ธมฺมานุโลมปจฺจนีเย ติกปฏฺฐานํ

๑. กุสลตฺติกํ

๑-๖. ปฏิจฺจวาราทิ

ปจฺจยจตุกฺกํ

เหตุปจฺจโย

๑. กุสลํ ธมฺมํ ปฏิจฺจ นกุสโล ธมฺโม อุปฺปชฺชติ เหตุปจฺจยา – กุสเล ขนฺเธ ปฏิจฺจ จิตฺตสมุฏฺฐานํ รูปํ. กุสลํ ธมฺมํ ปฏิจฺจ นอกุสโล ธมฺโม อุปฺปชฺชติ เหตุปจฺจยา – กุสลํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป… กุสลํ ธมฺมํ ปฏิจฺจ นอพฺยากโต ธมฺโม อุปฺปชฺชติ เหตุปจฺจยา – กุสลํ เอกํ ขนฺธํ ปฏิจฺจ ตโย ขนฺธา…เป… กุสลํ ธมฺมํ ปฏิจฺจ นอกุสโล จ นอพฺยากโต จ ธมฺมา อุปฺปชฺชนฺติ เหตุปจฺจยา – กุสลํ เอกํ ขนฺธํ ปฏิจฺจ ตโย ขนฺธา…เป… กุสลํ ธมฺมํ ปฏิจฺจ นกุสโล จ นอกุสโล จ ธมฺมา อุปฺปชฺชนฺติ เหตุปจฺจยา – กุสเล ขนฺเธ ปฏิจฺจ จิตฺตสมุฏฺฐานํ รูปํ. (๕)

๒. อกุสลํ ธมฺมํ ปฏิจฺจ นอกุสโล ธมฺโม อุปฺปชฺชติ เหตุปจฺจยา – อกุสเล ขนฺเธ ปฏิจฺจ จิตฺตสมุฏฺฐานํ รูปํ. อกุสลํ ธมฺมํ ปฏิจฺจ นกุสโล ธมฺโม อุปฺปชฺชติ เหตุปจฺจยา – อกุสลํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป… อกุสลํ ธมฺมํ ปฏิจฺจ นอพฺยากโต ธมฺโม อุปฺปชฺชติ เหตุปจฺจยา. อกุสลํ ธมฺมํ ปฏิจฺจ นกุสโล จ นอพฺยากโต จ ธมฺมา อุปฺปชฺชนฺติ เหตุปจฺจยา. อกุสลํ ธมฺมํ ปฏิจฺจ นกุสโล จ นอกุสโล จ ธมฺมา อุปฺปชฺชนฺติ เหตุปจฺจยา. (๕)

๓. อพฺยากตํ ธมฺมํ ปฏิจฺจ นกุสโล ธมฺโม อุปฺปชฺชติ เหตุปจฺจยา – วิปากาพฺยากตํ กิริยาพฺยากตํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป… ปฏิสนฺธิกฺขเณ…เป… เอกํ มหาภูตํ ปฏิจฺจ ตโย มหาภูตา…เป… เทฺว มหาภูเต ปฏิจฺจ เทฺว มหาภูตา, มหาภูเต ปฏิจฺจ จิตฺตสมุฏฺฐานํ รูปํ. อพฺยากตํ ธมฺมํ ปฏิจฺจ นอกุสโล ธมฺโม อุปฺปชฺชติ เหตุปจฺจยา – วิปากาพฺยากตํ…เป… ปฏิสนฺธิกฺขเณ…เป… มหาภูตํ…เป… อพฺยากตํ ธมฺมํ ปฏิจฺจ นกุสโล จ นอกุสโล จ ธมฺมา อุปฺปชฺชนฺติ เหตุปจฺจยา – วิปากาพฺยากตํ กิริยาพฺยากตํ…เป…. (๓) (สํขิตฺตํ.)

๔. กุสลญฺจ อพฺยากตญฺจ ธมฺมํ ปฏิจฺจ นกุสโล ธมฺโม อุปฺปชฺชติ เหตุปจฺจยา – กุสเล ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํ. กุสลญฺจ อพฺยากตญฺจ ธมฺมํ ปฏิจฺจ นอกุสโล ธมฺโม อุปฺปชฺชติ เหตุปจฺจยา. กุสลญฺจ อพฺยากตญฺจ ธมฺมํ ปฏิจฺจ นกุสโล จ นอกุสโล จ ธมฺมา อุปฺปชฺชนฺติ เหตุปจฺจยา. (๓)

อกุสลญฺจ อพฺยากตญฺจ ธมฺมํ ปฏิจฺจ นกุสโล ธมฺโม อุปฺปชฺชติ เหตุปจฺจยา. อกุสลญฺจ อพฺยากตญฺจ ธมฺมํ ปฏิจฺจ นอกุสโล ธมฺโม อุปฺปชฺชติ เหตุปจฺจยา. อกุสลญฺจ อพฺยากตญฺจ ธมฺมํ ปฏิจฺจ นกุสโล จ นอกุสโล จ ธมฺมา อุปฺปชฺชนฺติ เหตุปจฺจยา. (๓) (จิตฺตสมุฏฺฐานรูปเมว เอตฺถ วตฺตติ, เอกูนวีสติ ปญฺหา กาตพฺพา.)

อารมฺมณปจฺจโย

๕. กุสลํ ธมฺมํ ปฏิจฺจ นอกุสโล ธมฺโม อุปฺปชฺชติ อารมฺมณปจฺจยา. กุสลํ ธมฺมํ ปฏิจฺจ นอพฺยากโต ธมฺโม อุปฺปชฺชติ อารมฺมณปจฺจยา. กุสลํ ธมฺมํ ปฏิจฺจ นอกุสโล จ นอพฺยากโต จ ธมฺมา อุปฺปชฺชนฺติ อารมฺมณปจฺจยา. (๓)

อกุสลํ ธมฺมํ ปฏิจฺจ นกุสโล ธมฺโม อุปฺปชฺชติ อารมฺมณปจฺจยา. อกุสลํ ธมฺมํ ปฏิจฺจ นอพฺยากโต ธมฺโม อุปฺปชฺชติ อารมฺมณปจฺจยา. อกุสลํ ธมฺมํ ปฏิจฺจ นกุสโล จ นอพฺยากโต จ ธมฺมา อุปฺปชฺชนฺติ อารมฺมณปจฺจยา. (๓)

อพฺยากตํ ธมฺมํ ปฏิจฺจ นกุสโล ธมฺโม อุปฺปชฺชติ อารมฺมณปจฺจยา. อพฺยากตํ ธมฺมํ ปฏิจฺจ นอกุสโล ธมฺโม อุปฺปชฺชติ อารมฺมณปจฺจยา. อพฺยากตํ ธมฺมํ ปฏิจฺจ นกุสโล จ นอกุสโล จ ธมฺมา อุปฺปชฺชนฺติ อารมฺมณปจฺจยา. (๓) (สํขิตฺตํ.)

เหตุยา เอกูนวีส, อารมฺมเณ นว, อธิปติยา เอกูนวีส, อนนฺตเร นว, สมนนฺตเร นว, สหชาเต เอกูนวีส…เป… อวิคเต เอกูนวีส.

