๒๔. อญฺชนีนิทฺเทโส

อญฺชนีติ –

๑๘๒. วฏฺฏาฏฺฐโสฬสํสา วา, มฏฺฐา วฏฺฏติ อญฺชนี;

ติสฺโสปิ มูเล คีวายํ, เลขา เอกาว พนฺธิตุํ.

๑๘๓. ยํ กิญฺจิ รูปํ มาลาทิกมฺมํ มกรทนฺตกํ;

โคมุตฺตกฑฺฒจนฺทาทิ-วิการํ เนตฺถ วฏฺฏติ.

๑๘๔. ลพฺเภกวณฺณสุตฺเตน, สิพฺพิตุํ ถวิกา ตถา;

สิปาฏิ กุญฺจิกาโกโส, สลากาปิ อจิตฺตกา.

๑๘๕. สงฺขนาภิวิสาณฏฺฐิ-นฬทนฺตมยา ตถา;

ผลกฏฺฐมยา เวฬุ-ลาขาโลหมยาปิ จ.

๑๘๖. อญฺชนิโย สลากาโย, ธูมเนตฺตา จ ลพฺภเร;

ตถา สตฺถกทณฺฑานิ, นตฺถุทานา จ ตมฺมยาติ.