(๙) นิรุชฺฌมานุปฺปนฺนวาโร

๙๘. (ก) ยํ จิตฺตํ นิรุชฺฌมานํ ตํ จิตฺตํ อุปฺปนฺนนฺติ? อามนฺตา.

(ข) ยํ วา ปน จิตฺตํ อุปฺปนฺนํ ตํ จิตฺตํ นิรุชฺฌมานนฺติ?

อุปฺปาทกฺขเณ จิตฺตํ อุปฺปนฺนํ, โน จ ตํ จิตฺตํ นิรุชฺฌมานํ. ภงฺคกฺขเณ จิตฺตํ อุปฺปนฺนญฺเจว นิรุชฺฌมานญฺจ.

(ก) ยํ จิตฺตํ น นิรุชฺฌมานํ ตํ จิตฺตํ น อุปฺปนฺนนฺติ?

อุปฺปาทกฺขเณ จิตฺตํ น นิรุชฺฌมานํ, โน จ ตํ จิตฺตํ น อุปฺปนฺนํ. อตีตานาคตํ จิตฺตํ น เจว นิรุชฺฌมานํ น จ อุปฺปนฺนํ.

(ข) ยํ วา ปน จิตฺตํ น อุปฺปนฺนํ ตํ จิตฺตํ น นิรุชฺฌมานนฺติ? อามนฺตา.