ปจฺจนียํ

นเหตุ-นอารมฺมณปจฺจยา

๖. อกุสลํ ธมฺมํ ปฏิจฺจ นกุสโล ธมฺโม อุปฺปชฺชติ นเหตุปจฺจยา. อกุสลํ ธมฺมํ ปฏิจฺจ นอพฺยากโต ธมฺโม อุปฺปชฺชติ นเหตุปจฺจยา. อกุสลํ ธมฺมํ ปฏิจฺจ นกุสโล จ นอพฺยากโต จ ธมฺมา อุปฺปชฺชนฺติ นเหตุปจฺจยา. (๓)

อพฺยากตํ ธมฺมํ ปฏิจฺจ นกุสโล ธมฺโม อุปฺปชฺชติ นเหตุปจฺจยา. อพฺยากตํ ธมฺมํ ปฏิจฺจ นอกุสโล ธมฺโม อุปฺปชฺชติ นเหตุปจฺจยา. อพฺยากตํ ธมฺมํ ปฏิจฺจ นกุสโล จ นอกุสโล จ ธมฺมา อุปฺปชฺชนฺติ นเหตุปจฺจยา. (๓)

๗. กุสลํ ธมฺมํ ปฏิจฺจ นกุสโล ธมฺโม อุปฺปชฺชติ นอารมฺมณปจฺจยา. กุสลํ ธมฺมํ ปฏิจฺจ นอกุสโล ธมฺโม อุปฺปชฺชติ นอารมฺมณปจฺจยา. กุสลํ ธมฺมํ ปฏิจฺจ นกุสโล จ นอกุสโล จ ธมฺมา อุปฺปชฺชนฺติ นอารมฺมณปจฺจยา. (๓)

อกุสลํ ธมฺมํ ปฏิจฺจ นอกุสโล ธมฺโม อุปฺปชฺชติ นอารมฺมณปจฺจยา. อกุสลํ ธมฺมํ ปฏิจฺจ นกุสโล ธมฺโม อุปฺปชฺชติ นอารมฺมณปจฺจยา. อกุสลํ ธมฺมํ ปฏิจฺจ นกุสโล จ นอกุสโล จ ธมฺมา อุปฺปชฺชนฺติ นอารมฺมณปจฺจยา. (๓) (สํขิตฺตํ.)

นเหตุยา ฉ, นอารมฺมเณ ปนฺนรส, นอธิปติยา เอกูนวีส…เป… โนวิคเต ปนฺนรส.

(ปจฺจนียํ วิตฺถาเรตพฺพํ. สหชาตวารมฺปิ ปจฺจยวารมฺปิ วิตฺถาเรตพฺพํ. ปจฺจยวาเรปิ เหตุยา ฉพฺพีส, อารมฺมเณ อฏฺฐารส…เป… อวิคเต ฉพฺพีส. นิสฺสยวารมฺปิ สํสฏฺฐวารมฺปิ สมฺปยุตฺตวารมฺปิ ปฏิจฺจวารสทิสํ.)

๑. กุสลตฺติกํ

๗. ปญฺหาวาโร

ปจฺจยจตุกฺกํ

เหตุ-อารมฺมณปจฺจยา

๘. กุสโล ธมฺโม นกุสลสฺส ธมฺมสฺส เหตุปจฺจเยน ปจฺจโย. กุสโล ธมฺโม นอกุสลสฺส ธมฺมสฺส เหตุปจฺจเยน ปจฺจโย. กุสโล ธมฺโม นอพฺยากตสฺส ธมฺมสฺส เหตุปจฺจเยน ปจฺจโย. กุสโล ธมฺโม นอกุสลสฺส จ นอพฺยากตสฺส จ ธมฺมสฺส เหตุปจฺจเยน ปจฺจโย. กุสโล ธมฺโม นกุสลสฺส จ นอกุสลสฺส จ ธมฺมสฺส เหตุปจฺจเยน ปจฺจโย. (๕)

๙. อกุสโล ธมฺโม นอกุสลสฺส ธมฺมสฺส เหตุปจฺจเยน ปจฺจโย. อกุสโล ธมฺโม นกุสลสฺส ธมฺมสฺส เหตุปจฺจเยน ปจฺจโย. อกุสโล ธมฺโม นอพฺยากตสฺส ธมฺมสฺส เหตุปจฺจเยน ปจฺจโย. อกุสโล ธมฺโม นกุสลสฺส จ นอพฺยากตสฺส จ ธมฺมสฺส เหตุปจฺจเยน ปจฺจโย. อกุสโล ธมฺโม นกุสลสฺส จ นอกุสลสฺส จ ธมฺมสฺส เหตุปจฺจเยน ปจฺจโย. (๕)

อพฺยากโต ธมฺโม นกุสลสฺส ธมฺมสฺส เหตุปจฺจเยน ปจฺจโย. อพฺยากโต ธมฺโม นอกุสลสฺส ธมฺมสฺส เหตุปจฺจเยน ปจฺจโย. อพฺยากโต ธมฺโม นกุสลสฺส จ นอกุสลสฺส จ ธมฺมสฺส เหตุปจฺจเยน ปจฺจโย. (๓)

๑๐. กุสโล ธมฺโม นกุสลสฺส ธมฺมสฺส อารมฺมณปจฺจเยน ปจฺจโย…. (ฉ ปญฺหา.)

อกุสโล ธมฺโม นอกุสลสฺส ธมฺมสฺส อารมฺมณปจฺจเยน ปจฺจโย …. (ฉ ปญฺหา.)

อพฺยากโต ธมฺโม นอพฺยากตสฺส ธมฺมสฺส อารมฺมณปจฺจเยน ปจฺจโย…. (ฉ ปญฺหา, สํขิตฺตํ.)

๑๑. เหตุยา เตรส, อารมฺมเณ อฏฺฐารส, อธิปติยา สตฺตรส, อนนฺตเร โสฬส, สมนนฺตเร โสฬส, สหชาเต เอกูนวีส, อญฺญมญฺเญ นว, นิสฺสเย ฉพฺพีส, อุปนิสฺสเย อฏฺฐารส, ปุเรชาเต ฉ, ปจฺฉาชาเต นว, อาเสวเน นว, กมฺเม เตรส, วิปาเก ตีณิ, อาหาเร เตรส…เป… มคฺเค เตรส, สมฺปยุตฺเต นว, วิปฺปยุตฺเต ทฺวาทส…เป… อวิคเต ฉพฺพีส. (ปญฺหาวารํ วิตฺถาเรตพฺพํ.)

๒. เวทนาตฺติกํ

๑-๖. ปฏิจฺจวาราทิ

ปจฺจยจตุกฺกํ

เหตุปจฺจโย

๑๒. สุขาย เวทนาย สมฺปยุตฺตํ ธมฺมํ ปฏิจฺจ นสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา – สุขาย เวทนาย สมฺปยุตฺเต ขนฺเธ ปฏิจฺจ สุขเวทนา จิตฺตสมุฏฺฐานญฺจ รูปํ; ปฏิสนฺธิกฺขเณ…เป… (มหาภูตา นตฺถิ). สุขาย เวทนาย สมฺปยุตฺตํ ธมฺมํ ปฏิจฺจ นทุกฺขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา – สุขาย เวทนาย สมฺปยุตฺตํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป… สุขาย เวทนาย สมฺปยุตฺตํ ธมฺมํ ปฏิจฺจ นอทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. สุขาย เวทนาย สมฺปยุตฺตํ ธมฺมํ ปฏิจฺจ นสุขาย เวทนาย สมฺปยุตฺโต จ นอทุกฺขมสุขาย เวทนาย สมฺปยุตฺโต จ ธมฺมา อุปฺปชฺชนฺติ เหตุปจฺจยา. สุขาย เวทนาย สมฺปยุตฺตํ ธมฺมํ ปฏิจฺจ นทุกฺขาย เวทนาย สมฺปยุตฺโต จ นอทุกฺขมสุขาย เวทนาย สมฺปยุตฺโต จ ธมฺมา อุปฺปชฺชนฺติ เหตุปจฺจยา. สุขาย เวทนาย สมฺปยุตฺตํ ธมฺมํ ปฏิจฺจ นสุขาย เวทนาย สมฺปยุตฺโต จ นทุกฺขาย เวทนาย สมฺปยุตฺโต จ ธมฺมา อุปฺปชฺชนฺติ เหตุปจฺจยา. สุขาย เวทนาย สมฺปยุตฺตํ ธมฺมํ ปฏิจฺจ นสุขาย เวทนาย สมฺปยุตฺโต จ นทุกฺขาย เวทนาย สมฺปยุตฺโต จ นอทุกฺขมสุขาย เวทนาย สมฺปยุตฺโต จ ธมฺมา อุปฺปชฺชนฺติ เหตุปจฺจยา. (๗)

