๕. สจฺจยมกํ

๑. ปณฺณตฺติวาโร

(ก) อุทฺเทโส

๑. จตฺตาริ สจฺจานิ – ทุกฺขสจฺจํ, สมุทยสจฺจํ นิโรธสจฺจํ, มคฺคสจฺจํ.

๑. ปทโสธนวาโร

(ก) อนุโลมํ

๒. (ก) ทุกฺขํ ทุกฺขสจฺจํ?

(ข) ทุกฺขสจฺจํ ทุกฺขํ?

(ก) สมุทโย สมุทยสจฺจํ?

(ข) สมุทยสจฺจํ สมุทโย?

(ก) นิโรโธ นิโรธสจฺจํ?

(ข) นิโรธสจฺจํ นิโรโธ?

(ก) มคฺโค มคฺคสจฺจํ?

(ข) มคฺคสจฺจํ มคฺโค?

(ข) ปจฺจนีกํ

๓. (ก) น ทุกฺขํ น ทุกฺขสจฺจํ?

(ข) น ทุกฺขสจฺจํ น ทุกฺขํ?

(ก) น สมุทโย น สมุทยสจฺจํ?

(ข) น สมุทยสจฺจํ น สมุทโย?

(ก) น นิโรโธ น นิโรธสจฺจํ?

(ข) น นิโรธสจฺจํ น นิโรโธ?

(ก) น มคฺโค น มคฺคสจฺจํ?

(ข) น มคฺคสจฺจํ น มคฺโค?

๒. ปทโสธนมูลจกฺกวาโร

(ก) อนุโลมํ

๔. (ก) ทุกฺขํ ทุกฺขสจฺจํ?

(ข) สจฺจา สมุทยสจฺจํ?

(ก) ทุกฺขํ ทุกฺขสจฺจํ?

(ข) สจฺจา นิโรธสจฺจํ?

(ก) ทุกฺขํ ทุกฺขสจฺจํ?

(ข) สจฺจา มคฺคสจฺจํ?

(ก) สมุทโย สมุทยสจฺจํ?

(ข) สจฺจา ทุกฺขสจฺจํ?

(ก) สมุทโย สมุทยสจฺจํ?

(ข) สจฺจา นิโรธสจฺจํ?

(ก) สมุทโย สมุทยสจฺจํ?

(ข) สจฺจา มคฺคสจฺจํ?

(ก) นิโรโธ นิโรธสจฺจํ?

(ข) สจฺจา ทุกฺขสจฺจํ?

(ก) นิโรโธ นิโรธสจฺจํ?

(ข) สจฺจา สมุทยสจฺจํ?

(ก) นิโรโธ นิโรธสจฺจํ?

(ข) สจฺจา มคฺคสจฺจํ?

(ก) มคฺโค มคฺคสจฺจํ?

(ข) สจฺจา ทุกฺขสจฺจํ?

(ก) มคฺโค มคฺคสจฺจํ?

(ข) สจฺจา สมุทยสจฺจํ?

(ก) มคฺโค มคฺคสจฺจํ?

(ข) สจฺจา นิโรธสจฺจํ?

(ข) ปจฺจนีกํ

๕. (ก) น ทุกฺขํ น ทุกฺขสจฺจํ?

(ข) น สจฺจา น สมุทยสจฺจํ?

(ก) น ทุกฺขํ น ทุกฺขสจฺจํ?

(ข) น สจฺจา น นิโรธสจฺจํ?

(ก) น ทุกฺขํ น ทุกฺขสจฺจํ?

(ข) น สจฺจา น มคฺคสจฺจํ?

(ก) น สมุทโย น สมุทยสจฺจํ?

(ข) น สจฺจา น ทุกฺขสจฺจํ?

(ก) น สมุทโย น สมุทยสจฺจํ?

(ข) น สจฺจา น นิโรธสจฺจํ?

(ก) น สมุทโย น สมุทยสจฺจํ?

(ข) น สจฺจา น มคฺคสจฺจํ?

(ก) น นิโรโธ น นิโรธสจฺจํ?

(ข) น สจฺจา น ทุกฺขสจฺจํ?

(ก) น นิโรโธ น นิโรธสจฺจํ?

(ข) น สจฺจา น สมุทยสจฺจํ?

(ก) น นิโรโธ น นิโรธสจฺจํ?

(ข) น สจฺจา น มคฺคสจฺจํ?

(ก) น มคฺโค น มคฺคสจฺจํ?

(ข) น สจฺจา น ทุกฺขสจฺจํ?

(ก) น มคฺโค น มคฺคสจฺจํ?

(ข) น สจฺจา น สมุทยสจฺจํ?

(ก) น มคฺโค น มคฺคสจฺจํ?

(ข) น สจฺจา น นิโรธสจฺจํ?

๓. สุทฺธสจฺจวาโร

(ก) อนุโลมํ

๖. (ก) ทุกฺขํ สจฺจํ?

(ข) สจฺจา ทุกฺขํ?

(ก) สมุทโย สจฺจํ?

(ข) สจฺจา สมุทโย?

(ก) นิโรโธ สจฺจํ?

(ข) สจฺจา นิโรโธ?

(ก) มคฺโค สจฺจํ?

(ข) สจฺจา มคฺโค?

