๑๐. จีวราปนิธานสิกฺขาปทํ

๓๗๗. ทสเม ‘‘อปเนตฺวา’’ติอิมินา อปอิตฺยูปสคฺคสฺส อตฺถํ ทสฺเสติ. นิเธนฺตีติ นิคูหิตฺวา ฐเปนฺติ. หสาธิปฺปาโยติ หสํ, หสนตฺถาย วา อธิปฺปาโย. ปริกฺขารสฺส สรูปํ ทสฺเสตุํ วุตฺตํ ‘‘ปตฺตตฺถวิกาทิ’’นฺติ. ปตฺตสฺส ปาฬิยมาคตตฺตา ปตฺตสฺส ถวิกาติ อตฺโถเยว คเหตพฺโพ, น ปตฺโต จ ถวิกา จาติ. ‘‘สมเณน นามา’’ติปทํ ‘‘ภวิตุ’’นฺติปเท ภาวกตฺตาติ. ทสมํ.

สุราปานวคฺโค ฉฏฺโฐ.