๑๓. ทุกฺขาย เวทนาย สมฺปยุตฺตํ ธมฺมํ ปฏิจฺจ นทุกฺขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. ทุกฺขาย เวทนาย สมฺปยุตฺตํ ธมฺมํ ปฏิจฺจ นสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. ทุกฺขาย เวทนาย สมฺปยุตฺตํ ธมฺมํ ปฏิจฺจ นอทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. ทุกฺขาย เวทนาย สมฺปยุตฺตํ ธมฺมํ ปฏิจฺจ นสุขาย เวทนาย สมฺปยุตฺโต จ นอทุกฺขมสุขาย เวทนาย สมฺปยุตฺโต จ ธมฺมา อุปฺปชฺชนฺติ เหตุปจฺจยา. ทุกฺขาย เวทนาย สมฺปยุตฺตํ ธมฺมํ ปฏิจฺจ นทุกฺขาย เวทนาย สมฺปยุตฺโต จ นอทุกฺขมสุขาย เวทนาย สมฺปยุตฺโต จ ธมฺมา อุปฺปชฺชนฺติ เหตุปจฺจยา. ทุกฺขาย เวทนาย สมฺปยุตฺตํ ธมฺมํ ปฏิจฺจ นสุขาย เวทนาย สมฺปยุตฺโต จ นทุกฺขาย เวทนาย สมฺปยุตฺโต จ ธมฺมา อุปฺปชฺชนฺติ เหตุปจฺจยา. ทุกฺขาย เวทนาย สมฺปยุตฺตํ ธมฺมํ ปฏิจฺจ นสุขาย เวทนาย สมฺปยุตฺโต จ นทุกฺขาย เวทนาย สมฺปยุตฺโต จ นอทุกฺขมสุขาย เวทนาย สมฺปยุตฺโต จ ธมฺมา อุปฺปชฺชนฺติ เหตุปจฺจยา. (๗)

๑๔. อทุกฺขมสุขาย เวทนาย สมฺปยุตฺตํ ธมฺมํ ปฏิจฺจ นอทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. อทุกฺขมสุขาย เวทนาย สมฺปยุตฺตํ ธมฺมํ ปฏิจฺจ นสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. อทุกฺขมสุขาย เวทนาย สมฺปยุตฺตํ ธมฺมํ ปฏิจฺจ นทุกฺขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. อทุกฺขมสุขาย เวทนาย สมฺปยุตฺตํ ธมฺมํ ปฏิจฺจ นสุขาย เวทนาย สมฺปยุตฺโต จ นอทุกฺขมสุขาย เวทนาย สมฺปยุตฺโต จ ธมฺมา อุปฺปชฺชนฺติ เหตุปจฺจยา. อทุกฺขมสุขาย เวทนาย สมฺปยุตฺตํ ธมฺมํ ปฏิจฺจ นทุกฺขาย เวทนาย สมฺปยุตฺโต จ นอทุกฺขมสุขาย เวทนาย สมฺปยุตฺโต จ ธมฺมา อุปฺปชฺชนฺติ เหตุปจฺจยา. อทุกฺขมสุขาย เวทนาย สมฺปยุตฺตํ ธมฺมํ ปฏิจฺจ นสุขาย เวทนาย สมฺปยุตฺโต จ นทุกฺขาย เวทนาย สมฺปยุตฺโต จ ธมฺมา อุปฺปชฺชนฺติ เหตุปจฺจยา. อทุกฺขมสุขาย เวทนาย สมฺปยุตฺตํ ธมฺมํ ปฏิจฺจ นสุขาย เวทนาย สมฺปยุตฺโต จ นทุกฺขาย เวทนาย สมฺปยุตฺโต จ นอทุกฺขมสุขาย เวทนาย สมฺปยุตฺโต จ ธมฺมา อุปฺปชฺชนฺติ เหตุปจฺจยา. (๗) (สํขิตฺตํ.)

เหตุยา เอกวีส, อารมฺมเณ เอกวีส…เป… อวิคเต เอกวีส.

ปจฺจนียํ

นเหตุปจฺจโย

๑๕. สุขาย เวทนาย สมฺปยุตฺตํ ธมฺมํ ปฏิจฺจ นสุขาย เวทนาย สมฺปยุตฺโต ธมฺโม อุปฺปชฺชติ นเหตุปจฺจยา. (สํขิตฺตํ.)

นเหตุยา เอกวีส, นอารมฺมเณ เอกวีส…เป… นวิปฺปยุตฺเต จุทฺทส…เป… โนวิคเต เอกวีส.

(สหชาตวารมฺปิ ปจฺจยวารมฺปิ นิสฺสยวารมฺปิ สํสฏฺฐวารมฺปิ สมฺปยุตฺตวารมฺปิ ปฏิจฺจวารสทิสํ.)

๒. เวทนาตฺติกํ

๗. ปญฺหาวาโร

ปจฺจยจตุกฺกํ

เหตุปจฺจโย

๑๖. สุขาย เวทนาย สมฺปยุตฺโต ธมฺโม นสุขาย เวทนาย สมฺปยุตฺตสฺส ธมฺมสฺส เหตุปจฺจเยน ปจฺจโย. สุขาย เวทนาย สมฺปยุตฺโต ธมฺโม นทุกฺขาย เวทนาย สมฺปยุตฺตสฺส ธมฺมสฺส เหตุปจฺจเยน ปจฺจโย. สุขาย เวทนาย สมฺปยุตฺโต ธมฺโม นอทุกฺขมสุขาย เวทนาย สมฺปยุตฺตสฺส ธมฺมสฺส เหตุปจฺจเยน ปจฺจโย. สุขาย เวทนาย สมฺปยุตฺโต ธมฺโม นสุขาย เวทนาย สมฺปยุตฺตสฺส จ นอทุกฺขมสุขาย เวทนาย สมฺปยุตฺตสฺส จ ธมฺมสฺส เหตุปจฺจเยน ปจฺจโย. สุขาย เวทนาย สมฺปยุตฺโต ธมฺโม นทุกฺขาย เวทนาย สมฺปยุตฺตสฺส จ นอทุกฺขมสุขาย เวทนาย สมฺปยุตฺตสฺส จ ธมฺมสฺส เหตุปจฺจเยน ปจฺจโย. สุขาย เวทนาย สมฺปยุตฺโต ธมฺโม นสุขาย เวทนาย สมฺปยุตฺตสฺส จ นทุกฺขาย เวทนาย สมฺปยุตฺตสฺส จ ธมฺมสฺส เหตุปจฺจเยน ปจฺจโย. สุขาย เวทนาย สมฺปยุตฺโต ธมฺโม นสุขาย เวทนาย สมฺปยุตฺตสฺส จ นทุกฺขาย เวทนาย สมฺปยุตฺตสฺส จ นอทุกฺขมสุขาย เวทนาย สมฺปยุตฺตสฺส จ ธมฺมสฺส เหตุปจฺจเยน ปจฺจโย. (๗) (สํขิตฺตํ.)