(ข) ปจฺจนีกํ

๗. (ก) น ทุกฺขํ น สจฺจํ?

(ข) น สจฺจา น ทุกฺขํ?

(ก) น สมุทโย น สจฺจํ?

(ข) น สจฺจา น สมุทโย?

(ก) น นิโรโธ น สจฺจํ?

(ข) น สจฺจา น นิโรโธ?

(ก) น มคฺโค น สจฺจํ?

(ข) น สจฺจา น มคฺโค?

๔. สุทฺธสจฺจมูลจกฺกวาโร

(ก) อนุโลมํ

๘. (ก) ทุกฺขํ สจฺจํ?

(ข) สจฺจา สมุทโย?

(ก) ทุกฺขํ สจฺจํ?

(ข) สจฺจา นิโรโธ?

(ก) ทุกฺขํ สจฺจํ?

(ข) สจฺจา มคฺโค?

สมุทโย สจฺจํ?

สจฺจา ทุกฺขํ?…เป… สจฺจา มคฺโค?

นิโรโธ สจฺจํ?

สจฺจา ทุกฺขํ?…เป… สจฺจา มคฺโค?

(ก) มคฺโค สจฺจํ?

(ข) สจฺจา ทุกฺขํ?

(ก) มคฺโค สจฺจํ?

(ข) สจฺจา สมุทโย?

(ก) มคฺโค สจฺจํ?

(ข) สจฺจา นิโรโธ?

(ข) ปจฺจนีกํ

๙. (ก) น ทุกฺขํ น สจฺจํ?

(ข) น สจฺจา น สมุทโย?

(ก) น ทุกฺขํ น สจฺจํ?

(ข) น สจฺจา น นิโรโธ?

(ก) น ทุกฺขํ น สจฺจํ?

(ข) น สจฺจา น มคฺโค?

น สมุทโย น สจฺจํ?

น สจฺจา น ทุกฺขํ?…เป… น สจฺจา น มคฺโค?

น นิโรโธ น สจฺจํ?

น สจฺจา น ทุกฺขํ?…เป… น สจฺจา น มคฺโค?

(ก) น มคฺโค น สจฺจํ?

(ข) น สจฺจา น ทุกฺขํ?

(ก) น มคฺโค น สจฺจํ?

(ข) น สจฺจา น สมุทโย?

(ก) น มคฺโค น สจฺจํ?

(ข) น สจฺจา น นิโรโธ?

ปณฺณตฺติอุทฺเทสวาโร.

๑. ปณฺณตฺติวาร

(ข) นิทฺเทโส

๑. ปทโสธนวาโร

(ก) อนุโลมํ

๑๐. (ก) ทุกฺขํ ทุกฺขสจฺจนฺติ? อามนฺตา.

(ข) ทุกฺขสจฺจํ ทุกฺขนฺติ?

กายิกํ ทุกฺขํ เจตสิกํ ทุกฺขํ ฐเปตฺวา อวเสสํ ทุกฺขสจฺจํ [อวเสสํ ทุกฺขสจฺจํ ทุกฺขสจฺจํ (สฺยา.) เอวมุปริปิ], น ทุกฺขํ. กายิกํ ทุกฺขํ เจตสิกํ ทุกฺขํ ทุกฺขญฺเจว ทุกฺขสจฺจญฺจ.

(ก) สมุทโย สมุทยสจฺจนฺติ?

สมุทยสจฺจํ ฐเปตฺวา อวเสโส สมุทโย, น สมุทยสจฺจํ. สมุทยสจฺจํ สมุทโย เจว สมุทยสจฺจญฺจ.

(ข) สมุทยสจฺจํ สมุทโยติ? อามนฺตา.

(ก) นิโรโธ นิโรธสจฺจนฺติ?

นิโรธสจฺจํ ฐเปตฺวา อวเสโส นิโรโธ, น นิโรธสจฺจํ. นิโรธสจฺจํ นิโรโธ เจว นิโรธสจฺจญฺจ.

(ข) นิโรธสจฺจํ นิโรโธติ? อามนฺตา.

(ก) มคฺโค มคฺคสจฺจนฺติ?

มคฺคสจฺจํ ฐเปตฺวา อวเสโส มคฺโค, น มคฺคสจฺจํ. มคฺคสจฺจํ มคฺโค เจว มคฺคสจฺจญฺจ.

(ข) มคฺคสจฺจํ มคฺโคติ? อามนฺตา.

(ข) ปจฺจนีกํ

๑๑. (ก) น ทุกฺขํ น ทุกฺขสจฺจนฺติ?

กายิกํ ทุกฺขํ เจตสิกํ ทุกฺขํ ฐเปตฺวา อวเสสํ น ทุกฺขํ [อวเสสํ ทุกฺขสจฺจํ น ทุกฺขํ (สี. สฺยา. ก.) เอวํ อวเสเสสุ ตีสุ สจฺเจสุ] ทุกฺขสจฺจํ. ทุกฺขญฺจ ทุกฺขสจฺจญฺจ ฐเปตฺวา อวเสสํ น เจว ทุกฺขํ น จ ทุกฺขสจฺจํ.

(ข) น ทุกฺขสจฺจํ น ทุกฺขนฺติ? อามนฺตา.

(ก) น สมุทโย น สมุทยสจฺจนฺติ? อามนฺตา.