๒๙. คนฺถคนฺถนิยทุกํ

๔๓. นคนฺถญฺเจว นอคนฺถนิยญฺจ ธมฺมํ ปฏิจฺจ นคนฺโถ เจว นอคนฺถนิโย จ ธมฺโม อุปฺปชฺชติ เหตุปจฺจยา. นคนฺถญฺเจว นอคนฺถนิยญฺจ ธมฺมํ ปฏิจฺจ นอคนฺถนิโย เจว นโน จ คนฺโถ ธมฺโม อุปฺปชฺชติ เหตุปจฺจยา. นคนฺถญฺเจว นอคนฺถนิยญฺจ ธมฺมํ ปฏิจฺจ นคนฺโถ เจว นอคนฺถนิโย จ นอคนฺถนิโย เจว นโน จ คนฺโถ จ ธมฺมา อุปฺปชฺชนฺติ เหตุปจฺจยา. (๓)

นอคนฺถนิยญฺเจว นโน จ คนฺถํ ธมฺมํ ปฏิจฺจ นอคนฺถนิโย เจว นโนคนฺโถ จ ธมฺโม อุปฺปชฺชติ เหตุปจฺจยา. นอคนฺถนิยญฺเจว นโน จ คนฺถํ ธมฺมํ ปฏิจฺจ นคนฺโถ เจว นอคนฺถนิโย จ ธมฺโม อุปฺปชฺชติ เหตุปจฺจยา. นอคนฺถนิยญฺเจว นโน จ คนฺถํ ธมฺมํ ปฏิจฺจ นคนฺโถ เจว นอคนฺถนิโย จ นอคนฺถนิโย เจว นโน จ คนฺโถ จ ธมฺมา อุปฺปชฺชนฺติ เหตุปจฺจยา. (๓)

นคนฺถญฺเจว นอคนฺถนิยญฺจ นอคนฺถนิยญฺเจว นโน จ คนฺถญฺจ ธมฺมํ ปฏิจฺจ นคนฺโถ เจว นอคนฺถนิโย จ ธมฺโม อุปฺปชฺชติ เหตุปจฺจยา… ตีณิ. (สํขิตฺตํ.)

เหตุยา นว…เป… อวิคเต นว. (สพฺพตฺถ วิตฺถาโร.)