๗-๑๓-๑. จูฬนฺตรทุกานิ-เหตุทุกํ

๕๒. นอปฺปจฺจยํ นเหตุํ ธมฺมํ ปฏิจฺจ สปฺปจฺจโย เหตุ ธมฺโม อุปฺปชฺชติ เหตุปจฺจยา. เหตุยา เอกํ.

นอปฺปจฺจยํ นนเหตุํ ธมฺมํ ปฏิจฺจ สปฺปจฺจโย นเหตุ ธมฺโม อุปฺปชฺชติ เหตุปจฺจยา. เหตุยา เอกํ. (สงฺขตํ สปฺปจฺจยสทิสํ.)

๕๓. นสนิทสฺสนํ นเหตุํ ธมฺมํ ปฏิจฺจ อนิทสฺสโน เหตุ ธมฺโม อุปฺปชฺชติ เหตุปจฺจยา. เหตุยา เอกํ.

นสนิทสฺสนํ นนเหตุํ ธมฺมํ ปฏิจฺจ สนิทสฺสโน นเหตุ ธมฺโม อุปฺปชฺชติ เหตุปจฺจยา. เหตุยา ตีณิ.

๕๔. นสปฺปฏิฆํ นเหตุํ ธมฺมํ ปฏิจฺจ อปฺปฏิโฆ เหตุ ธมฺโม อุปฺปชฺชติ เหตุปจฺจยา. เหตุยา เอกํ.

นสปฺปฏิฆํ นนเหตุํ ธมฺมํ ปฏิจฺจ สปฺปฏิโฆ นเหตุ ธมฺโม อุปฺปชฺชติ เหตุปจฺจยา… เหตุยา ตีณิ.

๕๕. นรูปึ นเหตุํ ธมฺมํ ปฏิจฺจ อรูปี เหตุ ธมฺโม อุปฺปชฺชติ เหตุปจฺจยา… เหตุยา ตีณิ.

นรูปึ นนเหตุํ ธมฺมํ ปฏิจฺจ อรูปี นเหตุ ธมฺโม อุปฺปชฺชติ เหตุปจฺจยา… คณิตเกน ตีณิ.

๕๖. นโลกิยํ นเหตุํ ธมฺมํ ปฏิจฺจ โลกุตฺตโร เหตุ ธมฺโม อุปฺปชฺชติ เหตุปจฺจยา. เอกํ.

นโลกุตฺตรํ นเหตุํ ธมฺมํ ปฏิจฺจ โลกิโย เหตุ ธมฺโม อุปฺปชฺชติ เหตุปจฺจยา. เอกํ. เหตุยา เทฺว.

นโลกิยํ นนเหตุํ ธมฺมํ ปฏิจฺจ โลกิโย นเหตุ ธมฺโม อุปฺปชฺชติ เหตุปจฺจยา… ตีณิ.

นโลกุตฺตรํ นนเหตุํ ธมฺมํ ปฏิจฺจ โลกิโย นเหตุ ธมฺโม อุปฺปชฺชติ เหตุปจฺจยา. เอกํ. เหตุยา จตฺตาริ.

๕๗. นเกนจิ วิญฺเญยฺยํ นเหตุํ ธมฺมํ ปฏิจฺจ เกนจิ วิญฺเญยฺโย เหตุ ธมฺโม อุปฺปชฺชติ เหตุปจฺจยา… เหตุยา นว.

นเกนจิ นวิญฺเญยฺยํ นนเหตุํ ธมฺมํ ปฏิจฺจ เกนจิ นวิญฺเญยฺโย นเหตุ ธมฺโม อุปฺปชฺชติ เหตุปจฺจยา… เหตุยา นว.