๑๐. เอกญฺชลิยตฺเถรอปทานํ

๖๓. ‘‘โรมโส [เรวโต (สี.)] นาม สมฺพุทฺโธ, นทีกูเล วสี ตทา;

อทฺทสํ วิรชํ พุทฺธํ, ปีตรํสึว ภาณุมํ.

๖๔. ‘‘อุกฺกามุขปหฏฺฐํว, ขทิรงฺคารสนฺนิภํ;

โอสธึว วิโรจนฺตํ, เอกญฺชลิมกาสหํ.

๖๕. ‘‘จตุนฺนวุติโต กปฺเป, ยํ อญฺชลิมกาสหํ;

ทุคฺคตึ นาภิชานามิ, อญฺชลิยา อิทํ ผลํ.

๖๖. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา เอกญฺชลิโย เถโร อิมา คาถาโย อภาสิตฺถาติ.

เอกญฺชลิยตฺเถรสฺสาปทานํ ทสมํ.

เอกปทุมิยวคฺโค ปญฺจตึสติโม.