྩ་པྤ་ས་ནྣཱ་ནཾ ཡ་དི་དཾ སཱུ་ར་མྦ་ཊྛོ [སཱུ་རོ ཨ་མྦ་ཊྛོ (སཱི. སྱཱ. ཀཾ. པཱི.) སུ་རེ་བ་ནྡྷོ (ཀ.)].
༢༥༦. … པུ་གྒ་ལ་པྤ་ས་ནྣཱ་ནཾ ཡ་དི་དཾ ཛཱི་ཝ་ཀོ ཀོ་མཱ་ར་བྷ་ཙྩོ.
༢༥༧. … ཝི་སྶཱ་ས་ཀཱ་ནཾ ཡ་དི་དཾ ན་ཀུ་ལ་པི་ཏཱ ག་ཧ་པ་ཏཱི་ཏི.
ཝ་གྒོ ཚ་ཊྛོ.
༧. ས་ཏྟ་མ་ཝ་གྒོ
༢༥༨. ‘‘ཨེ་ཏ་ད་གྒཾ, བྷི་ཀྑ་ཝེ, མ་མ སཱ་ཝི་ཀཱ་ནཾ ཨུ་པཱ་སི་ཀཱ་ནཾ པ་ཋ་མཾ ས་ར་ཎཾ ག་ཙྪ་ནྟཱི་ནཾ ཡ་དི་དཾ སུ་ཛཱ་ཏཱ སེ་ནི་ཡ་དྷཱི་ཏཱ’’ [སེ་ནཱ་ནཱི དྷཱི་ཏཱ (སཱི. སྱཱ. ཀཾ. པཱི.)].
༢༥༩. … དཱ་ཡི་ཀཱ་ནཾ ཡ་དི་དཾ ཝི་སཱ་ཁཱ མི་གཱ་ར་མཱ་ཏཱ.
༢༦༠. … བ་ཧུ་སྶུ་ཏཱ་ནཾ ཡ་དི་དཾ ཁུ་ཛྫུ་ཏྟ་རཱ.
༢༦༡. … མེ་ཏྟཱ་ཝི་ཧཱ་རཱི་ནཾ ཡ་དི་དཾ སཱ་མཱ་ཝ་ཏཱི.
༢༦༢. … ཛྷཱ་ཡཱི་ནཾ ཡ་དི་དཾ ཨུ་ཏྟ་རཱ་ན་ནྡ་མཱ་ཏཱ.
༢༦༣. … པ་ཎཱི་ཏ་དཱ་ཡི་ཀཱ་ནཾ ཡ་དི་དཾ སུ་པྤ་ཝཱ་སཱ ཀོ་ལི་ཡ་དྷཱི་ཏཱ.
༢༦༤. … གི་ལཱ་ནུ་པ་ཊྛཱ་ཀཱི་ནཾ ཡ་དི་དཾ སུ་པྤི་ཡཱ ཨུ་པཱ་སི་ཀཱ.
༢༦༥. … ཨ་ཝེ་ཙྩ་པྤ་ས་ནྣཱ་ནཾ ཡ་དི་དཾ ཀཱ་ཏི་ཡཱ་ནཱི.
༢༦༦. … ཝི་སྶཱ་སི་ཀཱ་ནཾ ཡ་དི་དཾ ན་ཀུ་ལ་མཱ་ཏཱ ག་ཧ་པ་ཏཱ་ནཱི.
༢༦༧. … ཨ་ནུ་སྶ་ཝ་པྤ་ས་ནྣཱ་ནཾ ཡ་དི་དཾ ཀཱ་ལཱི༹ ཨུ་པཱ་སི་ཀཱ ཀུ་ལ་གྷ་རི་ཀཱ [ཀུ་ལ་གྷ་རི་ཀཱ (ཀ.)] ཏི.
ཝ་གྒོ ས་ཏྟ་མོ.
ཨེ་ཏ་ད་གྒ་ཝ་གྒོ ཙུ་དྡ་ས་མོ.