๑๐. ปาปนิวาริยตฺเถรอปทานํ

๕๑. ‘‘ปิยทสฺสิสฺส ภควโต, จงฺกมํ โสธิตํ มยา;

นฬเกหิ ปฏิจฺฉนฺนํ, วาตาตปนิวารณํ.

๕๒. ‘‘ปาปํ วิวชฺชนตฺถาย, กุสลสฺสุปสมฺปทา;

กิเลสานํ ปหานาย, ปทหึ สตฺถุ สาสเน.

๕๓. ‘‘อิโต เอกาทเส กปฺเป, อคฺคิเทโวติ วิสฺสุโต;

สตฺตรตนสมฺปนฺโน, จกฺกวตฺตี มหพฺพโล.

๕๔. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา ปาปนิวาริโย [วาตาตปนิวาริโย (?)] เถโร อิมา คาถาโย อภาสิตฺถาติ.

ปาปนิวาริยตฺเถรสฺสาปทานํ ทสมํ.

หตฺถิวคฺโค พาวีสติโม.