เหตุยา เอกวีส, อารมฺมเณ เอกวีส…เป… อวิคเต เอกวีส. (ปญฺหาวารํ วิตฺถาเรตพฺพํ.)

๓. วิปากตฺติกํ

๑-๖. ปฏิจฺจวาราทิ

ปจฺจยจตุกฺกํ

เหตุ-อารมฺมณปจฺจยา

๑๗. วิปากํ ธมฺมํ ปฏิจฺจ นวิปาโก ธมฺโม อุปฺปชฺชติ เหตุปจฺจยา. วิปากํ ธมฺมํ ปฏิจฺจ นวิปากธมฺมธมฺโม อุปฺปชฺชติ เหตุปจฺจยา. วิปากํ ธมฺมํ ปฏิจฺจ นเนววิปากนวิปากธมฺมธมฺโม อุปฺปชฺชติ เหตุปจฺจยา. วิปากํ ธมฺมํ ปฏิจฺจ นวิปากธมฺมธมฺโม จ นเนววิปากนวิปากธมฺมธมฺโม จ ธมฺมา อุปฺปชฺชนฺติ เหตุปจฺจยา. วิปากํ ธมฺมํ ปฏิจฺจ นวิปาโก จ นวิปากธมฺมธมฺโม จ ธมฺมา อุปฺปชฺชนฺติ เหตุปจฺจยา. (ปญฺจ ปญฺหา.)

๑๘. วิปากธมฺมธมฺมํ ปฏิจฺจ นวิปากธมฺมธมฺโม อุปฺปชฺชติ เหตุปจฺจยา. วิปากธมฺมธมฺมํ ปฏิจฺจ นวิปาโก ธมฺโม อุปฺปชฺชติ เหตุปจฺจยา. วิปากธมฺมธมฺมํ ปฏิจฺจ นเนววิปากนวิปากธมฺมธมฺโม อุปฺปชฺชติ เหตุปจฺจยา. วิปากธมฺมธมฺมํ ปฏิจฺจ นวิปาโก จ นเนววิปากนวิปากธมฺมธมฺโม จ ธมฺมา อุปฺปชฺชนฺติ เหตุปจฺจยา. วิปากธมฺมธมฺมํ ปฏิจฺจ นวิปาโก จ นวิปากธมฺมธมฺโม จ ธมฺมา อุปฺปชฺชนฺติ เหตุปจฺจยา. (ปญฺจ ปญฺหา.)

๑๙. เนววิปากนวิปากธมฺมธมฺมํ ปฏิจฺจ นเนววิปากนวิปากธมฺมธมฺโม อุปฺปชฺชติ เหตุปจฺจยา. เนววิปากนวิปากธมฺมธมฺมํ ปฏิจฺจ นวิปาโก ธมฺโม อุปฺปชฺชติ เหตุปจฺจยา. เนววิปากนวิปากธมฺมธมฺมํ ปฏิจฺจ นวิปากธมฺมธมฺโม อุปฺปชฺชติ เหตุปจฺจยา. เนววิปากนวิปากธมฺมธมฺมํ ปฏิจฺจ นวิปากธมฺมธมฺโม จ นเนววิปากนวิปากธมฺมธมฺโม จ ธมฺมา อุปฺปชฺชนฺติ เหตุปจฺจยา. เนววิปากนวิปากธมฺมธมฺมํ ปฏิจฺจ นวิปาโก จ นวิปากธมฺมธมฺโม จ ธมฺมา อุปฺปชฺชนฺติ เหตุปจฺจยา. (ปญฺจ ปญฺหา.)

๒๐. วิปากญฺจ เนววิปากนวิปากธมฺมธมฺมญฺจ ธมฺมํ ปฏิจฺจ นวิปาโก ธมฺโม อุปฺปชฺชติ เหตุปจฺจยา. วิปากญฺจ เนววิปากนวิปากธมฺมธมฺมญฺจ ธมฺมํ ปฏิจฺจ นวิปากธมฺมธมฺโม อุปฺปชฺชติ เหตุปจฺจยา. วิปากญฺจ เนววิปากนวิปากธมฺมธมฺมญฺจ ธมฺมํ ปฏิจฺจ นเนววิปากนวิปากธมฺมธมฺโม อุปฺปชฺชติ เหตุปจฺจยา. วิปากญฺจ เนววิปากนวิปากธมฺมธมฺมญฺจ ธมฺมํ ปฏิจฺจ นวิปากธมฺมธมฺโม จ นเนววิปากนวิปากธมฺมธมฺโม จ ธมฺมา อุปฺปชฺชนฺติ เหตุปจฺจยา. วิปากญฺจ เนววิปากนวิปากธมฺมธมฺมญฺจ ธมฺมํ ปฏิจฺจ นวิปาโก จ นวิปากธมฺมธมฺโม จ ธมฺมา อุปฺปชฺชนฺติ เหตุปจฺจยา. (๕)

วิปากธมฺมธมฺมญฺจ เนววิปากนวิปากธมฺมธมฺมญฺจ ธมฺมํ ปฏิจฺจ นวิปาโก ธมฺโม อุปฺปชฺชติ เหตุปจฺจยา. วิปากธมฺมธมฺมญฺจ เนววิปากนวิปากธมฺมธมฺมญฺจ ธมฺมํ ปฏิจฺจ นวิปากธมฺมธมฺโม อุปฺปชฺชติ เหตุปจฺจยา. วิปากธมฺมธมฺมญฺจ เนววิปากนวิปากธมฺมธมฺมญฺจ ธมฺมํ ปฏิจฺจ นวิปาโก จ นวิปากธมฺมธมฺโม จ ธมฺมา อุปฺปชฺชนฺติ เหตุปจฺจยา. (๓)

๒๑. วิปากํ ธมฺมํ ปฏิจฺจ นวิปากธมฺมธมฺโม อุปฺปชฺชติ อารมฺมณปจฺจยา… ตีณิ.

วิปากธมฺมธมฺมํ ปฏิจฺจ นวิปาโก ธมฺโม อุปฺปชฺชติ อารมฺมณปจฺจยา… ตีณิ.

เนววิปากนวิปากธมฺมธมฺมํ ปฏิจฺจ นเนววิปากนวิปากธมฺมธมฺโม อุปฺปชฺชติ อารมฺมณปจฺจยา… (ปญฺจ ปญฺหา).

วิปากญฺจ เนววิปากนวิปากธมฺมธมฺมญฺจ ธมฺมํ ปฏิจฺจ นวิปากธมฺมธมฺโม อุปฺปชฺชติ อารมฺมณปจฺจยา… ตีณิ. (สํขิตฺตํ.)

๒๒. เหตุยา เตวีส, อารมฺมเณ จุทฺทส…เป… อวิคเต เตวีส. (สํขิตฺตํ.)

นเหตุยา อฏฺฐารส, นอารมฺมเณ ปนฺนรส.

(สหชาตวารมฺปิ ปจฺจยวารมฺปิ นิสฺสยวารมฺปิ สํสฏฺฐวารมฺปิ สมฺปยุตฺตวารมฺปิ วิตฺถาเรตพฺพํ.)

