๖. อนฺนสํสาวกตฺเถรอปทานํ

๓๔. ‘‘สุวณฺณวณฺณํ สมฺพุทฺธํ, คจฺฉนฺตํ อนฺตราปเณ;

กญฺจนคฺฆิยสงฺกาสํ, พาตฺตึสวรลกฺขณํ.

๓๕. ‘‘สิทฺธตฺถํ สพฺพสิทฺธตฺถํ, อเนชํ อปราชิตํ;

สมฺพุทฺธํ อตินาเมตฺวา, โภชยึ ตํ มหามุนึ.

๓๖. ‘‘มุนิ การุณิโก โลเก, โอภาสยิ มมํ ตทา;

พุทฺเธ จิตฺตํ ปสาเทตฺวา, กปฺปํ สคฺคมฺหิ โมทหํ.

๓๗. ‘‘จตุนฺนวุติโต กปฺเป, ยํ ทานมททึ ตทา;

ทุคฺคตึ นาภิชานามิ, ภิกฺขาทานสฺสิทํ ผลํ.

๓๘. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา อนฺนสํสาวโก เถโร อิมา คาถาโย อภาสิตฺถาติ;

อนฺนสํสาวกตฺเถรสฺสาปทานํ ฉฏฺฐํ.