๑๐. ตรณิยตฺเถรอปทานํ

๓๙. ‘‘สุวณฺณวณฺโณ สมฺพุทฺโธ, วิปสฺสี ทกฺขิณารโห;

นทีตีเร ฐิโต สตฺถา, ภิกฺขุสงฺฆปุรกฺขโต.

๔๐. ‘‘นาวา น วิชฺชเต ตตฺถ, สนฺตารณี มหณฺณเว;

นทิยา อภินิกฺขมฺม, ตาเรสึ โลกนายกํ.

๔๑. ‘‘เอกนวุติโต กปฺเป, ยํ ตาเรสึ นรุตฺตมํ;

ทุคฺคตึ นาภิชานามิ, ตรณาย อิทํ ผลํ.

๔๒. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา ตรณิโย เถโร อิมา คาถาโย อภาสิตฺถาติ.

ตรณิยตฺเถรสฺสาปทานํ ทสมํ.

ปทุมุกฺขิปวคฺโค สตฺตวีสติโม.