ปาฏิเทสนียกณฺฑํ

๑. ปฐมปาฏิเทสนียสิกฺขาปทวณฺณนา

ยามกาลิกาทีสุ อาหารตฺถาย เอว ทุกฺกฏํ. ตมฺปิ อามิเสน อสมฺภินฺนรเส, สมฺภินฺเน ปน เอกรเส ปาฏิเทสนียเมว.

ปฐมปาฏิเทสนียสิกฺขาปทวณฺณนา นิฏฺฐิตา.

๒. ทุติยปาฏิเทสนียสิกฺขาปทวณฺณนา

‘‘สมุฏฺฐานาทีนิ กถินสทิสานิ, อิทํ ปน กิริยากิริย’’นฺติ ปาโฐ.

ทุติยปาฏิเทสนียสิกฺขาปทวณฺณนา นิฏฺฐิตา.

๔. จตุตฺถปาฏิเทสนียสิกฺขาปทวณฺณนา

อาราเม วา อารามูปจาเร วา ปฏิคฺคเหตฺวา อชฺโฌหรนฺตสฺสาติ อาราเม วา อารามูปจาเร วา ปฏิคฺคเหตฺวา อาราเม วา อารามูปจาเร วา อชฺโฌหรนฺตสฺสาติ อตฺโถ.

พหาราเม ปฏิคฺคหิตํ อชฺฌาราเม ภุญฺชนฺตสฺส อนาปตฺติ. องฺเคสุ จ ‘‘อชฺฌาราเม วา อารามูปจาเร วา ปฏิคฺคหณ’’นฺติ คเหตพฺพํ. อชฺฌาราเม หิ ทสฺสิเต อารามูปจารํ ทสฺสิตเมวาติ. ‘‘สมุฏฺฐานาทีนิ กถินสทิสานิ, อิทํ ปน กิริยากิริย’’นฺติ ปาโฐ.

จตุตฺถปาฏิเทสนียสิกฺขาปทวณฺณนา นิฏฺฐิตา.

ปาฏิเทสนียวณฺณนา นิฏฺฐิตา.