๗. เอกทีปิยตฺเถรอปทานํ

๓๐. ‘‘ปทุมุตฺตรสฺส มุนิโน, สฬเล โพธิมุตฺตเม;

ปสนฺนจิตฺโต สุมโน, เอกทีปํ อทาสหํ.

๓๑. ‘‘ภเว นิพฺพตฺตมานมฺหิ, นิพฺพตฺเต ปุญฺญสญฺจเย;

ทุคฺคตึ นาภิชานามิ, ทีปทานสฺสิทํ ผลํ.

๓๒. ‘‘โสฬเส กปฺปสหสฺเส, อิโต เต จตุโร ชนา;

จนฺทาภา นาม นาเมน, จกฺกวตฺตี มหพฺพลา.

๓๓. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา เอกทีปิโย เถโร อิมา คาถาโย อภาสิตฺถาติ.

เอกทีปิยตฺเถรสฺสาปทานํ สตฺตมํ.

นวมํ ภาณวารํ.