๙. พุทฺธสญฺญกตฺเถรอปทานํ

๔๓. ‘‘อุเทนฺตํ สตรํสึว, ปีตรํสึว ภาณุมํ;

วนนฺตรคตํ สนฺตํ, โลกเชฏฺฐํ นราสภํ.

๔๔. ‘‘อทฺทสํ สุปินนฺเตน, สิทฺธตฺถํ โลกนายกํ;

ตตฺถ จิตฺตํ ปสาเทตฺวา, สุคตึ อุปปชฺชหํ.

๔๕. ‘‘จตุนฺนวุติโต กปฺเป, ยํ สญฺญมลภึ ตทา;

ทุคฺคตึ นาภิชานามิ, พุทฺธสญฺญายิทํ ผลํ.

๔๖. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา พุทฺธสญฺญโก เถโร อิมา คาถาโย อภาสิตฺถาติ.

พุทฺธสญฺญกตฺเถรสฺสาปทานํ นวมํ.