๓. สุทฺธธาตุวาโร

(ก) อนุโลมํ

๑๔. (ก) จกฺขุ ธาตูติ? อามนฺตา.

(ข) ธาตู จกฺขุธาตูติ?

จกฺขุธาตุ ธาตุ เจว จกฺขุธาตุ จ. อวเสสา ธาตู น จกฺขุธาตุ.

โสตํ ธาตูติ? อามนฺตา.

ฆานํ…เป… ชิวฺหา… กาโย… รูปํ… สทฺโท… คนฺโธ… รโส… โผฏฺฐพฺโพ….

(ก) จกฺขุวิญฺญาณํ ธาตูติ? อามนฺตา.

(ข) ธาตู จกฺขุวิญฺญาณธาตูติ?

จกฺขุวิญฺญาณธาตุ ธาตุ เจว จกฺขุวิญฺญาณธาตุ จ. อวเสสา ธาตู น จกฺขุวิญฺญาณธาตุ. โสตวิญฺญาณํ…เป… ฆานวิญฺญาณํ… ชิวฺหาวิญฺญาณํ… กายวิญฺญาณํ….

(ก) มโน ธาตูติ? อามนฺตา.

(ข) ธาตู มโนธาตูติ?

มโนธาตุ ธาตุ เจว มโนธาตุ จ. อวเสสา ธาตู น มโนธาตุ.

(ก) มโนวิญฺญาณํ ธาตูติ? อามนฺตา.

(ข) ธาตู มโนวิญฺญาณธาตูติ?

มโนวิญฺญาณธาตุ ธาตุ เจว มโนวิญฺญาณธาตุ จ. อวเสสา ธาตู น มโนวิญฺญาณธาตุ.

(ก) ธมฺโม ธาตูติ? อามนฺตา.

(ข) ธาตู ธมฺมธาตูติ?

ธมฺมธาตุ ธาตุ เจว ธมฺมธาตุ จ. อวเสสา ธาตู น ธมฺมธาตุ.

(ข) ปจฺจนีกํ

๑๕. (ก) น จกฺขุ น ธาตูติ?

จกฺขุํ ฐเปตฺวา อวเสสา ธาตู น จกฺขุ, ธาตุ. จกฺขุญฺจ ธาตุญฺจ ฐเปตฺวา อวเสสา น เจว จกฺขุ น จ ธาตู.

(ข) น ธาตู น จกฺขูติ? อามนฺตา.

น โสตํ น ธาตูติ?

โสตํ ฐเปตฺวา…เป… ฆานํ ฐเปตฺวา…เป… ชิวฺห ฐเปตฺวา…เป….

(ก) น กาโย น ธาตูติ? อามนฺตา.

(ข) น ธาตู น กายธาตูติ? อามนฺตา.

น รูปํ น ธาตูติ?

รูปํ ฐเปตฺวา…เป… สทฺทํ… คนฺธํ… รสํ… โผฏฺฐพฺพํ… จกฺขุวิญฺญาณํ…เป… มโนวิญฺญาณํ ฐเปตฺวา…เป….

(ก) น ธมฺโม น ธาตูติ? อามนฺตา.

(ข) น ธาตู น ธมฺมธาตูติ? อามนฺตา.