๘. มิญฺชวฏํสกิยตฺเถรอปทานํ

๓๙. ‘‘นิพฺพุเต โลกนาถมฺหิ, สิขิมฺหิ วทตํ วเร;

วฏํสเกหิ อากิณฺณํ, โพธิปูชํ อกาสหํ.

๔๐. ‘‘เอกตฺตึเส อิโต กปฺเป, ยํ ปูชมกรึ ตทา;

ทุคฺคตึ นาภิชานามิ, โพธิปูชายิทํ ผลํ.

๔๑. ‘‘อิโต ฉพฺพีสติกปฺเป, อหุํ เมฆพฺภนามโก;

สตฺตรตนสมฺปนฺโน, จกฺกวตฺตี มหพฺพโล.

๔๒. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา มิญฺชวฏํสกิโย เถโร อิมา คาถาโย อภาสิตฺถาติ.

มิญฺชวฏํสกิยตฺเถรสฺสาปทานํ อฏฺฐมํ.