๓. วิปากตฺติกํ

๗. ปญฺหาวาโร

ปจฺจยจตุกฺกํ

เหตุ-อารมฺมณปจฺจยา

๒๓. วิปาโก ธมฺโม นวิปากสฺส ธมฺมสฺส เหตุปจฺจเยน ปจฺจโย. วิปาโก ธมฺโม นวิปากธมฺมธมฺมสฺส เหตุปจฺจเยน ปจฺจโย. วิปาโก ธมฺโม นเนววิปากนวิปากธมฺมธมฺมสฺส เหตุปจฺจเยน ปจฺจโย. วิปาโก ธมฺโม นวิปากธมฺมธมฺมสฺส จ นเนววิปากนวิปากธมฺมธมฺมสฺส จ ธมฺมสฺส เหตุปจฺจเยน ปจฺจโย. วิปาโก ธมฺโม นวิปากสฺส จ นวิปากธมฺมธมฺมสฺส จ ธมฺมสฺส เหตุปจฺจเยน ปจฺจโย. (๕)

๒๔. วิปาโก ธมฺโม นวิปากสฺส ธมฺมสฺส อารมฺมณปจฺจเยน ปจฺจโย. วิปาโก ธมฺโม นวิปากธมฺมธมฺมสฺส อารมฺมณปจฺจเยน ปจฺจโย. วิปาโก ธมฺโม นเนววิปากนวิปากธมฺมธมฺมสฺส อารมฺมณปจฺจเยน ปจฺจโย. วิปาโก ธมฺโม นวิปากสฺส จ นเนววิปากนวิปากธมฺมธมฺมสฺส จ ธมฺมสฺส อารมฺมณปจฺจเยน ปจฺจโย. วิปาโก ธมฺโม นวิปากธมฺมธมฺมสฺส จ นเนววิปากนวิปากธมฺมธมฺมสฺส จ ธมฺมสฺส อารมฺมณปจฺจเยน ปจฺจโย. วิปาโก ธมฺโม นวิปากสฺส จ นวิปากธมฺมธมฺมสฺส จ ธมฺมสฺส อารมฺมณปจฺจเยน ปจฺจโย. (๖)

วิปากธมฺมธมฺโม นวิปากธมฺมธมฺมสฺส อารมฺมณปจฺจเยน ปจฺจโย. วิปากธมฺมธมฺโม นวิปากสฺส ธมฺมสฺส อารมฺมณปจฺจเยน ปจฺจโย. วิปากธมฺมธมฺโม นเนววิปากนวิปากธมฺมธมฺมสฺส อารมฺมณปจฺจเยน ปจฺจโย. วิปากธมฺมธมฺโม นวิปากสฺส จ นเนววิปากนวิปากธมฺมธมฺมสฺส จ ธมฺมสฺส อารมฺมณปจฺจเยน ปจฺจโย. วิปากธมฺมธมฺโม นวิปากธมฺมธมฺมสฺส จ นเนววิปากนวิปากธมฺมธมฺมสฺส จ ธมฺมสฺส อารมฺมณปจฺจเยน ปจฺจโย. วิปากธมฺมธมฺโม นวิปากสฺส จ นวิปากธมฺมธมฺมสฺส จ ธมฺมสฺส อารมฺมณปจฺจเยน ปจฺจโย. (๖)

เนววิปากนวิปากธมฺมธมฺโม นเนววิปากนวิปากธมฺมธมฺมสฺส อารมฺมณปจฺจเยน ปจฺจโย…เป… ฉ. (สํขิตฺตํ.)

๒๕. เหตุยา เตรส, อารมฺมเณ อฏฺฐารส, อธิปติยา สตฺตรส, อนนฺตเร โสฬส…เป… ปุเรชาเต ฉ, ปจฺฉาชาเต นว, อาเสวเน ฉ, กมฺเม จุทฺทส, วิปาเก ปญฺจ, อินฺทฺริเย อฏฺฐารส…เป… วิปฺปยุตฺเต ทฺวาทส…เป… อวิคเต ฉพฺพีส. (ปญฺหาวารํ วิตฺถาเรตพฺพํ.)

๔. อุปาทินฺนตฺติกํ

๑-๖. ปฏิจฺจวาราทิ

ปจฺจยจตุกฺกํ

เหตุปจฺจโย

๒๖. อุปาทินฺนุปาทานิยํ ธมฺมํ ปฏิจฺจ นอุปาทินฺนุปาทานิโย ธมฺโม อุปฺปชฺชติ เหตุปจฺจยา. อุปาทินฺนุปาทานิยํ ธมฺมํ ปฏิจฺจ นอนุปาทินฺนุปาทานิโย ธมฺโม อุปฺปชฺชติ เหตุปจฺจยา. อุปาทินฺนุปาทานิยํ ธมฺมํ ปฏิจฺจ นอนุปาทินฺนอนุปาทานิโย ธมฺโม อุปฺปชฺชติ เหตุปจฺจยา. อุปาทินฺนุปาทานิยํ ธมฺมํ ปฏิจฺจ นอุปาทินฺนุปาทานิโย จ นอนุปาทินฺนอนุปาทานิโย จ ธมฺมา อุปฺปชฺชนฺติ เหตุปจฺจยา. อุปาทินฺนุปาทานิยํ ธมฺมํ ปฏิจฺจ นอนุปาทินฺนุปาทานิโย จ นอนุปาทินฺนอนุปาทานิโย จ ธมฺมา อุปฺปชฺชนฺติ เหตุปจฺจยา. (๕)

อนุปาทินฺนุปาทานิยํ ธมฺมํ ปฏิจฺจ นอุปาทินฺนุปาทานิโย ธมฺโม อุปฺปชฺชติ เหตุปจฺจยา. อนุปาทินฺนุปาทานิยํ ธมฺมํ ปฏิจฺจ นอนุปาทินฺนอนุปาทานิโย ธมฺโม อุปฺปชฺชติ เหตุปจฺจยา. อนุปาทินฺนุปาทานิยํ ธมฺมํ ปฏิจฺจ นอุปาทินฺนุปาทานิโย จ นอนุปาทินฺนอนุปาทานิโย จ ธมฺมา อุปฺปชฺชนฺติ เหตุปจฺจยา. (๓)

อนุปาทินฺนอนุปาทานิยํ ธมฺมํ ปฏิจฺจ นอนุปาทินฺนอนุปาทานิโย ธมฺโม อุปฺปชฺชติ เหตุปจฺจยา. อนุปาทินฺนอนุปาทานิยํ ธมฺมํ ปฏิจฺจ นอุปาทินฺนุปาทานิโย ธมฺโม อุปฺปชฺชติ เหตุปจฺจยา. อนุปาทินฺนอนุปาทานิยํ ธมฺมํ ปฏิจฺจ นอนุปาทินฺนุปาทานิโย ธมฺโม อุปฺปชฺชติ เหตุปจฺจยา. อนุปาทินฺนอนุปาทานิยํ ธมฺมํ ปฏิจฺจ นอุปาทินฺนุปาทานิโย จ นอนุปาทินฺนอนุปาทานิโย จ ธมฺมา อุปฺปชฺชนฺติ เหตุปจฺจยา. อนุปาทินฺนอนุปาทานิยํ ธมฺมํ ปฏิจฺจ นอุปาทินฺนุปาทานิโย จ นอนุปาทินฺนุปาทานิโย จ ธมฺมา อุปฺปชฺชนฺติ เหตุปจฺจยา. (๕)

