๘. ปนสผลทายกตฺเถรอปทานํ

๔๓. ‘‘อชฺชุโน นาม สมฺพุทฺโธ, หิมวนฺเต วสี ตทา;

จรเณน จ สมฺปนฺโน, สมาธิกุสโล มุนิ.

๔๔. ‘‘กุมฺภมตฺตํ คเหตฺวาน, ปนสํ ชีวชีวกํ [เทวคนฺธิกํ (๔๑ วคฺเค, ๕ อปทาเน)];

ฉตฺตปณฺเณ ฐเปตฺวาน, อทาสึ สตฺถุโน อหํ.

๔๕. ‘‘เอกตฺตึเส อิโต กปฺเป, ยํ ผลมททึ ตทา;

ทุคฺคตึ นาภิชานามิ, ผลทานสฺสิทํ ผลํ.

๔๖. ‘‘กิเลสา ฌาปิตา มยฺหํ…เป… วิหรามิ อนาสโว.

๔๗. ‘‘สฺวาคตํ วต เม อาสิ…เป… กตํ พุทฺธสฺส สาสนํ.

๔๘. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา ปนสผลทายโก เถโร อิมา คาถาโย อภาสิตฺถาติ.

ปนสผลทายกตฺเถรสฺสาปทานํ อฏฺฐมํ.