๙. นวมสงฺฆาทิเสสสิกฺขาปทํ

๗๒๓. นวเม สํสฏฺฐสทฺโท มิสฺสปริยาโยติ อาห ‘‘มิสฺสีภูตา’’ติ. ‘‘อนนุโลเมนา’’ติอิมินา ‘‘อนนุโลมิเกนา’’ติ เอตฺถ อิกสทฺโท สฺวตฺโถติ ทสฺเสติ. โกฏฺฏนญฺจ ปจนญฺจ คนฺธปิสนญฺจ มาลาคนฺถนญฺจ. อาทิสทฺเทน อญฺเญปิ อนนุโลมิเก กายิเก สงฺคณฺหาติ. สาสนาหรณญฺจ ปฏิสาสนหรณญฺจ สญฺจริตฺตญฺจ. อาทิสทฺเทน อญฺเญปิ อนนุโลมิเก วาจสิเก สงฺคณฺหาติ. เอตาสนฺติ ภิกฺขุนีนํ. สิโลโกติ ยโสติ. นวมํ.