๑. ปจฺจยานุโลมํ

เหตุปจฺจโย

๓๙. เสกฺขํ ธมฺมํ ปฏิจฺจ นเสกฺโข ธมฺโม อุปฺปชฺชติ เหตุปจฺจยา. เสกฺขํ ธมฺมํ ปฏิจฺจ นอเสกฺโข ธมฺโม อุปฺปชฺชติ เหตุปจฺจยา. เสกฺขํ ธมฺมํ ปฏิจฺจ นเนวเสกฺขนาเสกฺโข ธมฺโม อุปฺปชฺชติ เหตุปจฺจยา. เสกฺขํ ธมฺมํ ปฏิจฺจ นอเสกฺโข จ นเนวเสกฺขนาเสกฺโข จ ธมฺมา อุปฺปชฺชนฺติ เหตุปจฺจยา. เสกฺขํ ธมฺมํ ปฏิจฺจ นเสกฺโข จ นอเสกฺโข จ ธมฺมา อุปฺปชฺชนฺติ เหตุปจฺจยา. (๕)

อเสกฺขํ ธมฺมํ ปฏิจฺจ นอเสกฺโข ธมฺโม อุปฺปชฺชติ เหตุปจฺจยา. อเสกฺขํ ธมฺมํ ปฏิจฺจ นเสกฺโข ธมฺโม อุปฺปชฺชติ เหตุปจฺจยา. อเสกฺขํ ธมฺมํ ปฏิจฺจ นเนวเสกฺขนาเสกฺโข ธมฺโม อุปฺปชฺชติ เหตุปจฺจยา. อเสกฺขํ ธมฺมํ ปฏิจฺจ นเสกฺโข จ นเนวเสกฺขนาเสกฺโข จ ธมฺมา อุปฺปชฺชนฺติ เหตุปจฺจยา. อเสกฺขํ ธมฺมํ ปฏิจฺจ นเสกฺโข จ นอเสกฺโข จ ธมฺมา อุปฺปชฺชนฺติ เหตุปจฺจยา. (๕)

เนวเสกฺขนาเสกฺขํ ธมฺมํ ปฏิจฺจ นเสกฺโข ธมฺโม อุปฺปชฺชติ เหตุปจฺจยา. เนวเสกฺขนาเสกฺขํ ธมฺมํ ปฏิจฺจ นอเสกฺโข ธมฺโม อุปฺปชฺชติ เหตุปจฺจยา. เนวเสกฺขนาเสกฺขํ ธมฺมํ ปฏิจฺจ นเสกฺโข จ นอเสกฺโข จ ธมฺมา อุปฺปชฺชนฺติ เหตุปจฺจยา. (๓)

เสกฺขญฺจ เนวเสกฺขนาเสกฺขญฺจ ธมฺมํ ปฏิจฺจ นเสกฺโข ธมฺโม อุปฺปชฺชติ เหตุปจฺจยา. เสกฺขญฺจ เนวเสกฺขนาเสกฺขญฺจ ธมฺมํ ปฏิจฺจ นอเสกฺโข ธมฺโม อุปฺปชฺชติ เหตุปจฺจยา. เสกฺขญฺจ เนวเสกฺขนาเสกฺขญฺจ ธมฺมํ ปฏิจฺจ นเสกฺโข จ นอเสกฺโข จ ธมฺมา อุปฺปชฺชนฺติ เหตุปจฺจยา. (๓)

อเสกฺขญฺจ เนวเสกฺขนาเสกฺขญฺจ ธมฺมํ ปฏิจฺจ นเสกฺโข ธมฺโม อุปฺปชฺชติ เหตุปจฺจยา. อเสกฺขญฺจ เนวเสกฺขนาเสกฺขญฺจ ธมฺมํ ปฏิจฺจ นอเสกฺโข ธมฺโม อุปฺปชฺชติ เหตุปจฺจยา. อเสกฺขญฺจ เนวเสกฺขนาเสกฺขญฺจ ธมฺมํ ปฏิจฺจ นเสกฺโข จ นอเสกฺโข จ ธมฺมา อุปฺปชฺชนฺติ เหตุปจฺจยา. (๓) (สํขิตฺตํ.)

เหตุยา เอกูนวีส. (สพฺพตฺถ วิตฺถาโร.)