๓๐. คนฺถคนฺถสมฺปยุตฺตทุกํ

๔๔. นคนฺถญฺเจว นคนฺถวิปฺปยุตฺตญฺจ ธมฺมํ ปฏิจฺจ นคนฺโถ เจว นคนฺถวิปฺปยุตฺโต จ ธมฺโม อุปฺปชฺชติ เหตุปจฺจยา. นคนฺถญฺเจว นคนฺถวิปฺปยุตฺตญฺจ ธมฺมํ ปฏิจฺจ นคนฺถวิปฺปยุตฺโต เจว นโน จ คนฺโถ ธมฺโม อุปฺปชฺชติ เหตุปจฺจยา. นคนฺถญฺเจว นคนฺถวิปฺปยุตฺตญฺจ ธมฺมํ ปฏิจฺจ นคนฺโถ เจว นคนฺถวิปฺปยุตฺโต จ นคนฺถวิปฺปยุตฺโต เจว นโน จ คนฺโถ จ ธมฺมา อุปฺปชฺชนฺติ เหตุปจฺจยา. (๓)

นคนฺถวิปฺปยุตฺตญฺเจว นโน จ คนฺถํ ธมฺมํ ปฏิจฺจ นคนฺถวิปฺปยุตฺโต เจว นโน จ คนฺโถ ธมฺโม อุปฺปชฺชติ เหตุปจฺจยา. นคนฺถวิปฺปยุตฺตญฺเจว นโน จ คนฺถํ ธมฺมํ ปฏิจฺจ นคนฺโถ เจว นคนฺถวิปฺปยุตฺโต จ ธมฺโม อุปฺปชฺชติ เหตุปจฺจยา. นคนฺถวิปฺปยุตฺตญฺเจว นโน จ คนฺถํ ธมฺมํ ปฏิจฺจ นคนฺโถ เจว นคนฺถวิปฺปยุตฺโต จ นคนฺถวิปฺปยุตฺโต เจว นโน จ คนฺโถ จ ธมฺมา อุปฺปชฺชนฺติ เหตุปจฺจยา. (๓)

นคนฺถญฺเจว นคนฺถวิปฺปยุตฺตญฺจ นคนฺถวิปฺปยุตฺตญฺเจว นโน จ คนฺถญฺจ ธมฺมํ ปฏิจฺจ นคนฺโถ เจว นคนฺถวิปฺปยุตฺโต จ ธมฺโม อุปฺปชฺชติ เหตุปจฺจยา. นคนฺถญฺเจว นคนฺถวิปฺปยุตฺตญฺจ นคนฺถวิปฺปยุตฺตญฺเจว นโน จ คนฺถญฺจ ธมฺมํ ปฏิจฺจ นคนฺถวิปฺปยุตฺโต เจว นโน จ คนฺโถ ธมฺโม อุปฺปชฺชติ เหตุปจฺจยา. นคนฺถญฺเจว นคนฺถวิปฺปยุตฺตญฺจ นคนฺถวิปฺปยุตฺตญฺเจว นโน จ คนฺถญฺจ ธมฺมํ ปฏิจฺจ นคนฺโถ เจว นคนฺถวิปฺปยุตฺโต จ นคนฺถวิปฺปยุตฺโต เจว นโน จ คนฺโถ จ ธมฺมา อุปฺปชฺชนฺติ เหตุปจฺจยา. (๓) (สํขิตฺตํ.)

เหตุยา นว…เป… อวิคเต นว. (สพฺพตฺถ วิตฺถาโร.)