อนุปาทินฺนุปาทานิยญฺจ อนุปาทินฺนอนุปาทานิยญฺจ ธมฺมํ ปฏิจฺจ นอุปาทินฺนุปาทานิโย ธมฺโม อุปฺปชฺชติ เหตุปจฺจยา. อนุปาทินฺนุปาทานิยญฺจ อนุปาทินฺนอนุปาทานิยญฺจ ธมฺมํ ปฏิจฺจ นอนุปาทินฺนอนุปาทานิโย ธมฺโม อุปฺปชฺชติ เหตุปจฺจยา. อนุปาทินฺนุปาทานิยญฺจ อนุปาทินฺนอนุปาทานิยญฺจ ธมฺมํ ปฏิจฺจ นอุปาทินฺนุปาทานิโย จ นอนุปาทินฺนอนุปาทานิโย จ ธมฺมา อุปฺปชฺชนฺติ เหตุปจฺจยา. (๓)

อุปาทินฺนุปาทานิยญฺจ อนุปาทินฺนุปาทานิยญฺจ ธมฺมํ ปฏิจฺจ นอุปาทินฺนุปาทานิโย ธมฺโม อุปฺปชฺชติ เหตุปจฺจยา. อุปาทินฺนุปาทานิยญฺจ อนุปาทินฺนุปาทานิยญฺจ ธมฺมํ ปฏิจฺจ นอนุปาทินฺนอนุปาทานิโย ธมฺโม อุปฺปชฺชติ เหตุปจฺจยา. อุปาทินฺนุปาทานิยญฺจ อนุปาทินฺนุปาทานิยญฺจ ธมฺมํ ปฏิจฺจ นอุปาทินฺนุปาทานิโย จ นอนุปาทินฺนอนุปาทานิโย จ ธมฺมา อุปฺปชฺชนฺติ เหตุปจฺจยา. (๓) (สํขิตฺตํ.)

๒๗. เหตุยา เอกูนวีส, อารมฺมเณ นว, อธิปติยา เอกาทส…เป… สหชาเต เอกูนวีส. (สหชาตวารมฺปิ ปจฺจยวารมฺปิ นิสฺสยวารมฺปิ สํสฏฺฐวารมฺปิ สมฺปยุตฺตวารมฺปิ วิตฺถาเรตพฺพํ.)

๔. อุปาทินฺนตฺติกํ

๗. ปญฺหาวาโร

ปจฺจยจตุกฺกํ

เหตุ-อารมฺมณปจฺจยา

๒๘. อุปาทินฺนุปาทานิโย ธมฺโม นอุปาทินฺนุปาทานิยสฺส ธมฺมสฺส เหตุปจฺจเยน ปจฺจโย. อุปาทินฺนุปาทานิโย ธมฺโม นอนุปาทินฺนุปาทานิยสฺส ธมฺมสฺส เหตุปจฺจเยน ปจฺจโย…เป….

๒๙. อุปาทินฺนุปาทานิโย ธมฺโม นอุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโย. อุปาทินฺนุปาทานิโย ธมฺโม นอนุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโย. อุปาทินฺนุปาทานิโย ธมฺโม นอนุปาทินฺนอนุปาทานิยสฺส ธมฺมสฺส อารมฺมณปจฺจเยน ปจฺจโย. อุปาทินฺนุปาทานิโย ธมฺโม นอุปาทินฺนุปาทานิยสฺส จ นอนุปาทินฺนอนุปาทานิยสฺส จ ธมฺมสฺส อารมฺมณปจฺจเยน ปจฺจโย. อุปาทินฺนุปาทานิโย ธมฺโม นอนุปาทินฺนุปาทานิยสฺส จ นอนุปาทินฺนอนุปาทานิยสฺส จ ธมฺมสฺส อารมฺมณปจฺจเยน ปจฺจโย. (๕)

อนุปาทินฺนุปาทานิโย ธมฺโม นอนุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโย. อนุปาทินฺนุปาทานิโย ธมฺโม นอุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโย. อนุปาทินฺนุปาทานิโย ธมฺโม นอนุปาทินฺนอนุปาทานิยสฺส ธมฺมสฺส อารมฺมณปจฺจเยน ปจฺจโย. อนุปาทินฺนุปาทานิโย ธมฺโม นอุปาทินฺนุปาทานิยสฺส จ นอนุปาทินฺนอนุปาทานิยสฺส จ ธมฺมสฺส อารมฺมณปจฺจเยน ปจฺจโย. อนุปาทินฺนุปาทานิโย ธมฺโม นอนุปาทินฺนุปาทานิยสฺส จ นอนุปาทินฺนอนุปาทานิยสฺส จ ธมฺมสฺส อารมฺมณปจฺจเยน ปจฺจโย. (๕)

อนุปาทินฺนอนุปาทานิโย ธมฺโม นอนุปาทินฺนอนุปาทานิยสฺส ธมฺมสฺส อารมฺมณปจฺจเยน ปจฺจโย…เป… ปญฺจ. (สํขิตฺตํ.)

๓๐. เหตุยา เตรส, อารมฺมเณ ปนฺนรส, อธิปติยา เอกาทส. (ปญฺหาวารมฺปิ วิตฺถาเรตพฺพํ.)

๕. สํกิลิฏฺฐตฺติกํ

๑-๗. ปฏิจฺจวาราทิ

๑. ปจฺจยานุโลมํ

เหตุปจฺจโย

๓๑. สํกิลิฏฺฐสํกิเลสิกํ ธมฺมํ ปฏิจฺจ นสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา. สํกิลิฏฺฐสํกิเลสิกํ ธมฺมํ ปฏิจฺจ นอสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา. สํกิลิฏฺฐสํกิเลสิกํ ธมฺมํ ปฏิจฺจ นอสํกิลิฏฺฐอสํกิเลสิโก ธมฺโม อุปฺปชฺชติ เหตุปจฺจยา. สํกิลิฏฺฐสํกิเลสิกํ ธมฺมํ ปฏิจฺจ นสํกิลิฏฺฐสํกิเลสิโก จ นอสํกิลิฏฺฐอสํกิเลสิโก จ ธมฺมา อุปฺปชฺชนฺติ เหตุปจฺจยา. สํกิลิฏฺฐสํกิเลสิกํ ธมฺมํ ปฏิจฺจ นอสํกิลิฏฺฐสํกิเลสิโก จ นอสํกิลิฏฺฐอสํกิเลสิโก จ ธมฺมา อุปฺปชฺชนฺติ เหตุปจฺจยา. (๕)

อสํกิลิฏฺฐสํกิเลสิกํ ธมฺมํ ปฏิจฺจ นสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา. อสํกิลิฏฺฐสํกิเลสิกํ ธมฺมํ ปฏิจฺจ นอสํกิลิฏฺฐอสํกิเลสิโก ธมฺโม อุปฺปชฺชติ เหตุปจฺจยา. อสํกิลิฏฺฐสํกิเลสิกํ ธมฺมํ ปฏิจฺจ นสํกิลิฏฺฐสํกิเลสิโก จ นอสํกิลิฏฺฐอสํกิเลสิโก จ ธมฺมา อุปฺปชฺชนฺติ เหตุปจฺจยา. (๓)

อสํกิลิฏฺฐอสํกิเลสิกํ ธมฺมํ ปฏิจฺจ นอสํกิลิฏฺฐอสํกิเลสิโก ธมฺโม อุปฺปชฺชติ เหตุปจฺจยา. อสํกิลิฏฺฐอสํกิเลสิกํ ธมฺมํ ปฏิจฺจ นสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา. อสํกิลิฏฺฐอสํกิเลสิกํ ธมฺมํ ปฏิจฺจ นอสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา. อสํกิลิฏฺฐอสํกิเลสิกํ ธมฺมํ ปฏิจฺจ นสํกิลิฏฺฐสํกิเลสิโก จ นอสํกิลิฏฺฐอสํกิเลสิโก จ ธมฺมา อุปฺปชฺชนฺติ เหตุปจฺจยา. อสํกิลิฏฺฐอสํกิเลสิกํ ธมฺมํ ปฏิจฺจ นสํกิลิฏฺฐสํกิเลสิโก จ นอสํกิลิฏฺฐสํกิเลสิโก จ ธมฺมา อุปฺปชฺชนฺติ เหตุปจฺจยา. (๕)

อสํกิลิฏฺฐสํกิเลสิกญฺจ อสํกิลิฏฺฐอสํกิเลสิกญฺจ ธมฺมํ ปฏิจฺจ นสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา… ตีณิ.

