๕. ผลทายกตฺเถรอปทานํ

๒๐. ‘‘ภาคีรถีนทีตีเร, อโหสิ อสฺสโม ตทา;

ตมหํ อสฺสมํ คจฺฉึ, ผลหตฺโถ อเปกฺขวา.

๒๑. ‘‘วิปสฺสึ ตตฺถ อทฺทกฺขึ, ปีตรํสึว ภาณุมํ;

ยํ เม อตฺถิ ผลํ สพฺพํ, อทาสึ สตฺถุโน อหํ.

๒๒. ‘‘เอกนวุติโต กปฺเป, ยํ ผลํ อททึ ตทา;

ทุคฺคตึ นาภิชานามิ, ผลทานสฺสิทํ ผลํ.

๒๓. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา ผลทายโก เถโร อิมา คาถาโย อภาสิตฺถาติ.

ผลทายกตฺเถรสฺสาปทานํ ปญฺจมํ.