๔. จตุตฺถปาฏิเทสนียสิกฺขาปทวณฺณนา

อาราเม วา อารามูปจาเร วา ปฏิคฺคเหตฺวา อชฺโฌหรนฺตสฺสาติ อาราเม วา อารามูปจาเร วา ปฏิคฺคเหตฺวา อาราเม วา อารามูปจาเร วา อชฺโฌหรนฺตสฺสาติ อตฺโถ.

พหาราเม ปฏิคฺคหิตํ อชฺฌาราเม ภุญฺชนฺตสฺส อนาปตฺติ. องฺเคสุ จ ‘‘อชฺฌาราเม วา อารามูปจาเร วา ปฏิคฺคหณ’’นฺติ คเหตพฺพํ. อชฺฌาราเม หิ ทสฺสิเต อารามูปจารํ ทสฺสิตเมวาติ. ‘‘สมุฏฺฐานาทีนิ กถินสทิสานิ, อิทํ ปน กิริยากิริย’’นฺติ ปาโฐ.

จตุตฺถปาฏิเทสนียสิกฺขาปทวณฺณนา นิฏฺฐิตา.

ปาฏิเทสนียวณฺณนา นิฏฺฐิตา.