๓. สยนทายกตฺเถรอปทานํ

๒๐. ‘‘ปทุมุตฺตรพุทฺธสฺส, สพฺพโลกานุกมฺปิโน;

สยนํ ตสฺส ปาทาสึ, วิปฺปสนฺเนน เจตสา.

๒๑. ‘‘เตน สยนทาเนน, สุเขตฺเต พีชสมฺปทา;

โภคา นิพฺพตฺตเร ตสฺส, สยนสฺส อิทํ ผลํ.

๒๒. ‘‘อากาเส เสยฺยํ กปฺเปมิ, ธาเรมิ ปถวึ อิมํ;

ปาเณสุ เม อิสฺสริยํ, สยนสฺส อิทํ ผลํ.

๒๓. ‘‘ปญฺจกปฺปสหสฺสมฺหิ, อฏฺฐ อาสุํ มหาเตชา [มหาวรา (สี.), มหาวีรา (สฺยา.)];

จตุตฺตึเส กปฺปสเต, จตุโร จ มหพฺพลา.

๒๔. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา สยนทายโก เถโร อิมา คาถาโย อภาสิตฺถาติ.

สยนทายกตฺเถรสฺสาปทานํ ตติยํ.