สํกิลิฏฺฐสํกิเลสิกญฺจ อสํกิลิฏฺฐสํกิเลสิกญฺจ ธมฺมํ ปฏิจฺจ นสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา…เป… ตีณิ. (สํขิตฺตํ.)

เหตุยา เอกูนวีส, อารมฺมเณ นว…เป… อวิคเต เอกูนวีส. (สหชาตวารมฺปิ ปจฺจยวารมฺปิ นิสฺสยวารมฺปิ สํสฏฺฐวารมฺปิ สมฺปยุตฺตวารมฺปิ วิตฺถาเรตพฺพํ. ปญฺหาวาเร น สทิสํ.)

๓๒. เหตุยา เตรส, อารมฺมเณ ปนฺนรส, อธิปติยา ปนฺนรส, อนนฺตเร โสฬส…เป… ปุเรชาเต ฉ, ปจฺฉาชาเต นว, อาเสวเน อฏฺฐ, กมฺเม เตรส, วิปาเก อฏฺฐ, อาหาเร เตรส…เป… มคฺเค เตรส, วิปฺปยุตฺเต ทฺวาทส…เป… อวิคเต ฉพฺพีส.

๖. วิตกฺกตฺติกํ

๑-๗. ปฏิจฺจวาราทิ

๑. ปจฺจยานุโลมํ

เหตุปจฺจโย

๓๓. สวิตกฺกสวิจารํ ธมฺมํ ปฏิจฺจ นสวิตกฺกสวิจาโร ธมฺโม อุปฺปชฺชติ เหตุปจฺจยา. สวิตกฺกสวิจารํ ธมฺมํ ปฏิจฺจ นอวิตกฺกวิจารมตฺโต ธมฺโม อุปฺปชฺชติ เหตุปจฺจยา. สวิตกฺกสวิจารํ ธมฺมํ ปฏิจฺจ นอวิตกฺกอวิจาโร ธมฺโม อุปฺปชฺชติ เหตุปจฺจยา. สวิตกฺกสวิจารํ ธมฺมํ ปฏิจฺจ นสวิตกฺกสวิจาโร จ นอวิตกฺกอวิจาโร จ ธมฺมา อุปฺปชฺชนฺติ เหตุปจฺจยา. สวิตกฺกสวิจารํ ธมฺมํ ปฏิจฺจ นอวิตกฺกวิจารมตฺโต จ นอวิตกฺกอวิจาโร จ ธมฺมา อุปฺปชฺชนฺติ เหตุปจฺจยา. สวิตกฺกสวิจารํ ธมฺมํ ปฏิจฺจ นสวิตกฺกสวิจาโร จ นอวิตกฺกวิจารมตฺโต จ ธมฺมา อุปฺปชฺชนฺติ เหตุปจฺจยา. สวิตกฺกสวิจารํ ธมฺมํ ปฏิจฺจ นสวิตกฺกสวิจาโร จ นอวิตกฺกวิจารมตฺโต จ นอวิตกฺกอวิจาโร จ ธมฺมา อุปฺปชฺชนฺติ เหตุปจฺจยา. (๗)

๓๔. อวิตกฺกวิจารมตฺตํ ธมฺมํ ปฏิจฺจ นอวิตกฺกวิจารมตฺโต ธมฺโม อุปฺปชฺชติ เหตุปจฺจยา. อวิตกฺกวิจารมตฺตํ ธมฺมํ ปฏิจฺจ นสวิตกฺกสวิจาโร ธมฺโม อุปฺปชฺชติ เหตุปจฺจยา. อวิตกฺกวิจารมตฺตํ ธมฺมํ ปฏิจฺจ นอวิตกฺกอวิจาโร ธมฺโม อุปฺปชฺชติ เหตุปจฺจยา. อวิตกฺกวิจารมตฺตํ ธมฺมํ ปฏิจฺจ นสวิตกฺกสวิจาโร จ นอวิตกฺกอวิจาโร จ ธมฺมา อุปฺปชฺชนฺติ เหตุปจฺจยา. อวิตกฺกวิจารมตฺตํ ธมฺมํ ปฏิจฺจ นอวิตกฺกวิจารมตฺโต จ นอวิตกฺกอวิจาโร จ ธมฺมา อุปฺปชฺชนฺติ เหตุปจฺจยา. อวิตกฺกวิจารมตฺตํ ธมฺมํ ปฏิจฺจ นสวิตกฺกสวิจาโร จ นอวิตกฺกวิจารมตฺโต จ ธมฺมา อุปฺปชฺชนฺติ เหตุปจฺจยา. อวิตกฺกวิจารมตฺตํ ธมฺมํ ปฏิจฺจ นสวิตกฺกสวิจาโร จ นอวิตกฺกวิจารมตฺโต จ นอวิตกฺกอวิจาโร จ ธมฺมา อุปฺปชฺชนฺติ เหตุปจฺจยา. (๗)

อวิตกฺกอวิจารํ ธมฺมํ ปฏิจฺจ นอวิตกฺกอวิจาโร ธมฺโม อุปฺปชฺชติ เหตุปจฺจยา…เป… สตฺต.

สวิตกฺกสวิจารญฺจ อวิตกฺกอวิจารญฺจ ธมฺมํ ปฏิจฺจ นสวิตกฺกสวิจาโร ธมฺโม อุปฺปชฺชติ เหตุปจฺจยา…เป… สตฺต.

อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปฏิจฺจ นสวิตกฺกสวิจาโร ธมฺโม อุปฺปชฺชติ เหตุปจฺจยา…เป… สตฺต.

สวิตกฺกสวิจารญฺจ อวิตกฺกวิจารมตฺตญฺจ ธมฺมํ ปฏิจฺจ นสวิตกฺกสวิจาโร ธมฺโม อุปฺปชฺชติ เหตุปจฺจยา…เป… สตฺต.

สวิตกฺกสวิจารญฺจ อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปฏิจฺจ นสวิตกฺกสวิจาโร ธมฺโม อุปฺปชฺชติ เหตุปจฺจยา…เป… สตฺต. (สํขิตฺตํ.)

เหตุยา เอกูนปญฺญาส, อารมฺมเณ เอกูนปญฺญาส…เป… อวิคเต เอกูนปญฺญาส. (สหชาตวารมฺปิ…เป… ปญฺหาวารมฺปิ วิตฺถาเรตพฺพํ.)

