๖. ธูปทายกตฺเถรอปทานํ

๑๖๑. ‘‘สิทฺธตฺถสฺส ภควโต, โลกเชฏฺฐสฺส ตาทิโน;

กุฏิธูปํ มยา ทินฺนํ, วิปฺปสนฺเนน เจตสา.

๑๖๒. ยํ ยํ โยนุปปชฺชามิ, เทวตฺตํ อถ มานุสํ;

สพฺเพสมฺปิ ปิโย โหมิ, ธูปทานสฺสิทํ ผลํ.

๑๖๓. ‘‘จตุนฺนวุติโต กปฺเป, ยํ ธูปมททึ ตทา [ยํ ธูปนมทาสหํ (ก.)];

ทุคฺคตึ นาภิชานามิ, ธูปทานสฺสิทํ ผลํ.

๑๖๔. ‘‘ปฏิสมฺภิทา จตสฺโส, วิโมกฺขาปิ จ อฏฺฐิเม;

ฉฬภิญฺญา สจฺฉิกตา, กตํ พุทฺธสฺส สาสนํ’’.

อิตฺถํ สุทํ อายสฺมา ธูปทายโก เถโร อิมา คาถาโย อภาสิตฺถาติ.

ธูปทายกตฺเถรสฺสาปทานํ ฉฏฺฐํ.