๕. อพฺยาธิกตฺเถรอปทานํ

๒๔. ‘‘วิปสฺสิสฺส ภควโต, อคฺคิสาลํ อทาสหํ;

พฺยาธิกานญฺจ อาวาสํ, อุโณฺหทกปฏิคฺคหํ.

๒๕. ‘‘เตน กมฺเมนยํ มยฺหํ, อตฺตภาโว สุนิมฺมิโต;

พฺยาธาหํ นาภิชานามิ, ปุญฺญกมฺมสฺสิทํ ผลํ.

๒๖. ‘‘เอกนวุติโต กปฺเป, ยํ สาลมททึ ตทา;

ทุคฺคตึ นาภิชานามิ, อคฺคิสาลายิทํ ผลํ.

๒๗. ‘‘อิโต จ สตฺตเม กปฺเป, เอโกสึ อปราชิโต [เอโก อาสึ นราธิโป (สฺยา.)];

สตฺตรตนสมฺปนฺโน, จกฺกวตฺตี มหพฺพโล.

๒๘. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา อพฺยาธิโก เถโร อิมา คาถาโย อภาสิตฺถาติ.

อพฺยาธิกตฺเถรสฺสาปทานํ ปญฺจมํ.