๑-๑๑. ปาตุภาวสุตฺตาทิวณฺณนา

๙๖-๑๐๖. ทสมสฺส ปฐมาทีสุ นตฺถิ วตฺตพฺพํ. อฏฺฐเม เมตฺตา เอตสฺส อตฺถีติ เมตฺตาวา, ตสฺส ภาโว เมตฺตาวตา, เมตฺตาปฏิปตฺติ, ตาย. สา ปน เมตฺตาวตา เมตฺตาวเสน ปาริจริยาติ อาห ‘‘เมตฺตายุตฺตาย ปาริจริยายา’’ติ. ปริจรนฺติ วิปฺปกตพฺรหฺมจริยตฺตา. ปริจิณฺณสตฺถุเกน สาวเกน นาม สตฺถุโน ยาว ธมฺเมน กาตพฺพา ปาริจริยา, ตาย สมฺมเทว สมฺปาทิตตฺตา. นวมาทีนิ อุตฺตานตฺถานิ.

ปาตุภาวสุตฺตาทิวณฺณนา นิฏฺฐิตา.

อานิสํสวคฺควณฺณนา นิฏฺฐิตา.

๑๐๗-๑๑๖. เอกาทสมวคฺโค อุตฺตานตฺโถเยว.

อิติ มโนรถปูรณิยา องฺคุตฺตรนิกาย-อฏฺฐกถาย

ฉกฺกนิปาตวณฺณนาย อนุตฺตานตฺถทีปนา สมตฺตา.