๘. ทสฺสเนนปหาตพฺพตฺติกวณฺณนา

ปฏิจฺจสมุปฺปาทวิภงฺเค วิจาริตนเยน วิจาเรตพฺพนฺติ อิทํ ‘‘น จ ปุถุชฺชนานํ ทสฺสเนน ปหาตุํ สกฺกุเณยฺโย, อิตเรสํ น เกนจิ ปจฺจเยน ปจฺจโย น โหนฺตีติ สกฺกา วตฺตุ’’นฺติอาทินา อตฺตนา อานีตํ อมตคฺคปถวินิจฺฉยํ สนฺธาย วุตฺตํ. ตตฺถ ยํ วตฺตพฺพํ, ตมฺปิ ปฏิจฺจสมุปฺปาทฏีกาย อตฺถวิวรเณ วุตฺตเมว, ตสฺมา ตตฺถ วุตฺตนเยเนว เวทิตพฺพํ.

ทสฺสเนนปหาตพฺพตฺติกวณฺณนา นิฏฺฐิตา.

ปฏฺฐานปกรณ-อนุฏีกา สมตฺตา.

อิติ ปญฺจปกรณมูลฏีกาย ลีนตฺถวณฺณนา

อนุฏีกา สมตฺตา.

อภิธมฺมสฺส อนุฏีกา สมตฺตา.