๒-๑. สเหตุกาทิทุกานิ-เหตุทุกํ

๔๘. นสเหตุกํ นเหตุํ ธมฺมํ ปฏิจฺจ สเหตุโก เหตุ ธมฺโม อุปฺปชฺชติ เหตุปจฺจยา. นอเหตุกํ นเหตุํ ธมฺมํ ปฏิจฺจ สเหตุโก เหตุ ธมฺโม อุปฺปชฺชติ เหตุปจฺจยา. นสเหตุกํ นเหตุญฺจ นอเหตุกํ นเหตุญฺจ ธมฺมํ ปฏิจฺจ สเหตุโก เหตุ ธมฺโม อุปฺปชฺชติ เหตุปจฺจยา. เหตุยา ตีณิ.

นสเหตุกํ นนเหตุํ ธมฺมํ ปฏิจฺจ สเหตุโก นเหตุ ธมฺโม อุปฺปชฺชติ เหตุปจฺจยา… ตีณิ.

นอเหตุกํ นนเหตุํ ธมฺมํ ปฏิจฺจ อเหตุโก นเหตุ ธมฺโม อุปฺปชฺชติ เหตุปจฺจยา… ตีณิ. เหตุยา ฉ.

๔๙. นเหตุสมฺปยุตฺตํ นเหตุํ ธมฺมํ ปฏิจฺจ เหตุสมฺปยุตฺโต เหตุ ธมฺโม อุปฺปชฺชติ เหตุปจฺจยา… ตีณิ. (สเหตุกทุกสทิสํ.)

๕๐. นเหตุญฺเจว นอเหตุกํ นเหตุํ ธมฺมํ ปฏิจฺจ เหตุ เจว สเหตุโก จ เหตุ ธมฺโม อุปฺปชฺชติ เหตุปจฺจยา. เหตุยา เอกํ.

นอเหตุกญฺเจว นน จ เหตุํ นนเหตุํ ธมฺมํ ปฏิจฺจ สเหตุโก เจว น จ เหตุ นเหตุ ธมฺโม อุปฺปชฺชติ เหตุปจฺจยา. เหตุยา เอกํ.

๕๑. นเหตุญฺเจว นเหตุวิปฺปยุตฺตญฺจ นเหตุํ ธมฺมํ ปฏิจฺจ เหตุ เจว เหตุสมฺปยุตฺโต จ เหตุ ธมฺโม อุปฺปชฺชติ เหตุปจฺจยา. เหตุยา เอกํ.

นเหตุวิปฺปยุตฺตญฺเจว นนเหตุญฺจ นนเหตุํ ธมฺมํ ปฏิจฺจ เหตุสมฺปยุตฺโต เจว น จ เหตุ นเหตุ ธมฺโม อุปฺปชฺชติ เหตุปจฺจยา. เหตุยา เอกํ. (อนฺติมทุกํ น ลพฺภติ.)