กถินเภทวณฺณนา

๔๐๔. ปุเรชาตปจฺจเย ปเนส อุทฺทิฏฺฐธมฺเมสุ เอกธมฺมมฺปิ น ลภตีติ เอส อุทกาหรณาทิปโยโค อตฺตโน ปุเรชาตปจฺจยภาเว ปุพฺพกรณวเสน อุทฺทิฏฺเฐสุ โธวนาทิธมฺเมสุ เอกธมฺมมฺปิ น ลภติ อตฺตโน ปุเรชาตสฺส ปุพฺพกรณสงฺคหิตสฺส ธมฺมสฺส นตฺถิตาย.

๔๑๒. รูปาทีสุ ธมฺเมสูติ วณฺณคนฺธาทีสุ สุทฺธฏฺฐกธมฺเมสุ.

๔๑๖. ปุริมา เทฺวติ อิมสฺมึ อธิกาเร ปฐมํ วุตฺตา อนฺตรุพฺภารสหุพฺภารา, น ปกฺกมนนฺติกาทโย เทฺว อุทฺธารา.