๓. พุทฺธสญฺญกตฺเถรอปทานํ

๙. ‘‘ทุมคฺเค ปํสุกูลิกํ, ลคฺคํ ทิสฺวาน สตฺถุโน;

ตโต ตมญฺชลึ กตฺวา, ปํสุกูลํ อวนฺทหํ.

๑๐. ‘‘เทฺวนวุเต อิโต กปฺเป, ยํ กมฺมมกรึ ตทา;

ทุคฺคตึ นาภิชานามิ, พุทฺธสญฺญายิทํ ผลํ.

๑๑. ‘‘อิโต จตุตฺถเก กปฺเป, ทุมสาโรสิ ขตฺติโย;

จาตุรนฺโต วิชิตาวี, จกฺกวตฺตี มหพฺพโล.

๑๒. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา พุทฺธสญฺญโก เถโร อิมา คาถาโย อภาสิตฺถาติ.

พุทฺธสญฺญกตฺเถรสฺสาปทานํ ตติยํ.