๓. อฑฺฒเจฬกตฺเถรอปทานํ

๑๔. ‘‘ติสฺสสฺสาหํ ภควโต, อุปฑฺฒทุสฺสมทาสหํ;

ปรมกาปญฺญปตฺโตมฺหิ [ปรมการุญฺญปตฺโตมฺหิ (สฺยา. ก.)], ทุคฺคเตน [ทุคฺคนฺเธน (สี.)] สมปฺปิโต.

๑๕. ‘‘อุปฑฺฒทุสฺสํ ทตฺวาน, กปฺปํ สคฺคมฺหิ โมทหํ;

อวเสเสสุ กปฺเปสุ, กุสลํ การิตํ มยา.

๑๖. ‘‘เทฺวนวุเต อิโต กปฺเป, ยํ ทุสฺสมททึ ตทา;

ทุคฺคตึ นาภิชานามิ, ทุสฺสทานสฺสิทํ ผลํ.

๑๗. ‘‘เอกูนปญฺญาสกปฺปมฺหิ [เอกปญฺญาสกปฺปมฺหิ (สฺยา.)], ราชาโน จกฺกวตฺติโน;

สมนฺตจฺฉทนา นาม, พาตฺตึสาสุํ [ขตฺติยาสุํ (สฺยา. ก.)] ชนาธิปา.

๑๘. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา อฑฺฒเจฬโก เถโร อิมา คาถาโย อภาสิตฺถาติ.

อฑฺฒเจฬกตฺเถรสฺสาปทานํ ตติยํ.