๒. ปทโสธนมูลจกฺกวาโร

(ก) อนุโลมํ

๑๒. (ก) ทุกฺขํ ทุกฺขสจฺจนฺติ? อามนฺตา.

(ข) สจฺจา สมุทยสจฺจนฺติ?

สมุทยสจฺจํ สจฺจญฺเจว สมุทยสจฺจญฺจ. อวเสสา สจฺจา [อวเสสา สจฺจา สจฺจา (สฺยา.)] น สมุทยสจฺจํ.

ทุกฺขํ ทุกฺขสจฺจนฺติ? อามนฺตา.

สจฺจา นิโรธสจฺจนฺติ?…เป… สจฺจา มคฺคสจฺจนฺติ?

มคฺคสจฺจํ สจฺจญฺเจว มคฺคสจฺจญฺจ. อวเสสา สจฺจา น มคฺคสจฺจํ.

๑๓. สมุทโย สมุทยสจฺจนฺติ?

สมุทยสจฺจํ ฐเปตฺวา อวเสโส สมุทโย, น สมุทยสจฺจํ. สมุทยสจฺจํ สมุทโย เจว สมุทยสจฺจญฺจ. สจฺจา ทุกฺขสจฺจนฺติ? …เป… สจฺจา นิโรธสจฺจนฺติ?…เป… สจฺจา มคฺคสจฺจนฺติ?

มคฺคสจฺจํ สจฺจญฺเจว มคฺคสจฺจญฺจ. อวเสสา สจฺจา น มคฺคสจฺจํ.

๑๔. นิโรโธ นิโรธสจฺจนฺติ?

นิโรธสจฺจํ ฐเปตฺวา อวเสโส นิโรโธ, น นิโรธสจฺจํ. นิโรธสจฺจํ นิโรโธ เจว นิโรธสจฺจญฺจ.

สจฺจา ทุกฺขสจฺจนฺติ?…เป… สจฺจา สมุทยสจฺจนฺติ? …เป… สจฺจา มคฺคสจฺจนฺติ?

มคฺคสจฺจํ สจฺจญฺเจว มคฺคสจฺจญฺจ. อวเสสา สจฺจา น มคฺคสจฺจํ.

๑๕. มคฺโค มคฺคสจฺจนฺติ?

มคฺคสจฺจํ ฐเปตฺวา อวเสโส มคฺโค, น มคฺคสจฺจํ. มคฺคสจฺจํ มคฺโค เจว มคฺคสจฺจญฺจ.

สจฺจา ทุกฺขสจฺจนฺติ?…เป… สจฺจา สมุทยสจฺจนฺติ? …เป… สจฺจา นิโรธสจฺจนฺติ?

นิโรธสจฺจํ สจฺจญฺเจว นิโรธสจฺจญฺจ. อวเสสา สจฺจา น นิโรธสจฺจํ.

(ข) ปจฺจนีกํ

๑๖. (ก) น ทุกฺขํ น ทุกฺขสจฺจนฺติ?

กายิกํ ทุกฺขํ เจตสิกํ ทุกฺขํ ฐเปตฺวา อวเสสํ น ทุกฺขํ, ทุกฺขสจฺจํ. ทุกฺขญฺจ ทุกฺขสจฺจญฺจ ฐเปตฺวา อวเสสํ น เจว ทุกฺขํ น จ ทุกฺขสจฺจํ.

(ข) น สจฺจา น สมุทยสจฺจนฺติ? อามนฺตา.

น ทุกฺขํ น ทุกฺขสจฺจนฺติ?

กายิกํ ทุกฺขํ เจตสิกํ ทุกฺขํ ฐเปตฺวา อวเสสํ น ทุกฺขํ, ทุกฺขสจฺจํ. ทุกฺขญฺจ ทุกฺขสจฺจญฺจ ฐเปตฺวา อวเสสํ น เจว ทุกฺขํ น จ ทุกฺขสจฺจํ.

น สจฺจา น นิโรธสจฺจนฺติ?…เป… น สจฺจา น มคฺคสจฺจนฺติ? อามนฺตา.

๑๗. (ก) น สมุทโย น สมุทยสจฺจนฺติ? อามนฺตา.

(ข) น สจฺจา น ทุกฺขสจฺจนฺติ? อามนฺตา.

น สมุทโย น สมุทยสจฺจนฺติ? อามนฺตา.

น สจฺจา น นิโรธสจฺจนฺติ?…เป… น สจฺจา น มคฺคสจฺจนฺติ? อามนฺตา.

๑๘. น นิโรโธ น นิโรธสจฺจนฺติ? อามนฺตา.

น สจฺจา น ทุกฺขสจฺจนฺติ?…เป… น สจฺจา น สมุทยสจฺจนฺติ?…เป… น สจฺจา น มคฺคสจฺจนฺติ? อามนฺตา.

๑๙. (ก) น มคฺโค น มคฺคสจฺจนฺติ? อามนฺตา.

(ข) น สจฺจา น ทุกฺขสจฺจนฺติ? อามนฺตา.

น มคฺโค น มคฺคสจฺจนฺติ? อามนฺตา.

น สจฺจา น สมุทยสจฺจนฺติ?…เป… น สจฺจา น นิโรธสจฺจนฺติ? อามนฺตา.