๔. สุทฺธธาตุมูลจกฺกวาโร

(ก) อนุโลมํ

๑๖. (ก) จกฺขุ ธาตูติ? อามนฺตา.

(ข) ธาตู โสตธาตูติ?

โสตธาตุ ธาตุ เจว โสตธาตุ จ. อวเสสา ธาตู น โสตธาตุ.

จกฺขุ ธาตูติ? อามนฺตา.

ธาตู ฆานธาตุ…เป… ธาตู ธมฺมธาตูติ?

ธมฺมธาตุ ธาตุ เจว ธมฺมธาตุ จ. อวเสสา ธาตู น ธมฺมธาตุ. (จกฺกํ พนฺธิตพฺพํ).

(ข) ปจฺจนีกํ

๑๗. (ก) น จกฺขุ น ธาตูติ?

จกฺขุํ ฐเปตฺวา อวเสสา ธาตู น จกฺขุธาตุ. จกฺขุญฺจ ธาตุญฺจ ฐเปตฺวา อวเสสา น เจว จกฺขุ น จ ธาตุ.

(ข) น ธาตู น โสตธาตูติ? อามนฺตา.

น จกฺขุ น ธาตูติ?

จกฺขุํ ฐเปตฺวา อวเสสา ธาตู น จกฺขุ, ธาตุ. จกฺขุ จ ธาตุญฺจ ฐเปตฺวา อวเสสา น เจว จกฺขุ น จ ธาตุ. น ธาตู น ฆานธาตุ…เป… น ธาตู น ธมฺมธาตูติ? อามนฺตา.

(ก) น ธมฺโม น ธาตูติ? อามนฺตา.

(ข) น ธาตู น จกฺขุธาตูติ? อามนฺตา.

น ธมฺโม น ธาตูติ? อามนฺตา.

น ธาตู น โสตธาตุ…เป… น ธาตู น มโนวิญฺญาณธาตูติ? อามนฺตา. (จกฺกํ พนฺธิตพฺพํ).

(ยถา อายตนยมกสฺส ปณฺณตฺติ เอวํ ธาตุยมกสฺส ปณฺณตฺติ วิตฺถาเรตพฺพา)

ปณฺณตฺตินิทฺเทสวาโร.