๒๔. อุปสมฺปาเทตพฺพฉกฺกกถา

๘๕. ตนฺติ อูนทสวสฺสปทํ. สพฺพตฺถาติ สพฺเพสุ ฉกฺเกสุ. ตตฺถาติ ฉกฺเกสุ. ‘‘ปาติโมกฺขานิ วิตฺถาเรนา’’ติ วุตฺตตฺตา วิภงฺควเสน คเหตพฺพานีติ อาห ‘‘อุภโตวิภงฺควเสน วุตฺตานี’’ติ. มาติกาวิภงฺควเสน สุฏฺฐุ วิภชิตพฺพานีติ สุวิภตฺตานิ, วาจุคฺคตวเสน สุนฺทรา ปวตฺติ เอเตสนฺติ สุปฺปวตฺตีนิ, สุตฺตโต อนุพฺยญฺชนโต สุฏฺฐุ วินิจฺฉิตพฺพานีติ สุวินิจฺฉิตพฺพานีติ อตฺถํ ทสฺเสนฺโต อาห ‘‘มาติกาวิภงฺควเสนา’’ติอาทิ.