๘. อุปสฺสุติสิกฺขาปทวณฺณนา

๔๗๑. อฏฺฐเม สุยฺยตีติ สุติ, วจนํ. ตสฺสา สมีปํ อุปสฺสุติ. สุยฺยติ เอตฺถาติ สุตีติ เอวญฺหิ อตฺเถ คยฺหมาเน สวนฏฺฐานสมีเป อญฺญสฺมึ อสฺสวนฏฺฐาเน ติฏฺฐตีติ อาปชฺชติ. อฏฺฐกถายญฺจ อุปสฺสุติ-สทฺทสฺเสว อตฺถํ ทสฺเสตุํ ‘‘ยตฺถ ฐตฺวา’’ติอาทิ วุตฺตํ, น สุติ-สทฺทมตฺตสฺส.

๔๗๓. เอกปริจฺเฉทานีติ กทาจิ อกิริยโต, กทาจิ กิริยโต สมุฏฺฐานสามญฺเญน วุตฺตํ. อุปสมฺปนฺเนน โจทนาธิปฺปาโย, สวนนฺติ เทฺว องฺคานิ.

อุปสฺสุติสิกฺขาปทวณฺณนา นิฏฺฐิตา.