๔. สุทฺธสจฺจมูลจกฺกวาโร

(ก) อนุโลมํ

๒๒. (ก) ทุกฺขํ สจฺจนฺติ? อามนฺตา.

(ข) สจฺจา สมุทยสจฺจนฺติ?

สมุทยสจฺจํ สจฺจญฺเจว สมุทยสจฺจญฺจ. อวเสสา สจฺจา น สมุทยสจฺจํ.

ทุกฺขํ สจฺจนฺติ? อามนฺตา.

สจฺจา นิโรธสจฺจนฺติ?…เป…. สจฺจา มคฺคสจฺจนฺติ?

มคฺคสจฺจํ สจฺจญฺเจว มคฺคสจฺจญฺจ. อวเสสา สจฺจา น มคฺคสจฺจํ.

สมุทโย สจฺจนฺติ? อามนฺตา.…เป….

นิโรโธ สจฺจนฺติ? อามนฺตา.…เป….

มคฺโค สจฺจนฺติ? อามนฺตา.

สจฺจา ทุกฺขสจฺจนฺติ?…เป… สจฺจา สมุทยสจฺจนฺติ? …เป… สจฺจา นิโรธสจฺจนฺติ?

นิโรธสจฺจํ สจฺจญฺเจว นิโรธสจฺจญฺจ. อวเสสา สจฺจา น นิโรธสจฺจํ.

(ข) ปจฺจนีกํ

๒๓. (ก) น ทุกฺขํ น สจฺจนฺติ?

ทุกฺขํ ฐเปตฺวา อวเสสา สจฺจา น ทุกฺขํ, สจฺจา. ทุกฺขญฺจ สจฺจญฺจ ฐเปตฺวา อวเสสา น เจว ทุกฺขํ น จ สจฺจา.

(ข) น สจฺจา น สมุทยสจฺจนฺติ? อามนฺตา.

น ทุกฺขํ น สจฺจนฺติ?

ทุกฺขํ ฐเปตฺวา อวเสสา สจฺจา น ทุกฺขํ, สจฺจา. ทุกฺขญฺจ สจฺจญฺจ ฐเปตฺวา อวเสสา น เจว ทุกฺขํ น จ สจฺจา.

น สจฺจา น นิโรธสจฺจนฺติ?…เป… น สจฺจา น มคฺคสจฺจนฺติ? อามนฺตา.

๒๔. น สมุทโย น สจฺจนฺติ?

สมุทยํ ฐเปตฺวา อวเสสา สจฺจา น สมุทโย, สจฺจา. สมุทยญฺจ สจฺจญฺจ ฐเปตฺวา อวเสสา น เจว สมุทโย น จ สจฺจา.

น สจฺจา น ทุกฺขสจฺจนฺติ?…เป….

๒๕. น นิโรโธ น สจฺจนฺติ?

นิโรธํ ฐเปตฺวา…เป….

๒๖. (ก) น มคฺโค น สจฺจนฺติ?

มคฺคํ ฐเปตฺวา อวเสสา สจฺจา น มคฺโค, สจฺจา. มคฺคญฺจ สจฺจญฺจ ฐเปตฺวา อวเสสา น เจว มคฺโค น จ สจฺจา.

(ข) น สจฺจา น ทุกฺขสจฺจนฺติ? อามนฺตา.

น มคฺโค น สจฺจนฺติ?

มคฺคํ ฐเปตฺวา อวเสสา สจฺจา น มคฺโค, สจฺจา. มคฺคญฺจ สจฺจญฺจ ฐเปตฺวา อวเสสา น เจว มคฺโค น จ สจฺจา.

น สจฺจา น สมุทยสจฺจนฺติ? อามนฺตา.…เป….

น สจฺจา น นิโรธสจฺจนฺติ? อามนฺตา.

ปณฺณตฺตินิทฺเทสวาโร.