นโม ตสฺส ภควโต อรหโต สมฺมาสมฺพุทฺธสฺส
อภิธมฺมปิฏเก
ยมกปาฬิ (ทุติโย ภาโค)
๖. สงฺขารยมกํ
๑. ปณฺณตฺติวาโร
(ก) อุทฺเทโส
๑. ตโย สงฺขารา – กายสงฺขาโร, วจีสงฺขาโร, จิตฺตสงฺขาโรติ. อสฺสาสปสฺสาสา กายสงฺขาโร, วิตกฺกวิจารา วจีสงฺขาโร, สญฺญา จ เวทนา จ จิตฺตสงฺขาโร. ฐเปตฺวา วิตกฺกวิจาเร สพฺเพปิ จิตฺตสมฺปยุตฺตกา ธมฺมา จิตฺตสงฺขาโร.
๑. ปทโสธนวาโร
(ก) อนุโลมํ
๒. (ก) กาโย กายสงฺขาโร?
(ข) กายสงฺขาโร กาโย?
(ก) วจี วจีสงฺขาโร?
(ข) วจีสงฺขาโร วจี?
(ก) จิตฺตํ จิตฺตสงฺขาโร?
(ข) จิตฺตสงฺขาโร จิตฺตํ?
(ข) ปจฺจนีกํ
๓. (ก) น กาโย น กายสงฺขาโร?
(ข) น กายสงฺขาโร น กาโย?
(ก) น วจี น วจีสงฺขาโร?
(ข) น วจีสงฺขาโร น วจี?
(ก) น จิตฺตํ น จิตฺตสงฺขาโร?
(ข) น จิตฺตสงฺขาโร น จิตฺตํ?
๒. ปทโสธนมูลจกฺกวาโร
(ก) อนุโลมํ
๔. (ก) กาโย กายสงฺขาโร?
(ข) สงฺขารา วจีสงฺขาโร?
(ก) กาโย กายสงฺขาโร?
(ข) สงฺขารา จิตฺตสงฺขาโร?
(ก) วจี วจีสงฺขาโร?
(ข) สงฺขารา กายสงฺขาโร?
(ก) วจี วจีสงฺขาโร?
(ข) สงฺขารา จิตฺตสงฺขาโร?
(ก) จิตฺตํ จิตฺตสงฺขาโร?
(ข) สงฺขารา กายสงฺขาโร?
(ก) จิตฺตํ จิตฺตสงฺขาโร?
(ข) สงฺขารา วจีสงฺขาโร?
(ข) ปจฺจนีกํ
๕. (ก) น กาโย น กายสงฺขาโร?
(ข) น สงฺขารา น วจีสงฺขาโร?
(ก) น กาโย น กายสงฺขาโร?
(ข) น สงฺขารา น จิตฺตสงฺขาโร?
(ก) น วจี น วจีสงฺขาโร?
(ข) น สงฺขารา น กายสงฺขาโร?
(ก) น วจี น วจีสงฺขาโร?
(ข) น สงฺขารา น จิตฺตสงฺขาโร?
(ก) น จิตฺตํ น จิตฺตสงฺขาโร?
(ข) น สงฺขารา น กายสงฺขาโร?
(ก) น จิตฺตํ น จิตฺตสงฺขาโร?
(ข) น สงฺขารา น วจีสงฺขาโร?
๓. สุทฺธสงฺขารวาโร
(ก) อนุโลมํ
๖. (ก) กายสงฺขาโร วจีสงฺขาโร?
(ข) วจีสงฺขาโร กายสงฺขาโร?
(ก) กายสงฺขาโร จิตฺตสงฺขาโร?
(ข) จิตฺตสงฺขาโร กายสงฺขาโร?
(ก) วจีสงฺขาโร จิตฺตสงฺขาโร?
(ข) จิตฺตสงฺขาโร วจีสงฺขาโร?
(ข) ปจฺจนีกํ
๗. (ก) น กายสงฺขาโร น วจีสงฺขาโร?
(ข) น วจีสงฺขาโร น กายสงฺขาโร?
(ก) น กายสงฺขาโร น จิตฺตสงฺขาโร?
(ข) น จิตฺตสงฺขาโร น กายสงฺขาโร?
(ก) น วจีสงฺขาโร น จิตฺตสงฺขาโร?
(ข) น จิตฺตสงฺขาโร น วจีสงฺขาโร?
ปณฺณตฺติอุทฺเทสวาโร.
ปณฺณตฺติวาโร.
(ข) นิทฺเทโส
๑. ปทโสธนวาโร
(ก) อนุโลมํ
๘. (ก) กาโย กายสงฺขาโรติ? โน.
(ข) กายสงฺขาโร กาโยติ? โน.
(ก) วจี วจีสงฺขาโรติ? โน.
