๒. กกฺการุปุปฺผิยตฺเถรอปทานํ

๕. ‘‘ยามา เทวา อิธาคนฺตฺวา, โคตมํ สิริวจฺฉสํ;

กกฺการุมาลํ [โคกฺขนุมาลํ (สี.)] ปคฺคยฺห, พุทฺธสฺส อภิโรปยึ.

๖. ‘‘เทฺวนวุเต อิโต กปฺเป, ยํ พุทฺธมภิปูชยึ;

ทุคฺคตึ นาภิชานามิ, พุทฺธปูชายิทํ ผลํ.

๗. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา กกฺการุปุปฺผิโย [โคกฺขนุปุปฺผิโย (ก.)] เถโร อิมา คาถาโย อภาสิตฺถาติ.

กกฺการุปุปฺผิยตฺเถรสฺสาปทานํ ทุติยํ.