๖. สนฺธิตตฺเถรอปทานํ

๒๗. ‘‘อสฺสตฺเถ หริโตภาเส, สํวิรูฬฺหมฺหิ ปาทเป;

เอกํ พุทฺธคตํ สญฺญํ, อลภึหํ [อลภิสฺสํ (สี.)] ปติสฺสโต.

๒๘. ‘‘เอกตฺตึเส อิโต กปฺเป, ยํ สญฺญมลภึ ตทา;

ตสฺสา สญฺญาย วาหสา, ปตฺโต เม อาสวกฺขโย.

๒๙. ‘‘อิโต เตรสกปฺปมฺหิ, ธนิฏฺโฐ นาม ขตฺติโย;

สตฺตรตนสมฺปนฺโน, จกฺกวตฺตี มหพฺพโล.

๓๐. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา สนฺธิโต [สณฺฐิโต (สี.)] เถโร อิมา คาถาโย อภาสิตฺถาติ.

สนฺธิตตฺเถรสฺสาปทานํ ฉฏฺฐํ.