๙. อาเสวนปจฺจยกถาวณฺณนา

๙๐๓-๙๐๕. อิทานิ อาเสวนปจฺจยกถา นาม โหติ. ตตฺถ ยสฺมา สพฺเพ ธมฺมา ขณิกา, น โกจิ มุหุตฺตมฺปิ ฐตฺวา อาเสวนปจฺจยํ อาเสวติ นาม. ตสฺมา นตฺถิ กิญฺจิ อาเสวนปจฺจยตา. อาเสวนปจฺจยตาย อุปฺปนฺนํ ปน น กิญฺจิ อตฺถีติ เยสํ ลทฺธิ, เสยฺยถาปิ เตสญฺเญว; เต สนฺธาย ปุจฺฉา สกวาทิสฺส, ปฏิญฺญา อิตรสฺส. อถ นํ สุตฺตวเสเนว ปญฺญาเปตุํ นนุ วุตฺตํ ภควตา ปาณาติปาโตติอาทิ อาภตํ. ตํ สพฺพํ อุตฺตานตฺถเมวาติ.

อาเสวนปจฺจยกถาวณฺณนา.