๒. ปทโสธนมูลจกฺกวาโร

(ก) อนุโลมํ

๑๒. (ก) จกฺขุ จกฺขุธาตูติ?

ทิพฺพจกฺขุ ปญฺญาจกฺขุ จกฺขุ, น จกฺขุธาตุ. จกฺขุธาตุ จกฺขุ เจว จกฺขุธาตุ จ.

(ข) ธาตู โสตธาตูติ?

โสตธาตุ ธาตุ เจว โสตธาตุ จ. อวเสสา ธาตู [อวเสสา ธาตู ธาตู (สฺยา.)] น โสตธาตุ.

(ก) จกฺขุ จกฺขุธาตูติ?

ทิพฺพจกฺขุ ปญฺญาจกฺขุ จกฺขุ, น จกฺขุธาตุ. จกฺขุธาตุ จกฺขุ เจว จกฺขุธาตุ จ. ธาตู ฆานธาตุ…เป… ธาตู ธมฺมธาตูติ?

ธมฺมธาตุ ธาตุ เจว ธมฺมธาตุ จ. อวเสสา ธาตู น ธมฺมธาตุ.

(ยถา อายตนยมเก ปณฺณตฺติ เอวํ ธาตุยมเกปิ ปณฺณตฺติ. จกฺกํ พนฺธิตพฺพํ).

(ข) ปจฺจนีกํ

๑๓. (ก) น จกฺขุ น จกฺขุธาตูติ? อามนฺตา.

(ข) น ธาตู น โสตธาตูติ? อามนฺตา.

น จกฺขุ น จกฺขุธาตูติ? อามนฺตา.

น ธาตู น ฆานธาตุ…เป… น ธาตู น ธมฺมธาตูติ? อามนฺตา.

(จกฺกํ พนฺธิตพฺพํ, สพฺเพ อามนฺตา อุภโตปิ เสเสปิ).