(ข) วจีสงฺขาโร วจีติ? โน.
(ก) จิตฺตํ จิตฺตสงฺขาโรติ? โน.
(ข) จิตฺตสงฺขาโร จิตฺตนฺติ? โน.
(ข) ปจฺจนีกํ
๙. (ก) น กาโย น กายสงฺขาโรติ?
กายสงฺขาโร น กาโย, กายสงฺขาโร. กายญฺจ กายสงฺขารญฺจ ฐเปตฺวา อวเสสา น เจว กาโย น จ กายสงฺขาโร.
(ข) น กายสงฺขาโร น กาโยติ?
กาโย น กายสงฺขาโร, กาโย. กายญฺจ กายสงฺขารญฺจ ฐเปตฺวา อวเสสา น เจว กาโย น จ กายสงฺขาโร.
(ก) น วจี น วจีสงฺขาโรติ?
วจีสงฺขาโร น วจี, วจีสงฺขาโร. วจิญฺจ วจีสงฺขารญฺจ ฐเปตฺวา อวเสสา น เจว วจี น จ วจีสงฺขาโร.
(ข) น วจีสงฺขาโร น วจีติ?
วจี น วจีสงฺขาโร, วจี. วจิญฺจ วจีสงฺขารญฺจ ฐเปตฺวา อวเสสา น เจว วจี น จ วจีสงฺขาโร.
(ก) น จิตฺตํ น จิตฺตสงฺขาโรติ?
จิตฺตสงฺขาโร น จิตฺตํ, จิตฺตสงฺขาโร. จิตฺตญฺจ จิตฺตสงฺขารญฺจ ฐเปตฺวา อวเสสา น เจว จิตฺตํ น จ จิตฺตสงฺขาโร.
(ข) น จิตฺตสงฺขาโร น จิตฺตนฺติ?
จิตฺตํ น จิตฺตสงฺขาโร, จิตฺตํ. จิตฺตญฺจ จิตฺตสงฺขารญฺจ ฐเปตฺวา อวเสสา น เจว จิตฺตํ น จ จิตฺตสงฺขาโร.
๒. ปทโสธนมูลจกฺกวาโร
(ก) อนุโลมํ
๑๐. (ก) กาโย กายสงฺขาโรติ? โน.
(ข) สงฺขารา วจีสงฺขาโรติ?
วจีสงฺขาโร สงฺขาโร เจว วจีสงฺขาโร จ. อวเสสา สงฺขารา [อวเสสา สงฺขารา สงฺขารา (สี. สฺยา. กํ.)] น วจีสงฺขาโร.
(ก) กาโย กายสงฺขาโรติ? โน.
(ข) สงฺขารา จิตฺตสงฺขาโรติ?
จิตฺตสงฺขาโร สงฺขาโร เจว จิตฺตสงฺขาโร จ. อวเสสา สงฺขารา น จิตฺตสงฺขาโร.
๑๑. (ก) วจี วจีสงฺขาโรติ? โน.
(ข) สงฺขารา กายสงฺขาโรติ?
กายสงฺขาโร สงฺขาโร เจว กายสงฺขาโร จ. อวเสสา สงฺขารา น กายสงฺขาโร.
(ก) วจี วจีสงฺขาโรติ? โน.
(ข) สงฺขารา จิตฺตสงฺขาโรติ?
จิตฺตสงฺขาโร สงฺขาโร เจว จิตฺตสงฺขาโร จ. อวเสสา สงฺขารา น จิตฺตสงฺขาโร.
๑๒. (ก) จิตฺตํ จิตฺตสงฺขาโรติ? โน.
(ข) สงฺขารา กายสงฺขาโรติ?
กายสงฺขาโร สงฺขาโร เจว กายสงฺขาโร จ. อวเสสา สงฺขารา น กายสงฺขาโร.
(ก) จิตฺตํ จิตฺตสงฺขาโรติ? โน.
(ข) สงฺขารา วจีสงฺขาโรติ?
วจีสงฺขาโร สงฺขาโร เจว วจีสงฺขาโร จ. อวเสสา สงฺขารา น วจีสงฺขาโร.
(ข) ปจฺจนีกํ
๑๓. (ก) น กาโย น กายสงฺขาโรติ?
กายสงฺขาโร น กาโย, กายสงฺขาโร. กายญฺจ กายสงฺขารญฺจ ฐเปตฺวา อวเสสา น เจว กาโย น จ กายสงฺขาโร.
(ข) น สงฺขารา น วจีสงฺขาโรติ? อามนฺตา.
(ก) น กาโย น กายสงฺขาโรติ?
กายสงฺขาโร น กาโย, กายสงฺขาโร. กายญฺจ กายสงฺขารญฺจ ฐเปตฺวา อวเสสา น เจว กาโย น จ กายสงฺขาโร.
