๙. ตินฺทุกผลทายกตฺเถรอปทานํ

๕๙. ‘‘กณิการํว โชตนฺตํ, นิสินฺนํ ปพฺพตนฺตเร;

อทฺทสํ วิรชํ พุทฺธํ, โอฆติณฺณมนาสวํ.

๖๐. ‘‘ตินฺทุกํ สผลํ ทิสฺวา, ภินฺทิตฺวาน สโกสกํ [สโกฏกํ (สี.), สโกฏิกํ (สฺยา.)];

ปสนฺนจิตฺโต สุมโน, สยมฺภุสฺส มทาสหํ [เวสฺสภุสฺส อทาสหํ (สี.)].

๖๑. ‘‘เอกนวุติโต กปฺเป, ยํ ผลมททึ ตทา;

ทุคฺคตึ นาภิชานามิ, ผลทานสฺสิทํ ผลํ.

๖๒. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา ตินฺทุกผลทายโก เถโร อิมา คาถาโย อภาสิตฺถาติ.

ตินฺทุกผลทายกตฺเถรสฺสาปทานํ นวมํ.