๒๘. คนฺถสมฺปยุตฺตทุกํ

๔๒. นคนฺถสมฺปยุตฺตํ ธมฺมํ ปฏิจฺจ นคนฺถสมฺปยุตฺโต ธมฺโม อุปฺปชฺชติ เหตุปจฺจยา. นคนฺถสมฺปยุตฺตํ ธมฺมํ ปฏิจฺจ นคนฺถวิปฺปยุตฺโต ธมฺโม อุปฺปชฺชติ เหตุปจฺจยา. นคนฺถสมฺปยุตฺตํ ธมฺมํ ปฏิจฺจ นคนฺถสมฺปยุตฺโต จ นคนฺถวิปฺปยุตฺโต จ ธมฺมา อุปฺปชฺชนฺติ เหตุปจฺจยา. (๓)

นคนฺถวิปฺปยุตฺตํ ธมฺมํ ปฏิจฺจ นคนฺถวิปฺปยุตฺโต ธมฺโม อุปฺปชฺชติ เหตุปจฺจยา. นคนฺถวิปฺปยุตฺตํ ธมฺมํ ปฏิจฺจ นคนฺถสมฺปยุตฺโต ธมฺโม อุปฺปชฺชติ เหตุปจฺจยา. นคนฺถวิปฺปยุตฺตํ ธมฺมํ ปฏิจฺจ นคนฺถสมฺปยุตฺโต จ นคนฺถวิปฺปยุตฺโต จ ธมฺมา อุปฺปชฺชนฺติ เหตุปจฺจยา. (๓)

นคนฺถสมฺปยุตฺตญฺจ นคนฺถวิปฺปยุตฺตญฺจ ธมฺมํ ปฏิจฺจ นคนฺถสมฺปยุตฺโต ธมฺโม อุปฺปชฺชติ เหตุปจฺจยา. นคนฺถสมฺปยุตฺตญฺจ นคนฺถวิปฺปยุตฺตญฺจ ธมฺมํ ปฏิจฺจ นคนฺถวิปฺปยุตฺโต ธมฺโม อุปฺปชฺชติ เหตุปจฺจยา. นคนฺถสมฺปยุตฺตญฺจ นคนฺถวิปฺปยุตฺตญฺจ ธมฺมํ ปฏิจฺจ นคนฺถสมฺปยุตฺโต จ นคนฺถวิปฺปยุตฺโต จ ธมฺมา อุปฺปชฺชนฺติ เหตุปจฺจยา. (๓) (สํขิตฺตํ.)

เหตุยา นว, อารมฺมเณ ฉ, อธิปติยา นว…เป… อวิคเต นว. (สพฺพตฺถ วิตฺถาโร.)