(ข) น สงฺขารา น จิตฺตสงฺขาโรติ? อามนฺตา.
๑๔. (ก) น วจี น วจีสงฺขาโรติ?
วจีสงฺขาโร น วจี, วจีสงฺขาโร. วจิญฺจ วจีสงฺขารญฺจ ฐเปตฺวา อวเสสา น เจว วจี น จ วจีสงฺขาโร.
(ข) น สงฺขารา น กายสงฺขาโรติ? อามนฺตา.
(ก) น วจี น วจีสงฺขาโรติ?
วจีสงฺขาโร น วจี, วจีสงฺขาโร. วจิญฺจ วจีสงฺขารญฺจ ฐเปตฺวา อวเสสา น เจว วจี น จ วจีสงฺขาโร.
(ข) น สงฺขารา น จิตฺตสงฺขาโรติ? อามนฺตา.
๑๕. (ก) น จิตฺตํ น จิตฺตสงฺขาโรติ?
จิตฺตสงฺขาโร น จิตฺตํ, จิตฺตสงฺขาโร. จิตฺตญฺจ จิตฺตสงฺขารญฺจ ฐเปตฺวา อวเสสา น เจว จิตฺตํ น จ จิตฺตสงฺขาโร.
(ข) น สงฺขารา น กายสงฺขาโรติ? อามนฺตา.
(ก) น จิตฺตํ น จิตฺตสงฺขาโรติ?
จิตฺตสงฺขาโร น จิตฺตํ, จิตฺตสงฺขาโร. จิตฺตญฺจ จิตฺตสงฺขารญฺจ ฐเปตฺวา อวเสสา น เจว จิตฺตํ น จ จิตฺตสงฺขาโร.
(ข) น สงฺขารา น วจีสงฺขาโรติ? อามนฺตา.
๓. สุทฺธสงฺขารวาโร
(ก) อนุโลมํ
๑๖. (ก) กายสงฺขาโร วจีสงฺขาโรติ? โน.
(ข) วจีสงฺขาโร กายสงฺขาโรติ? โน.
(ก) กายสงฺขาโร จิตฺตสงฺขาโรติ? โน.
(ข) จิตฺตสงฺขาโร กายสงฺขาโรติ? โน.
(ก) วจีสงฺขาโร จิตฺตสงฺขาโรติ? โน.
(ข) จิตฺตสงฺขาโร วจีสงฺขาโรติ? โน.
(ข) ปจฺจนีกํ
๑๗. (ก) น กายสงฺขาโร น วจีสงฺขาโรติ?
วจีสงฺขาโร น กายสงฺขาโร, วจีสงฺขาโร. กายสงฺขารญฺจ วจีสงฺขารญฺจ ฐเปตฺวา อวเสสา น เจว กายสงฺขาโร น จ วจีสงฺขาโร.
(ข) น วจีสงฺขาโร น กายสงฺขาโรติ?
กายสงฺขาโร น วจีสงฺขาโร, กายสงฺขาโร. วจีสงฺขารญฺจ กายสงฺขารญฺจ ฐเปตฺวา อวเสสา น เจว วจีสงฺขาโร น จ กายสงฺขาโร.
(ก) น กายสงฺขาโร น จิตฺตสงฺขาโรติ?
จิตฺตสงฺขาโร น กายสงฺขาโร, จิตฺตสงฺขาโร. กายสงฺขารญฺจ จิตฺตสงฺขารญฺจ ฐเปตฺวา อวเสสา น เจว กายสงฺขาโร น จ จิตฺตสงฺขาโร.
(ข) น จิตฺตสงฺขาโร น กายสงฺขาโรติ?
กายสงฺขาโร น จิตฺตสงฺขาโร, กายสงฺขาโร. จิตฺตสงฺขารญฺจ กายสงฺขารญฺจ ฐเปตฺวา อวเสสา น เจว จิตฺตสงฺขาโร น จ กายสงฺขาโร.
๑๘. (ก) น วจีสงฺขาโร น จิตฺตสงฺขาโรติ?
จิตฺตสงฺขาโร น วจีสงฺขาโร, จิตฺตสงฺขาโร. วจีสงฺขารญฺจ จิตฺตสงฺขารญฺจ ฐเปตฺวา อวเสสา น เจว วจีสงฺขาโร น จ จิตฺตสงฺขาโร.
(ข) น จิตฺตสงฺขาโร น วจีสงฺขาโรติ?
วจีสงฺขาโร น จิตฺตสงฺขาโร, วจีสงฺขาโร. จิตฺตสงฺขารญฺจ วจีสงฺขารญฺจ ฐเปตฺวา อวเสสา น เจว จิตฺตสงฺขาโร น จ วจีสงฺขาโร.
ปณฺณตฺตินิทฺเทสวาโร.