๒. สุพาหุตฺเถรคาถาวณฺณนา

๕๒. อิตเรหิ วุตฺตคาถาสุ ตติยปเท เอว วิเสโส. ตตฺถ สุพาหุนา วุตฺตคาถายํ จิตฺตํ สุสมาหิตญฺจ กาเยติ มม จิตฺตํ กรชกาเย กายคตาสติภาวนาวเสน สุฏฺฐุ สมาหิตํ สมฺมเทว อปฺปิตํ. อยญฺหิ เถโร กายคตาสติภาวนาวเสน ปฏิลทฺธฌานํ ปาทกํ กตฺวา วิปสฺสนํ วฑฺเฒตฺวา อรหตฺตํ ปาปุณิ. ตํ สนฺธายาห ‘‘จิตฺตํ สุสมาหิตญฺจ กาเย’’ติ.

สุพาหุตฺเถรคาถาวณฺณนา นิฏฺฐิตา.