๗. ปีติตฺติกํ

๑-๗. ปฏิจฺจวาราทิ

๑. ปจฺจยานุโลมํ

เหตุปจฺจโย

๓๕. ปีติสหคตํ ธมฺมํ ปฏิจฺจ นปีติสหคโต ธมฺโม อุปฺปชฺชติ เหตุปจฺจยา. ปีติสหคตํ ธมฺมํ ปฏิจฺจ นสุขสหคโต ธมฺโม อุปฺปชฺชติ เหตุปจฺจยา. ปีติสหคตํ ธมฺมํ ปฏิจฺจ นอุเปกฺขาสหคโต ธมฺโม อุปฺปชฺชติ เหตุปจฺจยา. ปีติสหคตํ ธมฺมํ ปฏิจฺจ นปีติสหคโต จ นอุเปกฺขาสหคโต จ ธมฺมา อุปฺปชฺชนฺติ เหตุปจฺจยา. ปีติสหคตํ ธมฺมํ ปฏิจฺจ นสุขสหคโต จ นอุเปกฺขาสหคโต จ ธมฺมา อุปฺปชฺชนฺติ เหตุปจฺจยา. ปีติสหคตํ ธมฺมํ ปฏิจฺจ นปีติสหคโต จ นสุขสหคโต จ ธมฺมา อุปฺปชฺชนฺติ เหตุปจฺจยา. ปีติสหคตํ ธมฺมํ ปฏิจฺจ นปีติสหคโต จ นสุขสหคโต จ นอุเปกฺขาสหคโต จ ธมฺมา อุปฺปชฺชนฺติ เหตุปจฺจยา. (๗)

สุขสหคตํ ธมฺมํ ปฏิจฺจ นสุขสหคโต ธมฺโม อุปฺปชฺชติ เหตุปจฺจยา…เป… สตฺต.

อุเปกฺขาสหคตํ ธมฺมํ ปฏิจฺจ นอุเปกฺขาสหคโต ธมฺโม อุปฺปชฺชติ เหตุปจฺจยา…เป… สตฺต.

ปีติสหคตญฺจ สุขสหคตญฺจ ธมฺมํ ปฏิจฺจ นปีติสหคโต ธมฺโม อุปฺปชฺชติ เหตุปจฺจยา…เป… สตฺต. (สํขิตฺตํ.)

เหตุยา อฏฺฐวีส, อารมฺมเณ จตุวีส…เป… อวิคเต อฏฺฐวีส.

(สหชาตวารมฺปิ…เป… สมฺปยุตฺตวารมฺปิ ปญฺหาวารมฺปิ สพฺพตฺถ วิตฺถาเรตพฺพํ).

๘. ทสฺสนตฺติกํ

๑-๗. ปฏิจฺจวาราทิ

๑. ปจฺจยานุโลมํ

เหตุปจฺจโย

๓๖. ทสฺสเนน ปหาตพฺพํ ธมฺมํ ปฏิจฺจ นทสฺสเนน ปหาตพฺโพ ธมฺโม อุปฺปชฺชติ เหตุปจฺจยา. ทสฺสเนน ปหาตพฺพํ ธมฺมํ ปฏิจฺจ นภาวนาย ปหาตพฺโพ ธมฺโม อุปฺปชฺชติ เหตุปจฺจยา. ทสฺสเนน ปหาตพฺพํ ธมฺมํ ปฏิจฺจ นเนวทสฺสเนน นภาวนาย ปหาตพฺโพ ธมฺโม อุปฺปชฺชติ เหตุปจฺจยา. ทสฺสเนน ปหาตพฺพํ ธมฺมํ ปฏิจฺจ นภาวนาย ปหาตพฺโพ จ นเนวทสฺสเนน นภาวนาย ปหาตพฺโพ จ ธมฺมา อุปฺปชฺชนฺติ เหตุปจฺจยา. ทสฺสเนน ปหาตพฺพํ ธมฺมํ ปฏิจฺจ นทสฺสเนน ปหาตพฺโพ จ นภาวนาย ปหาตพฺโพ จ ธมฺมา อุปฺปชฺชนฺติ เหตุปจฺจยา. (๕)

ภาวนาย ปหาตพฺพํ ธมฺมํ ปฏิจฺจ นภาวนาย ปหาตพฺโพ ธมฺโม อุปฺปชฺชติ เหตุปจฺจยา… ปญฺจ.

เนวทสฺสเนน นภาวนาย ปหาตพฺพํ ธมฺมํ ปฏิจฺจ นทสฺสเนน ปหาตพฺโพ ธมฺโม อุปฺปชฺชติ เหตุปจฺจยา… ตีณิ.

ทสฺสเนน ปหาตพฺพญฺจ เนวทสฺสเนน นภาวนาย ปหาตพฺพญฺจ ธมฺมํ ปฏิจฺจ นทสฺสเนน ปหาตพฺโพ ธมฺโม อุปฺปชฺชติ เหตุปจฺจยา… ตีณิ.

ภาวนาย ปหาตพฺพญฺจ เนวทสฺสเนน นภาวนาย ปหาตพฺพญฺจ ธมฺมํ ปฏิจฺจ นทสฺสเนน ปหาตพฺโพ ธมฺโม อุปฺปชฺชติ เหตุปจฺจยา… ตีณิ. (สํขิตฺตํ.)

เหตุยา เอกูนวีส…เป… อวิคเต เอกูนวีส. (สหชาตวารมฺปิ…เป… สมฺปยุตฺตวารมฺปิ ปญฺหาวารมฺปิ วิตฺถาเรตพฺพํ.)

๙. ทสฺสนเหตุตฺติกํ

๑-๗. ปฏิจฺจวาราทิ

๓๗. ทสฺสเนน ปหาตพฺพเหตุกํ ธมฺมํ ปฏิจฺจ นทสฺสเนน ปหาตพฺพเหตุโก ธมฺโม อุปฺปชฺชติ เหตุปจฺจยา. (สํขิตฺตํ.)

เหตุยา ฉพฺพีส…เป… อวิคเต ฉพฺพีส. (วิตฺถาเรตพฺพํ.)

๑๐. อาจยคามิตฺติกํ

๑-๗. ปฏิจฺจวาราทิ

๑. ปจฺจยานุโลมํ

เหตุปจฺจโย

๓๘. อาจยคามึ ธมฺมํ ปฏิจฺจ นอาจยคามี ธมฺโม อุปฺปชฺชติ เหตุปจฺจยา. อาจยคามึ ธมฺมํ ปฏิจฺจ นอปจยคามี ธมฺโม อุปฺปชฺชติ เหตุปจฺจยา. อาจยคามึ ธมฺมํ ปฏิจฺจ นเนวาจยคามินาปจยคามี ธมฺโม อุปฺปชฺชติ เหตุปจฺจยา. อาจยคามึ ธมฺมํ ปฏิจฺจ นอปจยคามี จ นเนวาจยคามินาปจยคามี จ ธมฺมา อุปฺปชฺชนฺติ เหตุปจฺจยา. อาจยคามึ ธมฺมํ ปฏิจฺจ นอาจยคามี จ นอปจยคามี จ ธมฺมา อุปฺปชฺชนฺติ เหตุปจฺจยา. (๕)

อปจยคามึ ธมฺมํ ปฏิจฺจ นอปจยคามี ธมฺโม อุปฺปชฺชติ เหตุปจฺจยา. อปจยคามึ ธมฺมํ ปฏิจฺจ นอาจยคามี ธมฺโม อุปฺปชฺชติ เหตุปจฺจยา. อปจยคามึ ธมฺมํ ปฏิจฺจ นเนวาจยคามินาปจยคามี ธมฺโม อุปฺปชฺชติ เหตุปจฺจยา. อปจยคามึ ธมฺมํ ปฏิจฺจ นอาจยคามี จ นเนวาจยคามินาปจยคามี จ ธมฺมา อุปฺปชฺชนฺติ เหตุปจฺจยา. อปจยคามึ ธมฺมํ ปฏิจฺจ นอาจยคามี จ นอปจยคามี จ ธมฺมา อุปฺปชฺชนฺติ เหตุปจฺจยา. (๕)