๒๙. มิจฺฉาชีววิวชฺชนานิทฺเทโส

มิจฺฉาชีววิวชฺชนาติ –

๒๐๙. ทารุํ เวฬุํ ผลํ ปุปฺผํ, จุณฺณํ นฺหานมุโขทกํ;

มตฺติกาทนฺตกฏฺฐาทึ, น ทเท กุลสงฺคหา.

๒๑๐. ปาริภฏกตามุคฺค-สูปฺยตาวตฺถุวิชฺชยา;

ปเหณทูตกมฺเมน, ชงฺฆเปสนิเยน วา.

๒๑๑. อนุปฺปทานปฺปฏิปิณฺฑ-เวชฺชกมฺเมน วา ปน;

นาญฺเญน วาปิ สมฺพุทฺธปฺปฏิกุฏฺเฐน ชีวเย.

๒๑๒. วิญฺญตฺติเนสนาภูตุลฺลปนากุหนาทิหิ;

กุลทูสาทินุปฺปนฺนปจฺจเย ปริวชฺชเยติ.