๓. สุทฺธสจฺจวาโร

(ก) อนุโลมํ

๒๐. (ก) ทุกฺขํ สจฺจนฺติ? อามนฺตา.

(ข) สจฺจา ทุกฺขสจฺจนฺติ?

ทุกฺขสจฺจํ สจฺจญฺเจว ทุกฺขสจฺจญฺจ. อวเสสา สจฺจา น ทุกฺขสจฺจํ.

สมุทโย สจฺจนฺติ? อามนฺตา…เป….

นิโรโธ สจฺจนฺติ? อามนฺตา…เป….

(ก) มคฺโค สจฺจนฺติ? อามนฺตา.

(ข) สจฺจา มคฺคสจฺจนฺติ?

มคฺคสจฺจํ สจฺจญฺเจว มคฺคสจฺจญฺจ. อวเสสา สจฺจา น มคฺคสจฺจํ.

(ข) ปจฺจนีกํ

๒๑. (ก) น ทุกฺขํ น สจฺจนฺติ?

ทุกฺขํ ฐเปตฺวา อวเสสา สจฺจา น ทุกฺขํ, สจฺจา. ทุกฺขญฺจ สจฺจญฺจ ฐเปตฺวา อวเสสํ น เจว ทุกฺขํ น จ สจฺจา.

(ข) น สจฺจา น ทุกฺขสจฺจนฺติ? อามนฺตา.

น สมุทโย น สจฺจนฺติ?

สมุทยํ ฐเปตฺวา…เป… นิโรธํ ฐเปตฺวา…เป….

(ก) น มคฺโค น สจฺจนฺติ?

มคฺคํ ฐเปตฺวา อวเสสา สจฺจา น มคฺโค, สจฺจา. มคฺคญฺจ สจฺจญฺจ ฐเปตฺวา อวเสสา น เจว มคฺโค น จ สจฺจา.

(ข) น สจฺจา น มคฺคสจฺจนฺติ? อามนฺตา.