ขนฺธกปุจฺฉาวารวณฺณนา

ปุจฺฉาวิสฺสชฺชนาวณฺณนา

๓๒๐. นิทานํ นาม กาลญฺจ นครญฺจ เทโส จ ภควา จ. วตฺถุปุคฺคลาทิ นิทฺเทโส. ยานิ ตตฺถ อุปสมฺปทกฺขนฺธเก ‘‘น, ภิกฺขเว, อูนวีสติวสฺโส ปุคฺคโล อุปสมฺปาเทตพฺโพ’’ติอาทินา นเยน อุตฺตมานิ ปทานิ วุตฺตานีติ สมฺพนฺโธ. สา สา ตสฺส ตสฺส ปทสฺส อาปตฺตีติ วุจฺจตีติ ยา ‘‘น, ภิกฺขเว, อูนวีสติวสฺโส ปุคฺคโล อุปสมฺปาเทตพฺโพ’’ติ ปเทน ปญฺญตฺตา อาปตฺติ, สา ตสฺส ปทสฺสาติ อธิปฺปาโย. จมฺมสํยุตฺเตติ จมฺมกฺขนฺธเก.